Bobbi Brown Conditioning Brush Cleanser

今次介紹一下Bobbi Brown Conditioning Brush Cleanser。相信好多女生都會化妝，當化妝掃經使用後會產生大量的細菌，尤其是濕粉掃、遮瑕掃，雖然用肉眼是看不見，其實這些化妝掃已滋生大量的細菌！嚴重的話會導致皮膚敏感。所以化妝掃必須每星期清洗一次以確保衛生！

其實方間有很多不同的清洗化妝掃的方法：包括用洗頭水、護髮素、兔子清潔液 (見網上都有人係咁用，她的理論是化妝掃都是由動物毛製成，所以用這個清潔液亦可以清洗化妝掃)

過往我自己堅持唔會買專用的化妝掃清潔液，因為好似好貴及無必要，加上一枝化妝掃都是數百圓，只要用得上一年已經可以回本，再買過一枝全新的便可。但後來用左濕粉掃及遮瑕掃後我開始改變。

因為附在濕粉掃上的粉底用洗頭水是無辦法可以除去，這一來化濕粉掃越整越髒，跟住亦都試過用好多不同的方法！最後，都係決定買一支專用的洗掃液回來一試。

最後，得出的結論是專用的洗掃液真是洗得非常乾淨，只須一滴化妝掃上的粉底、遮瑕膏、胭脂、眼影一洗而去。這個Bobbi Brown Conditioning Brush Cleanser物超所值$140，相信可以用得上一段很長的時間了！

後記：清洗化妝掃時切記不要弄濕化妝掃的接駁位，因為這個位置只是用膠水接合，長時間接觸水份，會令化妝掃斷開。

Dermalogica Skin Hydrating Booster

之前咪一次過買左好多Dermalogica 的產品ge，買的時候做緊特價，所以已經將一系列的護膚品都轉用左Dermalogica！

Dermalogica 的故事始於1986年，國際皮膚研究學院的創辦人Jane Wurwand 認為市場上缺乏具優質效果的皮膚護理產品。
從而，在國際皮膚研究學院不斷研究及發展下，Dermalogica 護膚系統面世，更突破傳統，在產品合成過程中棄用對皮膚有害的元素，包括：人造色素、人造香料、變性酒精、羊毛脂及礦物油。儘管這些成份會引發出皮膚上的種種問題，但由於成本較低，一般廠商在製造護膚產品的過程中都加入以上成份。
同時，國際皮膚研究學院更要求護理中心接受高水準的專業訓練，以確保消費者能獲得可靠及具誠信的服務，解除他們對言過其實的流行時尚陷阱的憂慮。
Dermalogica 一直至今堅持專業的皮膚護理理念，配合其實而不華的包裝，高度注重皮膚護理的教育工作及為研製出獨特及嶄新的成份配方作出卓越的承諾。
skin hydrating booster 強效保濕修護精華 (乾性及缺水肌膚適用)
高度滲透的保濕修護液，為肌膚灌注無限量水源，即使最乾燥缺水皮膚，亦獲得迅速的滋潤
用後感：液體狀的質感，塗上面後很快被皮膚吸收，感覺乾爽及滋膚度高，連皮膚乾得脫皮的地方亦迅速得到滋潤，於翌日早上皮膚依然感覺水潤，保濕效果持久！很適合現在的乾燥季節。

Pekkle @ blog 友聖誕禮物

早兩日收到雪藍送給我的聖誔禮物，真係好開心呀！今個冬天可以帶住呢對手襪，對手一定暖笠笠啦！

Pekkle 叉& 匙

終於都可以擁有到pekkle 的叉及匙，我的收藏品當中沒有這一樣物品。一直都想要一set，今次只係用左$80就可以買到啦，須然唔可以話係平，但係價錢都算合理！這個賣家其實都係pekkle 粉絲，幾年前佢起旺角有一間shop 賣出佢多左的pekkle 嘩！全部都係天價發售，我都只係幫佢買過幾次野！唔知其麼原因近期放售的價前比起之前平了這麼多。會唔會係同金融海嘯有關呢？

Neige Care Magnetic 精華導入儀

好耐之前見Mario Badescu 出左一去痘痘的美容儀器$500，已經即刻去counter 買，但係成日都無現貨賣。sales 姐姐每次都叫我付全費訂貨，我緊係唔想啦。費是石尋大海，今次終於都買到現貨啦。

