2014年過得異常的平淡，沒有太大的起伏，生活上去了四次旅行，可謂超額完成。工作上看盡人生百態。
今日可以健健康康咁嚟到2014年最後的一天，心存感恩!
人生無需太執著，笑看人生~~生活中每日上演著不同的劇本，角色情景每日都不同，一切一切都不能在自己控制的範圍之內，那!何須執著呢？
今日仍能活著，好好珍惜今日所擁有，擁抱生活精彩的每一頁罷!
2014年12月29日 星期一
森田藥粧~玻尿酸超保濕原液
我自己覺森田藥粧的面膜係得平靚正之選，之前行龍成藥房見到森田藥粧除了面膜之外原來仲有面霜、原液等產品，只係萬寧獨賣面膜而已。
由於森田藥粧的產品並唔係好貴，所以我就買左佢個原液嚟試試!如果唔好用平時用嚟做導入時可以好快咁用晒佢。
這個玻尿酸原液$42(15ml)，真係平到唔買唔得的地步。
今日第一次用，佢可以極速打入冷宮，原因係搽完佢再上粉會起刷子膠碎!超級討厭會起刷子膠碎的產品，搞到個粉底一舊舊咁……
其實個原液都保濕，搽完皮膚飽滿水潤，但唔係咁易比皮膚吸收，呢點又打折扣。我以後只會用森田藥粧的面膜。
2014年12月28日 星期日
L'oreal 卸妝油
成日都想試不同品牌的卸妝油，因為實在用得太多支碧柔，所以一定要轉用其他牌子，或者呢個就係我心底裏的性格~不能鐘於同一樣野！！
本來今日唔係買L'oreal 而來來我想買的韓國品牌要買兩件先可以有75折，無意中見到L'oreal Sublime Glow Sensational Cleansing Oil 買一送一，$119有兩支好抵用，其實用咩牌子我都無所謂，所以即時買了，遲些再試用。
依加萬寧仲做緊買一送一，有興趣就快d 去買。
2014年12月27日 星期六
聖誕長假不忘去做運動
成個12月不斷都係食、食、食。
所以長假期都要安排一日去做運動，做運動之前一定要食飽飽，唔食飽邊有力氣做運動:p又係食我至愛的米線，好耐都無食過雲桂香，今日時間尚早可以食完先去練拳。
今日呢個session得我自己一個，所以係單對單教授，抵晒！因為單對單一堂係$750平了2/3。
Trainer 因應我的體能嚟訓練，我下半身對比起上身係肥好多，今日做埋脂肪測試教練都話上半身 (18.1)及下半身(23.4)脂肪比例差好遠。但整體BMI 係屬於偏瘦！
教練話我對腳比較弱，而且肌肉比例亦較低，所以今堂都係主要練腳部肌肉，訓練的動作其實好簡單，平時可以起屋企做到，教練話我係入門級，平時起屋企可以日日做，加強腳步肌肉，每一個動作做15下，每個動作做3set (即係每個動作45下)，我做幾下就腳軟......教練話我對腳弱都好緊要，加上我做幾下腳軟企唔穩成個人左搖右擺......
