紫羅蘭花場

因為花泥用曬，昨日去花墟搵過d花泥，但都唔合心意，最好、最靚的花泥都係發叔賣個d。

所以今日山長水遠，去到粉嶺買花泥，咁遠去到發叔的花場，又點會唔帶走幾盤紫羅蘭＝0＝

本來唸住買一盤花，最後都係帶走左3盤，其中一盤係218chocolate，呢盤之前種過，可昔佢最後都係枯左，而218開的花，開出嚟好清，好靚，花期又長，所以今次又再種返佢！

其中一盤係斑葉，已經好多年無種過斑葉，見佢幾特別，花開出嚟的顏色又唔錯，所以揀左佢，眾所周知，斑葉紫羅蘭係睇葉的紋理，所以花係唔靚，而我今次揀的這盤，兩樣都合心意。

最後一盤係起facebook見到覺得靚 C423+，叫發叔搵比我的。

好開心今日發叔再次同我分享了他40年來種植紫羅蘭的心得，真是獲益良多！

交通：

粉嶺火車站，轉乘54K小巴 （車費：$4.70）東閣圍落車（遊樂場前少少）

St. Luke Greenhouse - 新樂蘭藝: https://www.facebook.com/St.LukeGreenhouse/

以下的這幅相，成盤花發叔都唔捨得賣，真係估佢唔到，花名叫花貓，迷李品種的十字葉，一盤細細盤的花貓都要賣$700，我種花的層次仲係以賞花為主，所以只會考慮花的顏色及紋。

這盤花後特別，同一個植株可以開到兩種不同品種的花，不過發叔唔肯賣比我，我咁貪心當然係希望種一盤花可以有幾個效果啦!

呢隻汪汪係發叔的寶貝，發叔話佢已經20歳了!她好乖好聽話，又唔怕人，發叔話佢認得我添~~

臨走等車的短短10分鐘我隻手就變成咁!可憐!! 下之一定要記得帶蚊怕水

以下三盤花就係我今日帶了回家的植!

位於康怡花園及私家車中間有條小路，直行入係會見到發叔花場，而這個地方有個小巴站亦都係落車的地方