配合Mario Badescu 的瞬間淨痘精華(溫和)　效果很好！

Neige Care消痘儀能釋放臭氧O3，具天然殺菌作用，能徹底消除肌膚上的粉刺、葡萄球菌等害菌，日常潔面時未能洗淨的污垢，全面預防及修復暗瘡，提升肌膚健康。
●色光治療+殺菌消毒=全面修護暗瘡
●磁共振+色光治療+殺菌消毒=極速導入有效精華
●紅外線+磁共振=增強肌膚免疫

用後感：近排生了幾粒暗瘡，所以這部儀器大派用場，儀器開啟後會釋放出電流，皮膚會感覺到有一陣氣壓包圍住，有暗瘡地方還會感覺到輕微的痛楚，而這些電流是殺菌，加速暗瘡的凋謝，這部儀器對沒有癑的暗瘡更為見效！若擠壓完的暗瘡亦可以使用這部儀器作消毒，可以加速傷口的癒合。

Dermalogica

都唔知點解d護膚品會差不多時間一齊用晒，咁樣會大出血嘛，但係無辦法啦。都要買。初時都無唸住要買咁多，亦都無唸過會再買返Dermalogica呢個牌子來用。並非佢唔好用，只不過係嬲。因為第一之買得八折，買完一個月之後佢再減多d 做六折，個sales 姐姐話要力敵水貨，所以減多咁勁。當時真係好嬲。同自己講佢再幾平都唔會再買。但係.....

今日去到店鋪，睇緊護膚品的時候，聽日姐姐介紹話Dermalogica做緊減價，劈價低至3折。嘩！3折(對眼開始發光) 咁平！！！即刻忍唔住買左以下的產品。真係好平。一共慳左$2,472.00抵返晒。

Essential cleaning solution (原價：$638  現售：$280)
Skin hydrating booster (原價：$668  現售：$260)
Intensive moisture balance (原價：$588  現售：$250)

Intensive smooting cream (原價：$588  現售：$238)

Renewal lip complex (原價：$390  現售：$140)

Multivitamin power concentrate (原價：$818  現售：$290)

你話啦，咁平點忍手喎。再想買多d做存貨添呀。不過護膚品會變壞，都係忍下先！

瑞士汁雞翼

都有兩個星期無煮野食啦！今日終於都有時間整返之前亞蘇教煮的瑞士汁雞翼！

我都係睇完蘇Good先至知道原來我一直用緊煮瑞士汁雞翼的方法係好唔同

我之前用個個方法係淘大的食譜，須然都係用豉油整，但係就加入左八角&桂皮

今次根據阿蘇的煮方再做一次先

材料：鉅利高級醬油、雞湯、冰糖、紹興酒

做法：

1. 洗淨雞翼，下蔥水滾後下雞翼出水後盛起
2. 將雞翼放進冰水內浸透 (要將雞翼由內至外都浸透，阿蘇話係將雞翼的毛孔收縮)
3. 煮瑞士汁：將鉅利高級醬油倒進煲內，再加入相同份量的雞湯、下紹興酒及冰糖(大量)
4. 中火開始煮瑞士汁 (以便煮乾瑞士汁的水份)，待冰糖溶後
5. 將雞翼放下(皮外下)，再大火將瑞士汁煮滾。熄火焗20分鐘
6. 10分鐘後將雞翼反轉，再過10分鐘後瑞士汁雞翼就完成了。

P.S. 餘下的瑞士汁可以盛起，留待下次再煮時使用。

貼士：由於實太醎，故建議下一份醬油、半份雞湯及半份水。這個方法可以用少d糖 (想健康點)。

Pekkle 趴地錢箱

近排已經絕跡bid 場，一來無乜野岩我bid，二來真係好忙。返到公司日日做到無停手、無得休息。但係好在總有放工的時候。

返工咁辛苦，所以好想買野。好在近日起bid 場比我見到這個錢箱。佢唔係全身，但係起bid 個價好低，所第一時間就bid 佢啦！最後成交價都唔算好貴只係$170。

起初我都唔發現這個錢箱係有問題。但係個賣家好好，好清楚講明pekkle 係無左條眉，咁我唸住咁平算啦，bid 左返離自己幫佢畫返條眉咪算囉。
但係當我交收完之都有d失望。見到pekkle 有幾個瑕疵：件衫又甩色、左眼又甩色、腳又甩色，超唔完美。或者我自己係一個完美主義者。所以我第一眼見到佢有d唔開心。一路搭車一路唸點樣可以整到佢變返完美！