今日得我自己一個人上，教練要求特別高，平時有個男仔一齊上可以分散下注意力，但今日佢唔嚟所以今日我練得超辛苦！
2014年12月25日 星期四
Beauty blender cleanser
Beauty blender cleanser 用嚟洗beauty blender 個粉卜洗得好乾淨，用法又方便只要洗濕個卜，將個卜放在cleaner 上面打圈至粉卜乾淨為止。
2014年12月24日 星期三
淘寶購物及集運
近呢一年先至學識淘寶，而我自己覺得起淘寶買衫真係唔平，質地又未必係咁好，加上淘寶買野又要比手續費及運費，加加埋埋買一件衫分分鐘貴過起香港買。
今次因為要買去哈爾濱的保暖褲，所以去淘寶搵到一家店由係由東北人開的，專賣東北保暖衣物，我自己今次買了保暖衫及保暖褲。
因為淘寶是全中國免運費，所以我今次依然都係用集運的形式於不同的店鋪購物後一次過運送到深圳的集運倉，當所有物品齊備後就運送到香港。
今次起4家店各自買了小量的用品，全部物品共重2.5kg，運費RMB19於香港郵政局領取。用PPS或八達通比錢手續費是1.5%，平過信用咭好多。
首爾美衣櫉
呢件衫睇中了很久，但因為無乜野要去淘寶買所以一等再等，點知比我搵到呢間衣店只係RMB26.5，第一次買到咁平的衫！
呢件衫睇中了很久，但因為無乜野要去淘寶買所以一等再等，點知比我搵到呢間衣店只係RMB26.5，第一次買到咁平的衫！
實物同圖中有色差，實係藍色部份係綠色，衫的質地唔錯，咁平有色差都係預期中事。
2014年12月17日 星期三
2014年12月14日 星期日
南生圍、美食半天遊
突然的約會帶來無限的喜樂。
今次係第二之去南生圍踩單車，南生圍有一個好靚的攝影位置。而南生圍條路好短又易踩，踩完仲可以睇日落，真係好開心。
租單車$60，搭橫水渡$7.5 (包括單車價)。
踩了一個鐘左右去了第一站~陳記食豆腐花，這家店設於魚塘邊，而且食物是用柴火燒的，別有一翻風味。
食完豆腐花見到店主划船到魚塘捕魚，見到魚又新鮮又肥味，所以即時order 了一條，青檸麵醬蒸烏頭 $150。
食飽飽再慢慢踩，去到南生圍剛剛好睇到日落，放慢人生親親大自然是人生的福氣。第一次慢慢等待著太陽下山，橙色的鹹蛋黃，真的很美!
踩完車就去食晚飯，是日晚膳餐廳~薄荷葉泰國菜。呢間餐廳食物質素幾好又唔貴，仲有一款好特別的餸菜~椒鹽魔鬼魚，第一次食原來都幾好味又唔腥。另外，仲有一款係斑蘭咖哩，咖哩加斑蘭味都幾特別又唔辣。
全日都係食、食、食，食完晚飯再去食埋B仔涼粉，超滿足輸快的一天。
2014年12月8日 星期一
2014年12月7日 星期日
2014年12月6日 星期六
2014年12月2日 星期二
Madre Labs Toner Unscented Witch Hazel
爽膚水我自己並沒有太大要求，爽膚水的功效只係收歛毛孔，將臉上未洗乾淨的卸妝殘餘物抹走。
Madre Labs 金縷梅無酒精化妝水，於iherb 購買，USD4.5，大大支好抵用！
金縷梅有抗皺、收毛孔、控制皮脂分泌、保濕等功效，平時用佢嚟做toner mask，真係好抵用，Madre Labs Toner Unscented Witch Hazel 又平又大支，日日敷個toner mask 都唔會肉赤！
如果大家有與趣購買可以於www.iherb.com購買，購物時輸入coupon code “TGD808”，首次購物滿USD20可以減USD5，購物滿USD40可以減USD10。
2014年11月29日 星期六
2014年11月24日 星期一
Real Techniques miracle complexion sponge
自從學左化妝之後我就用左即棄的粉卜~乾淨又衞生。
其實一直都只係想化淡妝，甚至係唔搽粉底，但奈何由今年4月開始爆瘡，到近來先至叫做好返少少，所以唔搽粉遮一遮d 暗瘡印！或許好多人或事都係無奈，明明唔想化妝偏偏生到成面都係暗瘡，咁大個人都係第一次起面蛋上生暗瘡，仲要持續了半了，真係救命！！
即棄粉卜雖然好用，但都想試下Real Techniques miracle complexion sponge，出左都大半年，佢個概念係抄Beauty blender，Beauty blender 我都買左但未有時間試，等我遲d試左玥同大家分享。
