蟲草花淮山瘦肉湯

另一款蟲草花燉湯，蟲草花補腎，增強免疫能力。燉湯能保留所有材料的原味，成個湯又夠濃及甜味。

材料：蟲草花、淮山、杞子、無花果、瘦肉

傷口發炎

無端點會傷口發炎，乜唔係縫左針就唔會有事家咩?

要食一個星期抗生素……希望快d好返啦!

無花果淮山南北杏燉瘦肉

今日燉左個簡簡單單的湯水

材料：
無花果 8個
南北杏 20克
淮山 80克
瘦肉 半斤

花膠紅棗燉鮮奶

花膠有大量的骨膠原，可以幫助傷口的癒合，所以今日燉這個甜品來補身！

我自己真係勁討厭食花膠，我真係唔明點解咁多女性視花膠為女仕補品欣物，我每次食都會作嘔、反胃。今次都係唔例外，我要一路食花膠，一路飲水，將d花膠沖落個胃度……

材料：紅棗、花膠、鮮奶、冰糖

功具：燉盅

做法：
1) 紅棗去核 (因為粒核會令燉品變得燥熱)
2) 花膠前一晚要浸發 (緊記個碗不能有油份)，之後用薑蔥飛水
3) 將紅棗、花膠及鮮奶放入燉盅
4) 燉兩小時，之後再加入適量冰糖

(紅棗已經係甜，可以先試味再決定是否要加冰糖)

靈實義賣曲奇

今日去759買野，見到起收銀處有靈實義賣曲奇，真係好唔駛四圍去都可以做到善事。

盒曲奇餅只係$20，買多幾盒可以幫到有須要的長者及智障人士。

為善最樂~~

蟲草花燉瘦肉

之前訂湯飲過蟲草花湯，但自己對蟲草花完全唔知係咩，上星期行超市見到，買左一小包嚟燉湯飲。

蟲草花係咩嚟，我上網搵左少少資料，它並非冬蟲夏草長出的花來！

蟲草花的學名叫蛹蟲草，是一種菌類，為子囊菌亞門，麥角菌目，麥角菌科、蟲草屬的。蟲草花只是南方地區人們對其的特殊稱謂。為了跟冬蟲夏草區別開來，聰明的商家給它起了個一個美麗的名字——「蟲草花」。蟲草花呈美麗的金黃色，外觀最大的特點是沒有蟲體，只有橙色或者黃色的「草」。

其實，蟲草花的菌種來源於蛹蟲草，蛹蟲草和冬蟲夏草是同一個屬，所以，兩者在成分上有很多相似之處。根據從維普、萬方等多個文獻資料庫查得的資料，兩者的成分比對，含量上雖然不完全一樣，但是，有的數值卻十分接近。

蟲草花含有多種營養成分，可以調節免疫力，養生之餘可以強身健體。

燉湯保留了所有的精華，個湯特別甜，今次用上三十幾年的陳皮，個湯有好香的回甘味。

材料：蟲草花、麥棗、陳皮、瘦肉

紅棗雪耳糖水

紅棗可養血安神、使血中含氧量增強、滋養全身細胞。

雪耳含豐富營養如高蛋白質和氨基酸，能養陰補肺，不少人更稱之為「窮人燕窩」，又平又養顏；雪耳味甘淡平，對肺、胃、腎均有裨益，有滋陰潤肺的功效，適用於肺陰虛、肺氣腫及虛勞咳嗽，咳中帶血，經常感到口渴、胸悶氣短的人士。

