Beauty blender cleanser

Beauty blender cleanser 用嚟洗beauty blender 個粉卜洗得好乾淨，用法又方便只要洗濕個卜，將個卜放在cleaner 上面打圈至粉卜乾淨為止。

Real Techniques miracle complexion sponge

自從學左化妝之後我就用左即棄的粉卜~乾淨又衞生。

其實一直都只係想化淡妝，甚至係唔搽粉底，但奈何由今年4月開始爆瘡，到近來先至叫做好返少少，所以唔搽粉遮一遮d 暗瘡印！或許好多人或事都係無奈，明明唔想化妝偏偏生到成面都係暗瘡，咁大個人都係第一次起面蛋上生暗瘡，仲要持續了半了，真係救命！！

即棄粉卜雖然好用，但都想試下Real Techniques miracle complexion sponge，出左都大半年，佢個概念係抄Beauty blender，Beauty blender 我都買左但未有時間試，等我遲d試左玥同大家分享。

Real Techniques miracle complexion sponge個size比起Beauty blender 大個少少。

1) 上粉底會令個粉底比較貼，粉卜唔會太食粉，用佢嚟上粉如果大初左都可以御左d力唔會咁傷皮膚。

2) 用個尾尾尖尖的部分可以用起細緻要遮瑕部分

3) cream 狀胭脂:可以用隋圓形的背面上cream 狀胭脂，效果都好好。

Real Techniques 個卜價錢合理算係抵用around $50，我係起iherb.com 訂購的。等我再用耐少少再更新返個卜可以用到幾耐及如何清洗。

Real Techniques miracle complexion sponge<-----如果大家有興趣可以直點連結購買。

Koji Eye Talk & 網紋雙眼皮貼

呢個就係之前上左化妝堂用過個雙網紋雙眼皮貼，自己的技術仲未能夠收放自如，所以我都係要再加倍努力練習一下，貼的膠水用左好出名KOJI EYE TALK雙眼皮膠水，W買KOJI EYE TALK雙眼皮膠水一定要起sasa買，因為sasa比起卓悅平成$10！

Bourjois~02 or baroque

眾裡尋它~~~原來近在咫尺，呢幾個星期不斷起度搵緊個隻金金綠綠的顏色原來我上年生日時已經買左只係我自己唔記得左，最後尋尋覓覓終於可以放下，因為我已經擁有了！

依加好多眼影都係一盒已經有晒光影、眼線、眼窩的顏色已經一一配搭好，用時真係好方便！

一個好靚的顏色，可惜的是Bourjois呢盒眼影唔係咁上色，要搽多幾下先至有少少色，如果可以搵同一隻色但係勁上色就好啦！

Free makeup product

因為見到一個朋友搽左一隻金金綠綠色的眼影，第一眼見到已經好鐘意，不過又唔好意思問人地係用邊個牌子，於是我又四出咁搵緊一隻類似的顏色，試嚟試去都搵唔到我想見到個隻色，試左好唔同品牌，我覺得最接近我想要的顏色就係PUPA 礦物眼影(乾濕兩用)，呢個牌子係SASA的開架品牌，佢價錢一D 都唔平，一個眼影都要$118，如果雙色眼影嚟講佢都叫幾貴！

之後再行行下比我見到一支豹紋粉紅色柄的遮瑕掃，見佢$15又唔係十分貴所以買左返屋企試下佢好唔好用！

上次去SASA 買香水有幾蚊 SASA CASH $ 加上就快到期，但原來唔可以只係扣SASA CASH $，一定要同埋其他的CASH $一齊扣，就係咁我今次的扣物又變左便費，突然間我覺得自己好大駛，年頭的時候因為CASH $ 就快到期所以我一次過換左好多現金券，搞到自己負左差唔多$100 cash dollars 比銀行，事隔都唔夠3個月我還左個$100 cash dollars 比銀行之餘，我今次購物仲要係免費都不特止，我仲有幾十蚊cash dollars 剩....再咁買野落去我唸我好快要瞓街啦！！！

亮麗睫毛 A2

今日要出席Freddy的婚宴，所以有一個扮靚靚的藉口，今日化妝兩個月前上化妝堂時學妝容，經過我自己少少的改動，眼睫毛我已經掌握到點黏，只係雙眼皮就仲有少少進步空間，因為我右眼實在係太難搞，好在我預左兩個鐘的時間化妝，咁先至可以修補一下失敗的部份，好在最後都能順利化出一個大眼妝。