Real Techniques miracle complexion sponge個size比起Beauty blender 大個少少。
1) 上粉底會令個粉底比較貼，粉卜唔會太食粉，用佢嚟上粉如果大初左都可以御左d力唔會咁傷皮膚。
2) 用個尾尾尖尖的部分可以用起細緻要遮瑕部分
3) cream 狀胭脂:可以用隋圓形的背面上cream 狀胭脂，效果都好好。
Real Techniques 個卜價錢合理算係抵用around $50，我係起iherb.com 訂購的。等我再用耐少少再更新返個卜可以用到幾耐及如何清洗。
Real Techniques miracle complexion sponge<-----如果大家有興趣可以直點連結購買。
2014年11月23日 星期日
ProX by Olay Wrinkle Smoothing Cream
Olay 一個由細到大伴我成長的品牌，相信亦都無人唔認識佢！由兒時用佢的廉價護膚品，到今時今日olay 再唔局限於平價護膚品。
今次試用的係pro x 系列，針對抗皺，產品並沒有任何的香味，而個cream 因為無香味反而多了一陣膠味……自己就覺得唔係咁討好。
cream 的質地好杰好張，推開左唔會笠，好易比皮膚吸收，滋潤度屬一般，不竟這個產品主打是抗皺嘛。搽了這個產品皮膚緊緻度提升，彈性增加。
個人嚟講，一直對olay 都存在一定程度的偏見，全因olay 係於國內生產……國內造假的技術實在係太高，所以每當見到產於國內就會不奇然地抗拒。
olay 以價錢取勝，功效很效，值得再回購，廉價抗皺護膚品之選。
2014年11月22日 星期六
泰拳
泰拳幾年前我已經想學，不過奈於自己的體能問題，所以一拖再拖，早排起團購買了一堂泰拳堂，上完之後真係超鐘意。
今日上堂的地點為於觀塘成業街，個街名好熟，但我又唔係好識得去，所以又係問google map 路的時候，儘管google map 已經可以好準確地顯示個方向，但每次地圖指我行左，我就行了去右，來來回回地我終於都到達了目的地......
因為要搵路，去到拳館遲了接近廿分鐘，但係遲有遲好，換來單對單的訓練。我平時比較少運動，個教練幫我拉筋時都睇得出我好少運動，當佢推我再落去拉筋時痛到我呢~~~
因為我手腳唔協調，熱身時教練話要出左手，我就申右手，搞到個教練教到我有點不耐煩；anyways 經過一輪熱身，我開始熟識點出拳，到打沙包時教練都話我已經開始有進步。
短短的個多小時練到我手震又腳軟，泰拳係一項比較劇烈的運動，出完一身汗之後，個人即時精神左好多。走個時發現出拳打沙包時太用力連指甲都斷埋......等我仲唸住留返長D指甲可以做gel 甲，今次又慳返！
呢間拳館~Kpower Fitness好乾淨，地點好近觀塘地鐵站B出口，而且拳館主張少班教學，通常以2-8人一堂為主，所以可以控制到學員所學到的知識！
今次我係團購去學$98/堂，上完堂即時報名$150/堂，如果沒有任何的休息學費係$200/堂。呢間拳館係比較貴，但勝在地方乾淨，地點就腳！
個教練有唔會好hard selll，所以我自己都幾鐘意，我自己係一個試完如果鐘意係會買個product / service，所以我今次報左名再上堂，嚟緊我每星期都會去學泰拳！
GLYCEL 42°C Mobile Skin Therapist
GLYCEL 42°C Mobile Skin Therapist $2,888
集微電流、42°C熱能、640紅光、震動四個功能。機身輕巧，用前只需要叉足電，就可以用到大概8次 (以每次完成3個模式計)
開機時需要等約30秒待部機暖左先，機共有三個模式:
1) 光+熱能+微電流
2) 光+熱能+震動+微電流
3) 光+震動+微電流
近來天氣凍了，晚上用這部機真係超舒服，部機暖暖，可以因應個人的須要選擇自己雖要的模式。
用佢嚟導入，完成整個過程，毛孔收細了，簡直就好似變返好似我廿歲時的肌膚、熱能能使膠原增生，皮膚光澤感提升、皮膚緊緻、水份充足，輪廓提升，包包面消失了。第二日上妝個粉底更加貼面。
2014年11月19日 星期三
食療急救肌膚
自從注重自己的健康，我就開始多吃有益的食物，例如生蒜、杏仁、紅菜頭等‧......今日睇報紙見到完來有好多食物對肌膚有莫大的益處，兼且可以延緩皮膚的衰老，往後要多吃有益的食物，抗衰老係我現在關注的一環!!
