Stock take at Macau

今日係我第一次離開香港工作，近近地只係去澳門stock take，因為上星期公司已經幫我地買好船飛，8:30am 上船，10:00am 要到鋪。因為要8:30am 上船所以同事約好左8:15am 起碼頭等。

要我準時其實係一件好難的事情，由我知道自己要去澳門開始我就好擔心，因為依加我每日返工都遲到由遲15mins-30mins 不等。因為已經買好晒船飛，而同事亦知道我慣性遲到，所以亦都好擔心我今日未能準時到達！

我其實都無check 過屋企樓下部巴士係咪真係可以去到信德中心，印像中我搭個部巴士係個總站係起信德附近，原來個站已經改左，我搭車個陣望下見到已經差唔多到信德中心，但係見到其他乘客又無意慾下車，我以我好驚咁衝左落去問司機，司機話信德中心咪要起下一個站下車，再唔落車就要去到好遠，我下車時都已經8:20am，因為太趕時間所以我一上到去信德中心就問人點行去搭船，好在最後有驚無險都上到8:30am 班船。今日真係好大霧，架船行行下突然宣佈因為太大霧關係為了安全起見要慢駛，就係因為咁我地落船已經10:16am，再過埋關之後再搭的士去威尼斯已經差不多11:00am。
今日好搞笑因為我地3個人都唔熟澳門D路，所以唔知點去威尼斯，我地搭的士時的士司機問我地要起威尼斯正門落車或是後門 (係免費車落客地點)，因為我地都唔識路所以就選了於正門下車，後來janice 問司機可唔可以起名店個d 鋪到落車，司機都唔明我地講乜，司機答我地話入到去全部都係鋪 (九唔搭八)，所以我地最後都係起正門下車。
第一次做stock take 要成間鋪每一件貨逐件點。入到去間鋪真係大到有點兒嚇親，好在係開住鋪做生意，我地有我地點貨，d 客又佢地自己買野，我今日主要點display ge 貨，我當然係一路點一路睇下公司的product 有邊件我係鐘意ge，真係寓工作於娛樂...今日比我睇中左隻錶，好在唔係好貴我都仲買得起...
尋日我地已經講唔知去到澳門lunch 去邊度食好，於是我話我有澳門指南，既然買左當然要用盡呢本書啦，我一上船已經起度搵去邊食好，最後我地揀左達榮魚翅湯麵食lunch見韜韜都嚟過食應該都ok 啩？食完之後仲去左氹仔手信街買埋手信添呀。我都係第一次自己去買手信，仲比我起氹仔見到好耐之前yuki 請我食過個隻硬薑糖，終於都比我買到啦真係好開心呀！
今日點得好快4點鐘就已經點完全間鋪，但係最可怕的時間起臨走時終於都出現，公司規定如果貨品數量有差異務必要於店鋪內找尋到為止，因為公司售賣的是luxury product所以遺失的機會相對地較低，因為片尋不獲所以我地3個同事起個後倉到呆等了差不多成個鐘，最後都係搵唔到，經由店長confirm沒有這件貨品後，我們約5:30pm離開鋪頭，我堅持要起尖沙咀落船，因為我係九龍人嘛，同埋我唔想起上環落船係因為我唔想比自己有機會返公司做野。最後好趕好趕咁上左6:00pm隻船，落船已經7:20pm，今天對我來講實在係太興奮，因為我係第一日6:00pm放工。仲可以有免費船飛到澳門買手信、仲有免費lunch 食。

荷塘魚餅麵 $19

香脆魚翅球 $25/5粒

柑橘蜜 $11
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
澳門手信：晃記餅家 ~ 紅豆餅 & 綠茶餅，原味薑糖
後記，買完手信返到鋪，鋪同事話我地真係識食，原來晃記餅家的鮑魚酥係好出名的，但係我今次只係買左紅豆餅&綠茶餅 $50/2盒，薑糖唔係好記得幾多錢好似係$24

我好鐘意食硬薑糖，呢隻硬薑糖都幾辣，香港已經買唔到硬薑糖，所以我買到真係好開心！
售賣地點：

總店：氹仔官也街17號

分店：氹仔官也街9號B

分店：氹仔佛山街21號A (君怡酒店對面)