Samsung Galaxy S5

終於都忍唔住換左部電話，我部舊電話Galaxy S3不經不覺間又用左兩年，時間真係過得快到自己都唔信。剛剛先至識得用部S3，話咁快又話要換真係唔知自己想點！

我都係鐘情於Samsung，所以就換左近排新出的 Samsung Galaxy S5，電話就越嚟越先進，售價就越嚟越貴，一部電話的售價接近$6,000，換一部電話真係好奢侈。

如果唔係貪S5部相機像數大我都唔想換，換左又要花一段時間再適應部電話點用我自己就唔係咁習慣……不過新電話的確係快好多，相片質素又高，超鐘意呢部電話，希望唔好再咁快換電話啦！

Phion Ionic Colon Cleanse

一直都有排便困擾，已經試過好多唔同的方法去解決，今次試埋Phion 腸道清潔產品，上網睇見咁多人都話好有效咁我自己又唔執輸試埋一份。

不過試左頭個幾日有少少驚，見個個都話飲左之後可以令便便軟左排出，仲可以一日去幾次，而我真係失禮頭個兩日依然都係無反應，到第三日開始有少少反應但都未至於好似網上d 人咁講可以排出好柔軟的便便，而且份量又少，所以都少少的擔心，好在七日都療程終於都完成了，雖然效果唔係咁滿意。但都希望叫做排走了腸內大部分的毒素啦！

Thayers Cucumber Witch Hazel Toner

呢支已經係我用第三支的Thayers 爽膚水，今次又試用左第二隻味~青瓜，氣味方面好大陣的瓜味，好fresh，爽膚水比較清爽，無玫塊及薰衣草咁潤，現在呢個天氣用真係最好不過！

用呢個Code "TGD808" 可以有少少優惠，歡迎大家隨便使用！

7th blood donation

復活節都不忘去捐血救，原來長假期真係少好人去捐血，所以今日捐血成個流程都唔駛半個鐘就完成。

今次個血紅素都幾高有13.50而體重亦都有進賬，真係接受唔到囉，睇嚟都要開始做返多啲運動至得！

復活節去捐血有特別的確紀念品送，今次係一個襟章，雖然無乜特別，不過我會儲起佢留念。

捐左第七次血，我的疤都越來越多，今日無聊咁問下姑娘有無方法可以整走去，答案係佢地都唔知，或者係從來都無人再乎這個微少的針孔罷！

Character jacket for Galaxy S III

本來唸住今年可以換過部電話，但係好似將會出的S5 都係無乜驚喜，所以我都決定放棄唔換住。

就係咁我就可以買過件衫比我依加部電話著，S3 已經係兩年前的產品，已經變得唔值錢，就連個殼都只係$38。

有個卡通公仔好底用，個殼仲要係軟膠，第一次用軟膠殼，個手感都幾得意。

2014年香港園藝館第八屆非洲紫羅蘭及古苣苔科植物展覽



今年有幸可以出場到香港園藝館的非洲紫羅蘭及古苣苔科植物展覽，其實上年都已經想參加，不過見到話要帶一盤植物參加比賽，而我自己又唔知用乜野可以令到盤紫羅蘭爆花，所以我上年就放棄左參加。

而今年又適逢遲到報名，好在仲有幾個後補的名額所以我今年可以參加，呢個展覽係比我地一班花友一齊程種、交流心得，見到咁多花友種得D 花咁靚，自己真係有少少慚愧，我自己近來的花死得就死，真係一分的唔捨得，而我所謂的有心機種都只係淋水及施肥，對比起其他花友的悉心種植，我呢D 又算得係乜呢？

出席完今日的花展令我又學習到更多的種植心得，希望將來對我種植紫羅蘭有更大的幫助啦！

 

Rimmel long lasting pressed power

Rimmel 是英國的開架品牌，呢個牌子的產品於英國製造，價錢大眾化。

今次揀左透明色，粉質唔差，粉餅壓得夠實，掃後唔會有碎粉粒於粉盒內。

粉餅透明感高，不過不失的產品！

Isehan ~ Heavy Rotation Coloring Eyebrow

上年上完化妝堂之後就學識了用眉gel，真係失禮用左成年才發現用眉gel的好處！眉gel 除左可以令眉毛立體整齊之後，仲可以令到條眉無咁易甩色。對於我呢d 眉毛比較淡色的人實在係恩物。


原先用開kate個支眉gel 都用左一年有多，自問係一個貪新鮮的人，所以唔係好鐘意用返同一個牌子，但係眉gel對於我呢講係一件好新的產品，而市面上又唔係好多品牌都會推呢樣野，所以都無乜idea 應該買邊個牌子好。


尋日去左kawaii land見到有好多款眉gel，而呢D牌子都係莎莎或者卓悅都會有得買，價錢方面當然係kawaii land平少少之餘，依加仲做緊優惠，用會員咭買可以有8折。最後我揀左Isehan ~ Heavy Rotation Coloring Eyebrow #03，會員價$59折左都係$47.20 (8g) 好平呀~~~


返到屋企即刻掉左用了成年，由miss 介紹個支kate 眉gel 啦。


講返Isehan ~ Heavy Rotation Coloring Eyebrow #03個色，我唔識睇日文都係斷估無痛苦咁揀了3號色，開左出嚟睇個色都算係幾淺，而且係淨色，不過我畫好條眉之後再用佢個色就岩岩好。同之前miss 介紹個支kate 比起，我自己比較鐘意kate佢閃得嚟仲係偏金色，下次再試下其他牌子再同大家分享。