2014年11月16日 星期日
Angel Key Magician Ampoulse
早幾年台灣護膚品於香港很流行，自從一陣韓風就將台風打沉了！
個人對台灣護膚品的感覺是廉價且功效顯注，今次試用了Angel Key Magician Ampoulse $89/10ml。
這個產品驟眼試係無乜特別，質地好似水，無色無味。但係搽上面的功效就真係非無色無味般的感覺。
Angel Key Magician Ampoulse 的成份有馬胎盤萃取精華、B5、六胜肽。
每次只須搽3-5滴，不能搽太多，因為會起擦紙膠碎，少少的份量已經很保濕，作為化妝打底用可以令粉底更加貼；而六胜肽成份可以撫平細紋，抗皺-->單單這一點已經非常適合我了。抗皺是於皺紋未出現前就須要做足預防工作，到了皺紋出現時到時搽乜都已經無補於事！
除此之外，這個產品有美白的功效，早陣子面上長出了很多暗瘡，留下了很多暗瘡印，用了這個之後暗瘡印亦都淡化了很多。
一瓶約可用一個月，作為妝前打底精華，超值!
2014年11月15日 星期六
GLYCEL X'mas set
GLYCEL部美容機已經起幾個月之前budget左今個聖誕送給自己的聖誕禮物。
見聖誕set 已經出左，加上唸住用信用咭比錢可以有60日的還款期，所以就提早為自己送上聖誕禮物。
呢套set 要$4,567比起我預左的budget 亦都超支了一點點，但我又諗返如果我唔再出街做facial 而改用自己的美容儀及護膚品，買這個一點都唔昂貴，同時亦省卻左比美容師hard sell 的唔愉快經驗。
2014年11月14日 星期五
2014年11月12日 星期三
Maquillage Prefect Multi Base B B
BB cream 成為近年好熱門的化妝用品。
今次用左Maquillage Prefect Multi Base B B佢本身係有顏色，質地透薄，但顏色偏白，唔係幾適合我的膚色。
單用遮瑕度當然不及市面上的B B cream，而且好易溶，保濕度係完全唔夠，但用後皮膚有光澤感。回購指數係0。
2014年11月11日 星期二
Pukka Lemon, Ginger & Manuka Honey Organic Herbal Tea
又比我起iherb 搵到一款好飲的茶包，繼咖啡之後，花茶已經成為我日常飲用的飲品。
未認識Pukka herbal tea 之前我係飲Yogi tea，飲過Pukka herbal tea 加上了解該品牌的背景及理念後，我會多d 買pukka 茶包。雖然pukka 比較貴但係物有所值，唔係Yogi Tea 唔好，只係個人比較欣賞Pukka 的理念。
Pukka 是英國的品牌，是有機種植、良心採購、使用公平貿易原則。
Pukka 的社會企業責任亦都係我令我讚嘆！
Pukka Lemon, Ginger & Lemon, Manuka Honey Organic Herbal Tea，入口有少少的甜味，薑味並唔濃，飲後有一種舒服平和的感覺！秋冬時分飲用可以滋潤之餘，而薑亦可以增加抵抗力及抗氧化。
於iherb.com 購物輸入Coupon code: TGD808，首次購物滿USD20可以減USD5，滿USD40可以減USD10。
2014年11月9日 星期日
生蒜
記得很久以前我第一次食生蒜，即時的反應是反胃，嘔吐大作。自此之後，我對生蒜異常地反感。
早陣子上網睇了一段文章，得知食生蒜可以防病養生，所以我開始食起生蒜來。吃生蒜的正確方法是逐粒切片，讓蒜片暴露在空氣15分鐘才吃，因為蒜頭跟氧氣結合然後產生蒜素。
蒜素能防止脂肪積聚血管壁上，減少血液斑塊形成，有助降低膽固醇及三酸甘油脂，從而減低血管硬化及閉塞機會；並能保持血管彈性，維持正常血壓，有助保護心臟健康。
此外，蒜頭含果寡糖成分，可促進腸內益生菌的增生，能驅除消化道中的害蟲，配合蒜頭的殺菌能力， 多吃蒜頭可增強身體抵抗力，預防病菌入侵。
另外，蒜素能紓解咳嗽，減少肌肉痠痛疲勞，令各個人體器官的老化進程減慢，防止五十肩，而且蒜素是抗癌之王。
初時食生蒜真的好辛苦，因為生蒜超級辣，每次放入口舌頭都好像被火燒，吞下時好像火燒心。
儘管蒜頭有很多的好處，但都不能吃太多，每餐最好不超過兩粒，特別生吃蒜頭時，當中的蒜素、增精素和蒜硫胺等成份會直接刺激胃黏膜，進食過量會造成貧血和胃潰瘍。
食蒜頭缺點係會帶來口氣，要解決亦都好簡單，只要進食蒜頭後咀嚼一片茶葉、薄荷葉或喝牛奶都能令口氣消失。
 |
| 切好的蒜絲 |
Pekkle 貼紙DIY
之前訂左一d Pekkle 貼紙，呢d貼紙質地好好，防水及防花，所以我拎佢地嚟四圍貼。
見個小米外置叉電器一點都唔靚，見有兩個貼紙的size 與小米叉電器差唔多大，所以我就拎左兩個貼紙嚟裝飾下佢。
貼左貼紙的小米叉電器真係靚左好多。
動物認知真實的你......