雪耳不但含豐富營養，更含植物性的化學成分，當中的蛋白質就含有17種氨基酸，其中7種更是人體必須的氨基酸，有助促進新陳代謝。

雪耳有潤肺滋陰功效，非常適合女仕或平日身體容易不適的人食用。另外，雪耳含有大量膠質，對皮膚有莫大的幫助，愛護肌膚的妳絕對要多食用。

材料：紅棗、雪耳、冰糖、水

黑蒜

早陣子經常起團購見到有黑蒜賣，好膚淺的我一直都以為黑蒜係蒜頭的其中一個品種。

直至睇完“你健康嗎”由嚴浩教授如何製作黑蒜頭，我才知道，原來畢蒜係由白蒜經過發酵13日左右後就會成為黑蒜。

黑蒜除了維生素含量比大蒜多，其氨基酸含量比白蒜多5倍、胡蘿蔔素比白蒜多1.5倍、總多酚值是白蒜的19倍、抗氧化能力是白蒜的10倍，還有保健作用更比白蒜高10倍！

味性辛溫的黑蒜，有益氣活血、清心安神等功效，能促進新陳代謝、增強腸胃功能、調理血液循環、消除體味體臭、防治腫瘤及癌症、降低血糖、預防糖尿病、增強體質精力、改善皮膚質素、具備殺菌功效等多重保健作用，適合渾身無力、體質虛弱、氣血不旺、四肢痠軟、身體欠佳、常感疲勞、缺乏耐力、面色灰暗等人士食用。值得一提，黑蒜更能促進身體血糖代謝分解，適合關注血糖人士，用以代替鹽、糖和味精，對健康有莫大好處。

製作過程：

1) 用木筷子如下圖放置 (讓蒜不易黏底)，之後鋪上竹墊 (售價約$3~$5一塊)

2) 將蒜頭放在竹墊上

3) 在蒜頭上在放上竹墊，之後再鋪上蒜頭

4) 關上電飯鋪蓋，再按電飯煲上的保溫功能鍵 (緊記電飯煲要有排氣功能)，讓蒜頭在電飯煲內發酵便可

5) 等待13~15日左右，經過多日來的發酵，白蒜已成為黑蒜了 (視乎飯煲內蒜頭的數量，日子可以增加)

病人餐~豬骨粥

因為做完手術所以要介口，其實我都唔知有咩唔食得，第一日做完手術仲食晒唔應該食的食物._.”

中國人傳統知慧手術後唔可以食：牛、蝦、蟹、蛋、辣、炸、蕉、豉油等食物

因為這些食物會令傷口埋口無咁好。

今日開始已經要食粥了，煲左豬骨菜乾粥。

要戎口半年，半年內唔可以去旅行，人生開始無乜樂趣了！

手術後...

由昨晚12點開始禁食，連水都唔可以飲。

只係怕打麻醉針後，會令食物倒流到肺部。

今朝早姑娘05：30同我量血壓，07：30叫醒我換病人衫，之後核對好個人資料，等手術室通知，姑娘約09：00張我推上手術室。

首先醫生同我確認身份及做甚麼手術；之後麻醉師同我講解麻醉程序。

入到手術室第一件事係於脊椎打止痛針，目的係起手術後令個傷口無咁痛！但最痛就係呢個程聚，因為起清醒的時候做，共打了五針，每一針都吉到好入~超痛，痛到我流眼水，打完止痛針之後就做全身麻醉，而我係做淺層麻醉，淺層麻醉對身體沒有咁大傷害。

當我瞓上手術床上，麻醉師比左個氧氣我吸，吸左幾下之後佢就吸入麻醉藥，吸個時好辛苦，但不消數秒我已經失去知覺，到手術完成後，麻醉師叫醒我，當時望下個鐘已經約10：00，起我失去知覺個一個鐘手術已經完成！

姑娘推返我入病房，個時我全身仲係麻痺，到醫生巡房時我個仲係好痺，完全講到野，但係感覺到傷口好痛，手上插住個粒豆，佢係有一支針插住起條血管到，方便嚟緊如果要扛止痛針唔須要再打針。如果唔少心碰到就會超級痛。