左眼又甩色，都唔係圓ge ~ ~ 討厭

腳 & 衫又甩色~ ~更加討厭

好在這邊係完美無瑕。都算係飲得杯落！

畫返條眉 & 眼珠，成隻醒神晒，總算正面個樣叫做係完美少少啦！

Pekkle 暖手包

近排pekkle 密密地出新產品。我就越買越多真係要收斂下至得，放到四圍都係。

尋日收到美寶通知話出左個暖手包，咁二話不說就即刻留左兩個。

返到屋企就第一時間問雪藍又無相睇。
佢真係每次都好快就有相出。勁！勁！勁！
見到張相都已經覺得好靚，所以今日就第一時間走左去買 - 美寶售$35

Pekkle 禮物盒

今日繼續出動去購物，我心情唔好睇乜都睇唔上眼。

我個friend知我唔開心，同我去睇精品，成日都係咁起到嘩嘩聲咁。

佢一嘩我又以為佢發現pekkle，成日起度整估我。
好在最後佢嘩的一聲完來真係發現左pekkle 喎。登、登、登、登........
就係佢啦。我以前無買過這款禮物盒，今日終於擁有啦！
個禮物盒好黃呀，所以我買左兩包。($5一包好抵買呀)

Pekkle 牙簽座

今日突然間比我見到pekkle 牙簽座。好耐之前已經想要，今日終於都買到！

起遠處見到佢就即刻行埋去睇下，見到佢標價要$18，好似貴左少少喎。因為我買個廁紙筒都係$20。跟住問下老闆買兩個可唔可以平d，竟然可以喎。$30兩個雖然唔算平，不過都ok啦。近排都係多左好多pekkle 翻版野買！

今日心情極度不佳，買完pekkle後心情好昂然，唔知自己想點。pekkle 的魔力並未為增添喜悅。或者呢刻做任何的事情都無辦法去開心。

究竟人生為乜呢，突然間起個腦海到湧現這個想法......我真係好想喊.......好辛苦.......

想當年出過一個翻版廁紙筒，係翻版當年的不倒翁印章。

Eye Complex 眼部修護複合精華乳霜

心情唔好，購物係一個幾好的發洩途徑。適逢眼霜又用晒啦，咁第一時間就走去買啦！雖然我都知買完都唔會開心。點都好啦，都係要買離用家啦！

眼霜我一向都堅持要用好d，要用靚d。要符合以上兩個要求，當然係同$成正比啦！好在都叫做有個折平左d咁啦(15ml 原價: $900, 現售: $600) 。iS Clinical 這個牌子原來好出名。好多本雜誌都有介紹佢的產品。今次買左一瓶來試。兩個星期後，我會更生用後感！

iS CLINICAL為美國醫學護膚品牌，其所有產品含活性天然成份，當中的成份經臨床驗證及達到製藥安全標準，是值得信賴的品牌。iS CLINICAL PRESS
iS CLINICAL EYE COMPLEX 眼部修護複合精華乳霜

針對多個眼部肌膚問題而設的特效修護配方，能徹底改善黑眼圈和眼部肌膚浮腫清況，讓眼睛明亮照人。
功 效

	亮白及收緊眼部的幼嫩肌膚
	減淡眼部的皺紋和細紋，改善眼部浮腫問題
	滋潤保濕
	抗氧化修護

主要成份

蘆薈啫喱10% ，銀杏葉1% ，硫辛酸0.5%，維他命E1%，維他命A1% ，葷類精華0.5% (提供麴酸)，越橘精華3%，甘蔗1.2%，甘油

配方精要

眼部的嬌嫩肌膚極容易因氧化壓力而產生幼紋，加上幼薄的皮層讓色素沈澱的情況更為明顯。配方針對上述問題，為眼部肌膚提供全面的修護功能，明顯減淡黑眼圈和收緊眼部肌膚，加上強效的抗氧化保護，令明眸回復神采緊緻。