動物認知真實的你......
狗、熊、猴子、獅子、馬、松鼠、羊、兔子、企鵝、貓，以上這些動
(必須是你第一直覺想到的動物去排列，優柔寡斷就不准了。)
狗、熊、猴子、獅子、馬、松鼠、羊、兔子、企鵝、貓，以上這些動
(必須是你第一直覺想到的動物去排列，優柔寡斷就不准了。)
我選了貓、獅子、企鵝
▼▼▼ 查看分析結果 ▼▼▼
解析：
最喜歡的動物，代表你希望自己給別人的印象。
排名第二的動物，代表別人對你的看法。
排名第三的動物，代表你真正的樣子。...
狗：個性溫和，善解人意，為朋友竭盡心力，不怕麻煩，是忠誠度極
熊：溫和親切，是可以依賴的人。心地善良，個性單純、率直，給人
猴子：幽默、容易親近，在一起不會讓人感到厭倦的人。喜歡照顧別
獅子：有威嚴，在人群中特別受矚目，最具有領袖氣質的人。重榮譽
馬：帶點稚氣，為人爽快。即使是女性也不會要求特別的待遇，是個
松鼠：有一點孩子氣，外表給人軟弱的印象，實際上卻是個能幹且牢
羊：外表柔弱，實際上卻很頑固。是個勤奮不懈的努力派，以及重秩
兔子：是個可愛、頗具魅力的人。由於這個特質，常讓周遭的人興起
企鵝：謹慎、保守、樸素型的人。有時會給人一種沉靜中帶點危險的
貓：神秘、捉摸不定的人。終於自己的步調，崇尚自由，不喜歡受束
解析：
最喜歡的動物，代表你希望自己給別人的印象。
排名第二的動物，代表別人對你的看法。
排名第三的動物，代表你真正的樣子。...
狗：個性溫和，善解人意，為朋友竭盡心力，不怕麻煩，是忠誠度極
熊：溫和親切，是可以依賴的人。心地善良，個性單純、率直，給人
猴子：幽默、容易親近，在一起不會讓人感到厭倦的人。喜歡照顧別
獅子：有威嚴，在人群中特別受矚目，最具有領袖氣質的人。重榮譽
馬：帶點稚氣，為人爽快。即使是女性也不會要求特別的待遇，是個
松鼠：有一點孩子氣，外表給人軟弱的印象，實際上卻是個能幹且牢
羊：外表柔弱，實際上卻很頑固。是個勤奮不懈的努力派，以及重秩
兔子：是個可愛、頗具魅力的人。由於這個特質，常讓周遭的人興起
企鵝：謹慎、保守、樸素型的人。有時會給人一種沉靜中帶點危險的
貓：神秘、捉摸不定的人。終於自己的步調，崇尚自由，不喜歡受束
2014年11月8日 星期六
Divana kiss me pink grapefruit lip balm
上年去泰國時買左個lip balm，又係時候試用了。
呢年lip balm 真係好潤，又唔會好張、好笠，我自己會厚厚敷一層才睡覺，第二朝起身個咀仔變得好滋潤，唇紋、乾紋又少了很好用的一個產品，可惜香港買唔到。
2014年11月7日 星期五
Alba Botanica Mineral TerraTints Lip Balm SPF15
一直都好注重臉部的防曬，而唇部的防曬往往都被人忽略，因為市面上很難才找到唇部的防曬產品。
好耐之前起iherb 已經搵到Alba Botanica有唇部防曬的有色潤唇膏，不過當時無貨，其實唔知點解iherb的產品好多時都無貨，等得呢隻有貨，第二款產品又無貨，所以我都費是再等，買到與否都有一切隨緣！
早排終於都有緣買到了！於是即刻開左佢嚟用啦......
