之前起sasa 見到Evian 竟然出左面霜
保濕噴霧就見得多，但面霜就好少見
基於好奇心驅使下，我就買左回來試下
加上又唔係好貴只係 $39 - 75ml
仲要係for dry to very dry skin type相信都應該岩我用啩？
用價錢去衡量這個面霜尚算幾好
我自己就覺得這個面霜的氣味過香，很容易被皮膚吸收，但保濕很普通應該係我的皮膚太乾所以無乜效果，搽上面後不會面泛油光，對我來說只可以講係平囉...
經過一星期後，盆花已經開始凋謝！
2010年4月26日 星期一
Evian Original Nourishing Lotion
用價錢去衡量這個面霜尚算幾好
我自己就覺得這個面霜的氣味過香，很容易被皮膚吸收，但保濕很普通應該係我的皮膚太乾所以無乜效果，搽上面後不會面泛油光，對我來說只可以講係平囉...
2010年4月19日 星期一
Ahava Purifying Mud Mask
Ahava Purifying Mud Mask 係之前起skinstore.com訂
Ahava這個品牌或者起香港未係咁出名，又或者可能聽都未聽過，但係佢的確被引入香港多年，或者無乜廣告所以少人認識
AHAVA 是以色列製造的，產品的成份是取自以色列的死海。死海為何這麼特別？科學家相信這是因為死海海水中有濃度非常高的礦物質，像是鈉、磷、溴等，Ahava也宣稱這些礦物質組合在一起創造出的化合物，可以保濕、延緩肌膚老化的過程。
一直只注意面部的保濕，忽略了面部的深層清潔
原因係之前用過一些所謂deep cleaning mask 敷後令我的面膚甩皮
自此之後我一直只會做保濕的步履驟
之前研究起skinstore.com訂些甚麼產品回來試用時無意中見到Ahava Purifying Mud Mask for normal to dry skin，我真係第一次見，心裏仲半信半疑mud mask 都會有for dry skin？平時市面上可以好容易找到一些mud mask 係for oily skin，所以諗都無諗都訂左，反正價錢又唔係咁貴，如果塊面用唔到咪用來敷下個身，相信我這個唸法都好正確，就係咁我有搵到一樣好野。
我自己本身係無乜黑頭，之前上網見到d 人話IPSA Refiner Skin Clear-Ize Clay 可以做到黑頭浮起，自問無乜黑頭，但都想見證一下這個神奇的效果，可惜 IPAS Refiner Skin Clear-Ize Clay令到我有點兒失望，或者這個MASK 比D 有嚴重黑頭ge 人用效果會明顯些。
由於太多產品等住我塊皮去用，加上早排天氣又變得乾燥起來，雖然係話Ahava Purifying Mud Mask for dry skin，但都唔知係真定假，所以又放埋左一邊，最近終於都拎左佢出來用。
它跟普通的mud mask 沒有太大的分別，但敷上面後會感覺唔會得乾，這個mask 只須敷2分鐘。很快個mud mask 有d 地方已經乾左，但又唔會好似我以往用開個d 乾左的地方會崩緊同埋有龜裂紋。之後再用清水洗淨，很容易洗掉在臉上的mud ，再望望鏡子，皮膚充滿光澤，更驚訝的是我的黑頭浮起了(我當然即時把黑頭弄出來) 原來黑頭浮起都幾得意！
2010年4月16日 星期五
2010年4月12日 星期一
2010年4月11日 星期日
2010年4月10日 星期六
合掌瓜甘筍栗米西施骨湯
自從返學之後就忙、忙、忙
好耐都無煲過湯！加上每日lunch 都有鴻福堂的湯飲就更加唔願煲
今次揀左一個好簡單的湯來煲，沒有任何的難度
連雞湯都懶得煲，因為要起雞皮最少要搞成個鐘
今次個湯的材料只係要甘筍要刨皮，西施骨汆水，其餘材料洗淨便可，超簡單懶人又想飲湯，最好就係煲呢個湯lu
材料：合掌瓜、甘筍、栗米、麥棗、南北杏、西施骨
*粟米鬚的藥用療效很高，可以連埋粟米鬚 一齊煲唔好浪費嘛 (粟米鬚性平和、味甘淡，除了有利尿、清熱的功效外，更有利膽作用，能促進膽汁排泄，減少膽色素含量，並適合有水腫之人食用。 )
2010年4月7日 星期三
桂圓紅棗杞子茶
近來開始意識到健康的重要性
漸漸開始遠離一些垃圾食物
但生活節奏急促的香港人，真的很難避免接觸到一些高油、高糖、高鹽的食物
所以有時間都會開始沖調一些簡單的補健飲品
紅棗 - 其實好多人都知道紅棗可以補血，多飲可以令臉色紅潤，但過量進食卻有害。
由於生鮮紅棗進食過多，易產生腹瀉並將傷害“脾”，因此，由於外感風熱而引起的感冒、發燒者及腹脹氣滯者，均屬於忌服人群。此外，由於紅棗糖分豐富，尤其是製成零食的紅棗，就不適合糖尿病患者，以免血糖增高，促使病情惡化。