手術後醫生建議我多留醫一日，因為我血壓持續偏低，怕我太早出院會有事無人可以照護我！

到我清醒少少時姑娘問我要唔要order 晚餐，個晚餐又真係幾好味，有專責姑娘幫我order 仲拎到我房間，真係好方便！

當時我都唔知原來蝦同蛋手術後係唔食得，每次望到呢張相都好後悔，好怕傷口會埋得唔靚！

手術後血壓持續偏，仲每放越下，所以要住多一晚醫院……

入院了

終於都到左做手術前的一日。

人生的第一次手術。

今日住大房，間房只可容納3個人，間格寬敞，可以有自己私人空間。

又有獨立的電視，可以瞓起度睇。床頭仲有獨立電制，方便叉電。

入院帶備物品

第一次做手術，所以唔知入院前有甚麼準備，姑娘只係叫我帶錢、身份證及保險申請表。

經過向朋友諮詢其實仲有以下的物品須要帶備。

1) 身份證
2) 保險申索表
3) 信用咭、提款咭
4) 拖鞋
5) 毛巾
6) 牙刷、牙膏
7) 外置充電器
8) 電話叉電 （如病床附近有電制，方便叉電)
9) 面霜
10) 睡衣
11) 沐浴露、洗頭水

靚靚紙巾盒

一真都好想買一個紙巾盒嚟放紙巾。

我現在用的紙巾係軟包裝個款，市面上暫時未搵到呢個size 的紙巾盒。

今日比我起東門見到RMB10，個紙巾盒都幾靚，而我買呢個花紋得返呢一個，我唔買真係對唔住自己。

呢間國內10蚊店“10元優質生活~miniso名創優品”，裝修各方面似無印良品，有時間值得入去睇下。

www.miniso.jp

閒逛花墟

放長假前要安排好放假的活動，所以今日去花墟行下。

帶走一d花花草草，種值物可以令我更加開心，看著值物成長，可以感受到造物者的奇妙作為。

仲見到有一個生態缸好靚，種花及養魚可以同事進行，但太貴無買到，都係唸下先，遲d有機會先至買。

今次帶走了紫蘇葉，尤記得兒時種過紫蘇葉，紫蘇葉生命力橫強，所以好適合我種。

紫蘇苗$8盤，而成品都作$18，我自己鐘意由曲開始種，可以慢慢見到佢成長係一見幸福的事

相識非偶然

石澳 BBQ

BBQ 原來係可以如似般放任，第一次BBQ 係燒魚、香蕉、菠蘿、蟹、豬仔骨！

越多人燒烤可以食的食物可以有更多的款式！今次只係選擇租爐，自己買燒烤的食物。

燒烤場位於石澳~藍鷗士多燒烤樂園 ，如果唔係怕落雨坐起海灘傍望住個海灘燒會更加開心。

同樣地我今次都係無做過任何野，只係個人出現就可以食到一餐咁豐富的BBQ，真係要多謝各位去負責買野的朋友！

去到現場先至知，原來BBQ 係要準備咁多野，除了食物之後，仲要準備用具！

等我記低今次用過D 乜，如果下次有機會可以幫下手先！

用具：枱布、燒烤網、長竹纖、燒烤叉、食物夾、鐵盤(放食物及拎去洗)、煲 (煮蜆用)、錫紙、環保袋 (去超市買野用)、食物袋 (帶走食剩的食物)、勞工手襪、刀 (切食物用)、LED 燈（晚上較婚暗時用來照明）

調味料：蒜蓉、辣椒、麻油、香芫、牛油

租燒烤爐費用為$150 (最好一早打電話去book 燒烤爐，電話：2809 4793)，碳可以於藍鷗買都係$25一包，又唔駛自己拎嚟拎去咁辛苦！

前往方法：

筲箕灣地鐵站A3出口，筲箕灣巴士總站搭9號巴士於總站下車

回程，石澳泳灘外坐小巴到筲箕灣地鐵站，再轉地鐵，亦可於中途站下車轉搭過海巴士118到紅磡/旺角 (車程約20分鐘)

Solone Magic Tip Liquid Gel Eyeliner

Solone 眼線筆係我近這一年最愛用的品牌，愛佢只有一個原因~就係佢唔會溶。

溶左的眼線真係超討厭，會變熊貓嘛！

今次試用埋Solone Magic Tip Liquid Gel Eyeliner，Liquid eyeliner 個筆頭比較尖，可以畫到好尖的拉長效果，好岩我呀！