開蓋後見到潤唇膏的顏色好靚，係淡淡的珊瑚色，搽上咀係淡淡淡的粉紅色，滋潤度不能要求太高，現時用岩岩好，如果夏天用滋潤度一定足夠有餘！
不過我都係想要一支有色的防曬的潤唇膏，正合我的心意，而且滋潤度都滿意，用晒之後我都會再回購！
如果大家有興趣可以起以下的網址訂購：
2014年11月6日 星期四
iherb.com
上個月收到iherb的promotion，10月底前購物滿USD60於11月份會回購USD20，見個推廣咁吸引，加上買滿USD40仲額外有10%discount，真係抵上加抵。
又係時候可以買返我好鐘意飲的yogi 茶包，今次仲可以買埋Pukka herb 茶包，共買左四盒茶包，有排飲~~
今次真係一次過買左好幾樣一直想試的產品，包括alba botanica spf15 有色潤唇膏，sibu beauty sea buckthorn seed oil……
Iherb.com 真係有好多好野買，得閒可以慢慢尋寶。
購物時輸入coupon code “TGD808”，首次購物滿USD20可以減USD5，購物滿USD40可以減USD10。
2014年11月4日 星期二
2014年11月3日 星期一
2014年11月2日 星期日
尋找花盤
上星期買了一盤紫掌，其實紫掌係可以水種或泥種，個人認為泥種可以為植物提供更多的養份，所以我都係繼續選擇用泥種。
但係問題就係嚟啦，話說我又怕起花墟買返的植物，因為每次都日有D 小動物附送，所以上星期已經急不及待，將買回來的泥全部清理乾淨！但係笨手笨腳的我起公司拎左一個細了一寸的花盤返屋企，而屋企又無咁大個花盆；買回來時個個膠盤又爛爛地，咁我唯有夾更將盤紫掌塞入去個細盤度！
不過清埋晒D舊泥後，真係好難再倒返D 泥入去種，個感覺係唔可以套用種紫羅蘭的方法去種，加上盤紫掌拎左返公司之後，佢D 葉乾到枯左，都唔知係唔係我呢個摧花殺手搞成佢咁......
有見及此我都唔知買唔買返一個大少少的花盤好，但係我有信心只要用心去種一定可以種到佢好健壯！
今日去試姊妹裙時順便可以去行埋花墟，成個花墟都係繽紛，繽紛每間鋪都未不同的產品，我每次都係去有微型生態缸個間鋪睇，實在係太想帶呢個缸返屋企，呢個缸可以滿足到我三個願望：
1) 可以種植物
2) 可以養漁仔
3) 可以觀賞
雖然，暫時沒有多餘的空間去種，所以影低張相望梅止渴先，我相信我好快可以帶佢返屋企，只要執一執屋，我一定可以帶你返屋企。
不知由何時與種物結下不解緣，希望將來我溫暖的家可以比我種到很多不同品種的植物！
依家去行花墟真的很有時代感，好多新店的裝修都係靚，每一盤盤栽都包裝得好精美，每星期去到花墟所買的植物都有所不同，植物都有季節所以多D 去花墟睇到不同的植物真係好開心。
去花墟的目的係買花盤所以我主力都係去揀花盤，本來係想買個儲水式的花盤，因可以儲水個花盤變得好高，如果用左佢會令到本來好高的紫掌變得更高，都係放棄儲水式。
之後見到我今日買左呢個感覺比較高貴的紫色花盤，但係佢都幾貴$98，印象中一個花盤只值$30-$40，初時唔係好寫得買，因為呢個花盤比起普通花盤貴一陪，但當我細心的再睇，佢係德國造，拎上手個花盤陶瓷係同普通個D 係唔同，呢個係比較輕，而上色係一絲不苟。最後，我係決定買呢個，起我揀緊買咩色的時候，我不時拎住呢個紫色花盤，但個花盤的形狀實在係太奇怪，所以又要再三考慮，起我揀嚟揀去之際，有位年長的女仕同我講呢個紫色靚呀，我呢個星期前買左呢隻色的呢個款，返到屋企覺得好靚，之後連續幾星期都嚟想再買多一個，但可惜已經再無返貨！就係呢位太太咁講我即刻拎住我個花盤去比錢！其實我第一眼的已經睇中呢隻色，人就係咁好多時都會三心兩意，有得揀總會想左揀右揀......