用後感：
使用了足足兩星期，眼霜的滋潤度很高，眼霜的質感很潤，塗勻後很快會被眼部的肌膚吸收後感覺乾爽。眼部的細紋明顯減退。眼部肌膚變得緊緻有彈性，但係黑眼圈並沒有明顯改善。建議針對黑眼圈可以使用Hylexin效果很好！

Pekkle mini cushion

尋日收到通知話出左個新的Pekkle cushion 已經好想跑去買。因為種種的原因所以今日先至出去買。

尋晚起雪藍個blog 到見到個cushion 個樣咁靚已經忍得好辛苦，我又驚買唔到，其實我下午已經打左電話去留左一個。跟住睇完雪藍個blog即刻再打去美寶再留多一個，點知老闆娘話放心啦，佢今次入左好多貨實會買到喎，我聽到老闆娘話入左的貨量都係驚訝，一次可以入到咁多貨。我唸係我地班pekkle 快閃黨的原故，所以老闆娘入多左貨啦！就係咁我今日就好安心咁去買左pekkle cushion $58，真係好靚呀。我又係見到佢咁靚唔捨得用添！但係我買左3個喎。點解我有咁多個都會唔捨得用呢。我都覺得自己好奇怪呢~~~~
正面

背面

Pekkle 友情分享

之前起blog 友- Rain pekkle 現身廣州 到見到佢起廣州買到好多翻版pekkle，一見到張相有咁多都幾震撼。再睇睇佢寫住原來佢係預埋我地一份，所以佢將起廣州見到的pekkle 都全部買晒。

今日終於都到同亞Rain 見面的大日子啦。由於我好忙，所以只係同亞Rain 閒聊左幾句。不過亞Rain真係好好人呀，特登拎出嚟比我。
其實咁多個我最鍾意就係pekkle 天使蛋，真係好可愛，搖動佢仲會著燈，不過我又係唔捨得用，其他個d都好可愛，不過都係同一命運，又係唔捨得用。
其實個天使蛋之前都yahoo見過有得bid 底價差不多係$60.....好在我當時堅持無bid 到，依家終於都擁有啦！真係好開心。多謝你亞Rain，同我地一班pekkle fans 分享！

Pekkle Wallpaper

我覺得這張wallpaper 好靚 - Pekkle 2008 Wallpaper, 唔知大家download 左未呢？

如果未的話就快d 上去sanriotown download啦！

Pekkle 翻版篇

相信已經有好多BLOG 友已經買左這款拖鞋。而我一直都想擁有。但係又搵唔到大人拖鞋。話說上星期起尖沙咀見過對小童拖鞋已經好鍾意。可惜個到只有小童款。我邊樹有咁細隻腳吖，所以就無買到。

早幾日見到雪藍post 左個Pekkle 老翻五寶後。我知道深水埗有得買，就每日都想lunch去走一轉，但係又怕趕唔切，所以最後都係選擇左尋日放工去買。

我仲唸住夠時間啦，大約7:00去到。因為雪藍已經話左比我知邊度有得買，咁我又唔駛格價。去到就問人地。
我：唔該我想要鴨仔拖鞋
職員一: 係唔係唐老鴨
我：唔係呀, 有個P字個仔鴨
職員一: P字鴨, 哦PC鴨吖
我：PC鴨?????? (心唸個名咁新潮，PC狗+

混合體)

職員一: 叫佢同事(職員二)搵比我
我：我仲想要好大個公仔頭個對拖鞋
職員一： 望下我，我地收緊鋪喎 (想唔做我生意)。我同佢講我特登過離。佢再望下我，係唔係得這兩樣咋。
我：um........仲想要多一個頭飾
職員一： 好啦好啦，你行入去等下啦
職員二： 帶我去搵頭飾。其實間鋪已經熄左一半燈。佢帶我行入去望兩望就話。賣晒啦，無呀 (似乎真係好趕時間關門，唔想做我生意咁)，好在我同pekkle 有緣起一個好暗的地方咁都比我見到佢。
我：呆等佢搵埋對大頭拖鞋比我。
職員二：唔知行左去邊搵，返入離又話無晒貨啦
我：唉！算啦，無就算啦 (心唸反正我起女人街都見到有得賣，加上我本身都有一對)
職員一：與職員二對話“剪左門口掛出嚟個對比佢啦”
職員二：你放左起邊呀？跟住職員二又話無啦，職員一好似比你賣左呀
職員二：對我說：「你等等，我去第二間鋪攞」
我：平時幾點收鋪？8:00pm因為今日老闆生日趕住去食buffet 所以咁急.......
我：最後所有野都齊晒付款走人。找完錢正想走之際，突然想起自己係比$500佢，竟然找少$300，好在我突然間想起。如果唔係這轉老翻都係超貴！