Solone Magic Tip Liquid Gel Eyeliner 可以用溫水卸的超防油眼線膠，呢隻又係超防溶，又實色，不過佢個棉筆頭好硬，畫起上嚟唔係咁順，加上佢乾得好快，未畫完都乾左我自己唔係咁鐘意。

佢雖然係防溶，但防水效果並唔理想，當笑到標眼水時係會令到條眼線溶。

除此之外，因為眼線液本身係用暖水御，所以用卸妝油又唔係好易落到佢，唯有係用返溫水一抹就甩。

我今次係買2號色~銀鑽黑。試用左咁耐真係唔覺佢有閃粉，都係筆的顏色閃閃地靚D，但係筆就好難畫到接長的效果！

Maybelline Baby Skin SPF35 / PA++

Maybelline Baby Skin SPF35 / PA++出左已經有一年多，岩岩出個時佢只係屈臣氏獨買的，機於我唔係咁鐘於幫襯屈臣氏，所以一直都未有買嚟用。

直到起萬寧有得買我先型以試Maybelline Baby Skin SPF35 / PA++，價售係$89/30ml，可以於萬寧紫點產品75折時購買會平好多！

Maybelline 係開加品牌，佢的產品價錢好大眾化，不過平都有原因，因為佢的產地係中國，好多人到產品的產地都在意，但係對於我嚟講並唔係咁重要，只要好用理佢邊度出產，加上所有護膚、化妝品咪又係一條化學程式製造出來，如果擔心所有的化妝品及護膚品都唔應該用！更何況Maybelline 有一定的知名道，所以沒有甚麼值得擔心呢！

進入冬天自己我自己就開始唔用粉底，因為自己皮膚比較乾，唔想起咁乾的天氣搞到自己好似個粉人咁。所以近幾個月都只會搽有防曬的base在加碎粉，這樣同事可以減少皮膚的負擔，亦都可以節省返工前出門口的化妝時間。

Maybelline Baby Skin SPF35 / PA++本身係沒有顏色，有少少珠光色能增加皮膚的光澤感，保濕度高及防曬度又夠高，只不過如果唔搽粉底，而個base 又未能做到遮瑕的效果，所以一定要皮膚好好的人先至可以直接用不搽粉底！