 |
| 微型生態缸 |
2014年11月1日 星期六
2014年10月29日 星期三
淘寶~郵局取件
由完全唔知淘寶係乜，到依家大概都知道如何於淘寶購物。
因為順豐的運費實在係太貴，所以我今次試左去郵局自提，其實我都唔知郵局自提運費會係幾多，只係唸住方便，可以自己預時間去拎件。
香港郵政局與中通海外合作，如果一定要郵局取件的話快遞公司就一定要選用中通海外。
賣家會用快遞將包裹送到中通海外的集運倉，之後等齊所有貨品送到集運倉後，選擇集運訂單。
系統會再計算總運費，付款後集運商就會將我的包裹送到香港郵政局。
中通海外於香港郵政局自提運費，首公斤RMB13，續重RMB4。
當郵件送抵郵政局後，中通會發一個領取郵件的短信到我的手提電話，入面會有一個領件密碼，之後就可以去郵局領取郵件的窗口出示領取郵件密碼，話咁易就可以拎到郵件。因為郵費集運時已經全付清，所以拎件時不用付款！
行李箱貼紙
成日去旅行見到人地個luggage貼滿鮮艷的貼紙，一直都好想買嚟怖置自己個luggage。
因為我個luggage係一個好平凡，而且大路的品牌，試過好多次起行李帶上見到件一模一樣的行李，為避免拎錯行李，所以想起個luggage上整多少少特徵上去。
萬能的淘寶真係咩都有得買，就連行李箱貼紙都可以訂造。其實仲有另外一間淘寶店有得訂造而且訂造價亦較平，但我與賣家聯絡了兩天仍沒有回覆；最後唯有選用這家店。
我訂造呢間淘寶店，相對價錢係比較貴，但係貼紙係用3M貼紙，所以貴少少都值。
今次選用了中通速遞及香港郵政自取點領取郵件，我淘寶的經驗較少，每次付款時都出現問題，今次買的價錢最少，浪費了很多時間reset password!
貼紙價格一點也不貴
10cm~15cm:RMB3 x 6
5cm~8.5cm:RMB2 x 11
5cm~8.5cm:RMB2 x 11
因為知道郵局現在都可以拎件，所以我今次選擇了去郵局拎，呢件件重0.2kg。原來選擇去郵局拎會好件件運入去中轉倉，之後再付到郵局的運費便可。
今日終於都收到d貼紙，效果好好，有三款圖個解象度唔高，所以印出嚟唔係好靚，但係個店主已經一早告訴了我，所以沒有失望，而10~15cm的貼紙印出嚟係最好，之後會再大量訂購，務求可以貼到一個鴨鴨行李箱出嚟。
淘寶賣家：貼紙藝貼紙店
2014年10月26日 星期日
城門水塘
秋高氣爽又係一個好適合行山的天氣，今日一行十幾人一齊去城門水塘行山。
第二次行呢個地方，雖然係一個路痴，但隱約都記得點樣行。
全程不時見到好多馬騮，見到馬騮互相捉蝨，又有馬騮太餓去搶途人的麵包，以及馬騮爬入垃圾筒執垃圾食。
帶領行的朋友初時又話識路，行行下迷了路，佢講左一句超搞笑，地球係圓一定搵到路走，就係咁起城門水塘行左5個幾鐘，其間仲同兩個朋友失散左，呢次行山真係超搞笑。
今次有5隻柴犬陪我地一齊行，真係估唔到d狗狗可以行咁耐。行完今次山開始唔係咁驚狗了，其實狗都有溫馴、可愛的一面。
行完超攰，於是即刻去左今晚食海鮮的餐廳~金記海鮮飯店，點了十二道餸，超豐富的晚餐！海鮮都算新鮮，味道不過不失，食完又唔會太口渴，都ok 啦，最重要係我地有20人，可以包左佢樓上成層自用。
食完晚飯再去食甜品，超滿足的一天。
訂閱：
文章 (Atom)