呢對毛巾拖鞋著落都幾舒服，我會再去買多一對用來儲。有兩個size (大人$45, 小童$40)

大頭公仔拖鞋$60，其實上年起美寶都買左一對，美寶話佢自己只會買真野，但係我拎住這對老翻，同起美寶度買個對做對比，睇唔出有乜野分別......難道美寶都會賣假野？？？如果美寶賣的真係假野我咪要當自己溝貨囉！

這個正方形pekkle $15。我真係好鐘意，個人覺得正方形pekkle 份外可愛。唔講真係以為這個產品係真野，如果入面放住的產品係hello kitty 相信無人會忙懷疑囉！
我初時都係唸住這個頭飾會係賣$10，但係我問個店員幾錢，佢話你呀$15啦。我唔知佢會唔會係坐地起價，所以買住2個先。下次再去買多幾個至得！

Kate eye make up remover

Kate這個牌子相信未必個個都認識。其實佢係kanebo 的副線，價錢較為大眾化。之前我都係用開舊公司的美容、化妝用品。離開後都再無用佢lu，反而係四出去試各大品牌的化妝及護膚品。

我就好似放監咁，買左好多唔同牌子離試。就係咁我先發現出面原來有好多平、靚、正的化妝品。

等我今次介紹下Kate的化妝品先。Kate唔係四圍都有得買o家。暫時我見到只有屈臣氏、莎莎、雅施有出現過 (但唔係間間都有)

化開妝的靚女們，相信每日都要為卸妝而煩惱。而用左防水的眼線液及睫毛液就更煩。

今次介紹kate 這個卸妝液，行左幾個地方先至比我搵到，唔知係唔係太好用，賣晒定係點呢。行左幾間屈臣氏都無貨，最後竟然比我起莎莎買到。真係超抵用100ml - $57仲平過JPY， JPY900 依家YEN 貴，所以好抵用呀。

初初見到呢支卸妝液見到係一支透明液體。拎起再認真D睇原來係兩層的 (即一層水、一層油) 。再睇下招紙註明係無香料及可以卸防水眼部彩妝。正！岩晒我呀。

同之前用開個D一層藍色油、一層透明水功效係一樣的。抵！抵！抵！仲平過Missha。話晒kate 都係日本生產。有信心保證。原來平野都可以好出色。

甘油 Glycerin

甘油是水溶性的保濕成份, 它是一種透明而粘稠的液體。

其實，甘油不是油。它是醇類，就是比較接近酒精的物質，因此，它可以和水混合均勻。甘油是天然成分，存在你、我和其他動植物的體內。它的保濕效果很好，而且價格便宜，所以，常被用在化妝品和藥品。

甘油即丙三醇，有極佳之吸濕性，能幫助保持水分，也不會阻塞毛孔，是最佳的皮膚軟化劑，是很多化妝品與面霜的重要成份。賦予肌膚深層滋潤的同時，還可將空氣中的水分一併吸入皮膚底層。而甘油亦會在肌膚表面形成保護膜，防止底層水分流失，但不可直接將甘油擦於臉上，否則非但不能滋潤皮膚，反會因水份被吸收而變乾；化妝品中的甘油均經特殊處理，故能將護膚品所含水分均勻散在皮膚上，使皮膚得到滋潤。