之前因為要練習所以我買了一隻比較平的假眼睫毛來用，見好多人都係亮麗同公主李都係差唔多，而價錢就平好多，所以我就買左亮麗 ( $65/10對) 用來練習，其實我本來係想買A5個款，唔知最後點解帶左A2 (前短後長款) 返屋企，返到屋企先至睇到A2係透明梗，而透明梗部份就係魚絲，其實都幾驚吉眼，今日用左一日完全無吉眼，不過個假眼睫我實在係太重 (用公主李做對比)，所以戴起上嚟就唔係好舒服，加上條透明梗做起熱身上嚟係屈唔到我想要的眼形，變左貼上眼時就好難就返個位貼！下次要買返A5棉梗再試下個效果至得！

Hello Kitty 假眼睫毛夾

當我要買一隻假眼睫我夾時永遠都係搵唔到，到我心不甘情不願買到一隻的時候，起我眼前就會見到好多唔同款我想搵的睫毛夾。

呢盒Hello Kitty 假眼睫毛夾當我第一眼見到的時候已經好想買，因為眼見支假眼睫毛夾係我一直搵緊個款，不過見價錢咁貴，而我自己已經買了一支，所以遲遲未有出手。

話說有一個無聊的Shopping 藉口所以我就帶左佢返屋企，放工返到屋企即刻試用，嘩！！！呢個夾真係超正，個孤度岩岩我，我以夾得實成輻假眼睫毛之餘，仲可以慢慢地固定輻假眼睫毛，我已經試用左幾次，對比起之前我買呢支，真係超易上手，呢支假眼睫毛夾就連眼頭、眼尾呢d 位都兼顧得好好，真係超好用，$72呢個價錢真係貴左少少，但係對我呢個新手，呢個夾真係值得買！個盒仲可以存放兩對假眼睫毛，計落都幾實用。

假眼睫毛輔助夾

上次去學完化妝之後，大概都叫做學了黏假眼睫毛的技巧，於是我就去搵一隻拑可以幫助貼假睫毛，搵左好耐都搵唔到一隻專係為黏假眼睫毛用的拑，最後搵左好耐，終於都搵到呢隻拑好平只係$7，雖然仲未掌握到黏假眼睫毛的技巧，但係呢隻拑真係幫到手！

Kate Wide Edge Eyes BR1

一直都好鐘意買Kate 的化妝品，因為價錢大眾化，加上quality 又唔差，今次呢盒眼影又係免費，皆因credit card 入面有大量的cash dollars，唔知可以點樣用左去所以就走去屈記揀左少少化妝品，今日開呢個眼影嚟用先至放現，原來kate 的眼影已經變得越來越user friendly，起個盒度已經印晒每一隻顏色的用途，唔駛驚第日唔見左個盒唔知個產品點用！

不過近來亦都覺得kate 的眼影不及幾年前的上色，要搽幾次先至可以上到色！不過呢個價錢都係好合理！

RMK make up prodcut

之前上完第一堂化妝堂，所以我就再轉用返RMK的化妝品，今日一口氣買左$2,015，因為貪小平宜，買滿$1,800可以送一支唇膏及睫毛液，雖然我自己唔岩我，但係貪心呢家野真係好難忍！反正買個D 野我又一定會用得到，加上庄該好快可以用得晒，所以買多少少stockup 都無妨！

Makeup base $320
Foundation $370
Cleansing oil $260
eyebrow brush $55

洗撲水

十蚊店最出名的產品係洗撲水，經常的都斷貨，我自己已經好少用粉撲，為了要試下這個洗撲水有幾乾淨，所以我特登用了個粉撲一星期，用來試下洗得有幾乾淨！

$10~80ml，應該好快會用完，但又真係洗得好乾淨喎，唔怪得之佢能夠成為10蚊店的搶手貨...

千祈唔好買錯，因為有一樽係for 洗血漬用，個包裝係一樣 (記住睇清楚個名至買呀)

首先，浸濕個粉撲，再將洗撲水倒上去

卒了幾下已經見到好乾淨

洗完粉撲人的水~~~~~~~~~~~~~~~~~~~~~~~~~~~~~~~~~~~~~~~~~~~~

洗乾淨的粉卜~~~好似新的粉撲一樣

Sephora

3月頭的時候知道Sephora 將會撤出香港

 

心裏覺得有點兒可惜

因為Sephora係一個可以好free 咁自己購物的地方

它所售賣的品牌有很多是於外國很出名，而亦未被引進香港

而它的自家品牌化妝品，除了價錢大眾化外，而質量亦很好

一直都很欣賞Sephora的化妝掃

但礙於產地是中國所以一直都未會購買

臨別秋波，所以一知道Sephora撤出香港於是就買了一枝胭脂掃留念

買的時候並沒有任何的減價，點知買完之後的第二天就大減價

而售價亦相當之吸引，即時溝貨

每次經過都會入去逛逛，看看還有沒有價錢吸引的產品可以購買

eye shadow $20

bronzer $120
slanted blush $245
eye shadow blush no.18 - $50
lip blush $50
Crazylibellule and the poppies 香水膏 ($160x80%=$128)

Mineral Powder blush $80

Sponge $10