買了紅棗回家後問媽媽我買的雞心棗靚唔靚？媽媽望了一眼回答道：傻女你買的紅棗並非雞心棗，只是普通的紅棗！
媽媽話如果是雞心棗的話搖動時會聽到粒核的搖晃聲，心唸有無咁神奇，明明粒核係連住D肉為何會有搖晃聲，再上網找找完來網上亦是這樣教人用這個方法去分辨紅棗及雞心棗。
今次煲了桂圓紅棗杞子茶，如果無時間煲可以用暖壺加入熱水來浸泡--->懶人方法
材料：桂圓、紅棗、杞子 (由於紅棗及桂圓已經是甜的故無須加糖)
杞子功效 ： 能補腎潤肺、生精益氣、養肝明目 。 可緩和肝腎陰虛所造成腰膝痠軟，頭昏目賅，補血健脾，補益肝腎，增強免疫力，強化造血。外感不宜，脾胃虛弱消化不良，高血壓及容易上火的人不宜。
紅棗，味甘性溫，主要功能為補中益氣、養血安神，主要用於脾胃氣虛、血虛萎黃、血虛失眠多夢等症的治療。如常喝紅棗水對於經血過多而引起貧血的女性可起到改善面色蒼白和手腳冰冷的補益功效。
圓肉，有補氣、補血、益脾、安神作用。
* 老人家話紅棗核燥，煲時記得將紅棗核丟掉
2010年4月6日 星期二
森樹
一向都知自己唔識合種植物
我每年都會買一盆小盆栽回家種植，不論是水種或是泥種
結果都係一樣不出數月就會枯萎.gif)
誇張到連鐵樹都可以比我種到枯，自此我就再無種過任何盆栽
近排見公司個姐姐起toilet 度種左好多盆栽
每次當我去toilet 見到生長茂盛的盆栽，心裏非常之羨慕
今日我終於都忍唔住去了花墟
本來都係想買水種植物
行左花墟個幾鐘，但花墟沒有一些包裝得靚靚的盆栽可供選擇
初時想買盆有個陶瓷花盆裝住的椰子苗，由於它的盆邊種了一些細葉淋水比較麻煩
最後三心兩意的我選了一盆森樹
其實一開始已經想買森樹，由於我唔識種，費是夜長夢多，但我被它的形態吸引住，真的像一棵迷你版的樹一樣，越睇越靚
我將我連鐵樹都可以種枯個情況告訴店員，他亦很驚訝，相信係因為我將每次種的植物放在陽光下暴晒所致
店員告訴我這種盆栽很容易種植，不要直接放在陽光下暴晒，每星期淋水一次便可以。
店員還教我無須要直接於泥土上淋水，可以用碟子盛水再將盆栽放在碟子上，可以避免過多的水份儲存於植物的根部
希望今次唔會再種死它罷！
同時希望大家見證住我盆植物的生老病死--->其實都預左仲瓜佢
將盆森樹放起Pekkle 旁，大家就會知道它有多高
2010年4月4日 星期日
Meiji Premium Amino Collagen
之前飲左明治膠原粉見皮膚再無敏感，所以都係時候開埋第二罐膠原粉來飲，飲這類型的飲品如果無keep住飲，個效果係keep唔到的
蘋果薑味個罐放左起公司，咁平日放起就可以起屋企飲金裝呢罐
明治金裝氨基膠原粉$358 (我買當天萬寧有9折，折後$322.20) 價錢較普通版的明治膠原粉貴(卓悅買會平些$320)
因為它的成份當中多了Q10及維他命C
Q10有助增加皮膚彈性
這個膠原粉適宜加進飲品中飲用
雖然早排消委會出左報告，話飲膠原飲品對皮膚沒有太大的幫助，但經過個多星期總係覺得皮膚變得好了起來，皮膚不像出往般多油，等我飲晒這兩罐再回來報告！
2010年4月1日 星期四
GODIVA 復活蛋
復活節可能會每個香港人來說只係有一個長假期
復活節為紀念主耶穌基督被釘死於十字架，第三天後復活
復活節假期通常都係一連三天，但每年的復活節假期的日子都有所不同。原來復活節假期亦有得計算！(復活節會在每年春分月圓之後第一個星期日舉行，羅馬皇帝君士坦丁一世在公元325年召開第一次尼西亞公會議，訂明了復活節是星期日，因星期日被教會視作為安息日，即耶穌死而復活的日子，所以復活節就在每年春分月圓後第一個星期日舉行。此後每年3月21日以後，出現月圓後的第一個星期日，就是復活節。)
聖誕節世界各地都會有不同的慶祝活動，但係好奇怪為何復活節並沒有任何的慶祝活動呢？
復活節最常出現的物品是復活蛋、免仔、雞仔，而復活蛋對於我來說有一種好深層的意義！
記得細細個乜都唔識的時候，會唸係咪乜野都可以復活呢？所有唔好的事情都可以像主耶穌基督死後再復活而再重新開始嘛？人大了才明白當中的意義，不竟我們只是地上的人，但復活節給我一個重新及盼望的感覺！以往每年都會叫朋友送復活蛋我，真係估唔到又有人肯送比我喎
今年反而係想自己買多過係朋友送
每當我見到復活蛋我會有一種莫名其妙的興奮
行左咁多間朱古力店鋪最後我揀了GODIVA 復活蛋，第一眼見到佢已經好鍾意，雖然貴左少少$390，但係可以換到一個快樂的回憶都值得的！
其實Lucullus都有一set 有Baby Chicken Chocolate Gift Box都幾得意，每隻蛋上有一隻唔同造型的雞仔，但只終符合唔到我對復活蛋的要求...
在此祝大家都可以過一個開心快樂的復活節...
訂閱：
文章 (Atom)