甘油的作用是吸收空氣中的水份, 使皮膚保持濕潤。但純甘油不能直接塗到皮膚上, 因為它除了能吸收空氣中的水分外, 還將皮膚中的水份也吸出來, 原理和玻尿酸一樣。

用量: 大約5-10%. 加入任何物品中增加保濕度
1. 皮膚的保濕：以1份的甘油加上9份的冷開水混合均勻，放在透明的小瓶子內備用。因為沒加防腐劑（就是殺菌劑），所以才用開水，而透明容器便於觀察是否已有沉澱或長菌，該重新配置。注意：甘油可能是一種光敏感物質，不要擦在臉上，以免日曬後刺激皮膚而反黑。 2. 有富貴手和腳底嚴重龜裂者的保養：用1份的甘油和2份的冷開水混合，塗抹於龜裂處，如果覺得太黏膩，可用棉花棒沾取使用。膚質是遺傳來的，所以必須經常保養，不能間斷。 3. 頭髮的保濕：和皮膚的保濕一樣，甘油用水稀釋10倍，裝在噴霧容器，頭髮吹乾後，噴上它，不但保濕，還可定型。
http://forum.yam.org.tw/bongchhi/old/light/light148-3.htm

http://the_one888.mysinablog.com/index.php?op=ViewArticle&articleId=1272574
我這支甘油於萬寧配藥部購買的$12。藥劑師教我將1份的甘油加2份的水稀釋後可以直接塗於臉上。而我自己改用了玫瑰水，因為玫瑰水同時亦有滋潤皮膚。
玫瑰花水的功用：

玫瑰花水適用於所有膚質，就連最脆弱和敏感的皮膚也可以使用此花水。玫瑰花水能滋潤乾燥的皮膚，使皮膚能長期保持濕潤及安撫敏感性皮膚，即使是最脆弱的眼部皮膚亦可使用。此花水更能抗老化，淡斑，調理皮膚及抗菌。

豆豉鯪魚炒油麥菜

經濟咁差，真係唸都唸唔到點解大型連鎖超級市場的食物、用品的價格都無回落。今晚想炒豆豉鯪魚油麥菜，嘩！去到超級市場，唸住買一罐豆豉鯪魚，望望價錢，唸左一陣，真係想唔買......一罐豆豉鯪魚竟然仲賣緊咁貴$18.90。心唸只係一罐國產罐頭，都要咁貴好唔抵。不過想食都係要付出，我都知無不勞獲、亦都無免費午餐。唸左一陣最後都係對手控制唔到個腦拎左一罐去收銀處付款。所以今晚餸先至可以面世。

材料：豆豉鯪魚、油麥菜、蒜蓉

做法：

1. 將油麥菜切斷並洗淨

2. 將豆豉鯪魚切成細塊
3. 爆香蒜蓉及豆豉，下油麥菜炒勻

4. 下豆豉鯪魚炒散即成

我的美麗日記

經濟開始轉差，近日經常收到朋友寄來的減價優惠，真係每日check mail 都係coupon, staff sales......咁我都會睇下地點是否就腳先至會去買野。但係其中一個mail 就係介紹話我的美麗日記會有聖誕set賣，一盒$138 共有23塊，成個系列都齊晒，岩晒我呢d鐘意試新野d人。仲要平均每塊都係$6，真係好抵用。

加上近排天氣乾燥，每日敷一塊都唔會肉赤。不過我塊皮又唔生性，又似係敏感....每晚洗完面都好痛，所以一直都未可以用，希望塊皮乖d 快些好番啦！
各面膜的功效可參巧官方網站我的美麗日記

薯仔炆雞塊

以下這個是蘇施黃的食譜, 但有些步驟我無跟住離整。自從我開始睇蘇good 後，起初對阿蘇教整的食物很有興趣，但係漸漸地覺得佢的煮法很不健康，經常用大量的油、大量的糖。所以，我見到她的食譜都會將有大量油 & 糖的部份刪減，咁可以健康d嘛！

今次煮這個薯仔炆雞塊好有滿足感，拎住支豉油係咁倒落個鑊度，個種感覺真係好滿足，仲一路煮一路試味，真係好開心，因為怕為太喊，好在最後味道恰到好處。

材料:
薯仔        2個
洋蔥        1個
雞扒        2塊
醃料:
生抽        1湯匙
老抽        2湯匙
糖            2茶匙
生粉        少許
麻油        少許
烹調步驟:
1. 雞肉加入醃料醃約30分鐘, 薯仔用刀切角, 備用；洋蔥像切橙一樣切六至八角備用。
2. 雞件先用油爆香，加入醃雞塊的汁（生抽、老抽，糖、生粉、麻油）。
3. 先爆洋蔥，加少許糖、老抽。

4. 煎薯仔至少許金黃色。

5. 放入薯仔、洋蔥，加水調味（如有必要加點生抽、老抽、麻油）炆半小時至四十五分鐘便可。