平價產品中的好物，超值得回購！

LCN Hand Mask

手霜我一向都好少搽，真係唔知點解，總是覺得搽手霜好麻煩。

呢個hand mask 買左都有大半年，本來係唸住日日用，但總是唔願意搞下對手！

其實部及頸部係好容易揭露年齡的秘密，一定要好好護理。

LCN 潤手膜是出名的產品，產品蘊含骨膠原、蘭花精華、維他命B5，可以增加皮膚的彈性，堅緻肌膚。

個hand mask 於卓悅購買，$392 / 250ml。呢個hand mask 好搶手，唔係成日有貨，不過一瓶都有排用。

第一次使用覺得hand mask 唔笠，敷住過夜第二朝起身，覺得對手白左，手上的紋理少左，手上的死皮軟化了很多。

痛苦等候……

病是如此般的無奈，焦急！

等候亦是一種煎熬……

請大家不要忽視自己的健康，唔好以為自己健健康康就會無問題，好似我咁一嚟已經係好嚴重，心嘅是徬徨亦恐懼！

姑勿論金錢上的問題，要選擇一個可靠的醫生都好困擾。

煩惱手術後的疤痕，之後的療養，各樣都是一竅不通。

無人會知將來發生甚麼事情，亦都無人能掌管自己的命運！所以定期的健康檢查係好重要。預防勝於治療嘛！

Sans Soucis Anti-Blemish Stick

真係唔明都咁大年紀仲成日長出暗瘡來。

暗瘡唔係年輕才會有嗎？

暗瘡水我用嚟用去都係 mario badescu，基本上都唔想再轉其化牌子。

不過有時都係心思思用其他品牌，今次買左Sans Soucis 佢的暗瘡水都好出名，而萬寧都有售。

印象中我好多年前係用過這品牌，但我真係唔記得，所以又買嚟再試下效果。

呢支起水貨店買$118 / 5ml 比起mario bedescu 為貴。

個樽入面本身有一支棒，可以直接拎消炎水搽在暗瘡位，但個人覺得唔係咁衛生，都係用棉花棒直接搽點在暗瘡位較好。

暗瘡水效果都滿意，消淡效果後好，晚上搽第二朝暗瘡就凋謝。用暗瘡水最緊要快令暗瘡凋謝，呢支暗瘡水都可以回購。

突如其來的小毛病

今日約左去抽細胞檢查，暫時仲未確認是否有癌細胞，但醫生講到咁嚴重，都係食飽先至上路，無人能掌管自己的命運，亦都無人能預計自己的將來。

人生路上遇上你們每一位是我的福氣，感激生命中沿途有你們的陪伴，不同的階段會有不同的旅客上車、下車！如果我須要下車，請大家不必要為我難過！人生本來就是這樣，凡事看得平淡，人生自然會可以輕輕鬆鬆咁過！

珍惜眼前人，因為失去將不會回來！！

睇完醫生之後經過許留山，食我最鍾意的芒果小丸子，許留山現在的價格實在貴得驚人，一個芒果小丸子已經$56。貴就貴啦！呢個時候當然食左先講，因為都唔知仲有無機會食嘛！

咁岩今日又係元宵佳節，芒果小丸子真係應節，祝大家元宵節團團圓圓！

Pekkle Storage bag

呢個儲物袋其實一早都知道已經出左，但係我無原動上去搵、去買。

不得不認自己年紀大，心態已經完全唔同啦！

唔想買咁多野返嚟儲，預期得個擺字，倒不如讓佢起我腦海內成為一個回憶仲好。

今日無意之中見到呢個儲物袋，又唔駛搵，所以帶走左佢，呢個袋可以去旅行時用，令到個喼更整齊！

本來有大、中、小三款，但我只遇到大$59，中$39，所以只買了兩款。

生命是如此般……

早陣子發現身體出現了一點點毛病……已經急不及待去睇醫生，由知道健康出現毛病到現在大概只是兩星期，因為農曆年假關係，其實都係用左大概一星期已經有報告。

做了檢驗後，今日報告已經出了，並送到去診所。

接近放工時間收到醫生電話，我個人已經起度震緊，因為正常驗到無事，醫生唔會如此緊張要我去拎報告，去診所途中，眼淚已經忍唔住留下！這些年來無論遇到甚麼事情半點的眼淚總是無法流出，此刻傍惶無助的感覺領我的眼淚不住的流下。

聽完醫生解釋，個人接近崩潰……為何是何！！或者人生就是如此般無可奈何，生命本來就唔由我地去掌管及控制，正如族語話“生死有命、富貴由天”！！

只怪自己無好好留意身體的異樣，事已至此，要生存只好勇敢地面對。

再睇多個醫生睇下佢的建議是否相同。

奉觀大家一句，當發現身體出現異樣是要及早就醫。

好物分享~Mario Badescu Drying Lotion

Mario Badeacu Drying Lotion 真係好好用，我大大話話都用過5~6瓶。原來一直都無起個blog 到同大家分享!

大家都知我唔鐘意用同一個牌子的產品，但我實在未能起市面搵到一隻有效的暗瘡水，經過我試過唔同的暗瘡膏/水，我都係覺得Mario Badeacu Drying Lotion係最好。香港專櫃已經撤出，而莎莎亦沒內代理，如果想買嚟用就要去水貨店，我呢瓶$148。

敷左粉紅色的粉未暗瘡第二日就會謝左。咁有效的產品點可以唔同大家分享呢~~

今日上綱發現左Bye Bye Blemish Drying Lotion，佢有D 似 Mario Badescu Drying Lotion，而價錢比起Mario Badescu Drying Lotion更得多，下次買呢個牌子試下先！