神阻擋驕傲的人、賜恩給謙卑的人。(雅4:6): Testimony

顯示具有 Testimony 標籤的文章。顯示所有文章

2014年6月16日星期一

張家界之旅~行程完結篇

今日已經係行程最後的一天，六日的行程轉眼間就過，開心快樂爆笑的旅程實在令人難忘。

好感恩旅程中天氣放睛又唔會太熱，可以欣賞到主的造物奇妙，大自然的自然景觀，令我放眼世界，人並唔係圍繞住一點去轉，放開自己都係一件好事。

行程中另一件感恩的事就係認識了兩位好爽值的團友，一齊玩一齊笑令整個行程都充滿笑聲，旅行只不過係想relax 何必太驅緊呢…

今次的旅程太短，開心的時間太多，真係感恩主一齊的預備！主的意念比我們高，何須憂慮將來的生活呢！

2014年3月2日星期日

九日的土耳其之旅今日就正式終結，又要收拾心情準備明天的工作，無論願唔願意，生活都依然要繼續，唯有用正面的心去面對。我去土耳其呢個時間係冬轉春天，所以日溫差比較大由-3至13度左右，時差為六小時，而我地起第六日仲同一日經歷左落雹、雪、晴天，感覺特別！

因為係跟團出發乜都唔駛唸，就連要換幾多錢都有人計算好晒，共9日的旅程大約都係要用USD700-USD800，其實大部份的美金都係用嚟比自費活動的錢多，至於買手信各方面，土耳其流通的貨幣係里拉、美金、歐羅。而里拉係當地使用的貨幣，領隊建議我地去到土耳其機場之後換USD100的里拉，去到最後一日岩岩可以用晒！當地去洗手間大部份都係要數錢每次1TL (約$4)，其實我大部份的錢都係用嚟去洗手間！

因為被放飛機我獨個兒出發前往土耳其，旅程的時間令我可以得到真正的休息，人生衝衝，可以的話就讓自己忘記一齊唔值得記住的事情，包括一些唔原諒、嬲、傷害.......

今個旅程比我一個好好的反省的機會，人唔會係完美，每個人都有自私的時候，答應了可以反悔，就如今個旅程一樣，我由當初對人的失望、感到傷害，最後終於都得到釋放，人生衝衝為何要帶著苦毒生活下去呢？

我的生活是取決於我自己如何去面對我的身邊周圍的事物，感恩旅途上遇到一位好的團友，一切一切都係主的安排，由從來唔認識土耳其呢個地方，到去到才知道原來土耳其係一個聖地，這裏有幾個古城於古羅馬帝國時代基督徒受逼迫時避難的洞穴，當我去到呢個地方真的慚愧，作為神的門徒但我自己就少信不認主，因為生命中經歷主的時間較少而質疑主的存在，埋怨主為何我的祈禱並唔係有求必應，主啊！應謝你讓我可以於旅途中的經歷讓我的靈命得以更生！應謝你對我不離不棄，主求你讓我可以用更多的時間親近主，心意得到更生。

2014年1月19日星期日

Korea trip day 2

因為佢約左約朋友食飯，而我又唔想出席，所以我地今日自由活動各有各精彩。

自問我係一個路痴，我睇唔明個地點都算，仲要係超唔認得路，所以當初決定自己一個人去遊覽時都有少少擔心，但係我有一個超信實的天父，我相信祂必定為我安排最好的路線，我感恩我今日自己順利完成了我自己安排的活動之餘，仲比我去到一個我本來無安排會去而又想去的地方。
今朝早一早去左鐘閣站YP Books，之後好成功咁去到第一個景點~普信閣，今日天氣雖然係-11度，雖然好凍不過陽光普照所以唔覺得十分之凍。
第二站係去景福宮，其實條街係無人，得我自己一個人起條街度行，其實我都好驚自己行得岩唔岩，不過我都無得揀，自己拎住兩本旅遊書睇個地圖，但又唔係睇得好明，條街又無人可以比我問路~~~好驚。既然係自己決定唯有祈禱向天父訴說自己的心裏的恐懼......
行左好耐都未見到目的地，條街又無人心裏好驚，唯有繼續行，過左好耐終於都見到多返d 人起條街到啦，個心都舒服少少，再過多一陣我見到一個城牆心想目的地近在迟尺，好快就去到景福宮的入口了。

入到去景福宮見到有兩類門票，其實我都唔知應該買邊隻，最後都係問售票員買了當日的門票₩3,000，好快就參觀完景福宮，但係同我睇旅遊書入面介紹有少少出入，於是起景福宮內行來行去搵我想去的地方，最後終於都比我搵到，可惜係唔岩行，由於時間有限，所以我決定離開景福宮向貓頭鷹博物館出發。

離開景福宮其實都唔知向左走定向右走好，感謝主的帶領我揀了一條岩的路行，雖然沿路有好多警察但每次問路都無人識得點去貓頭鷹博物館，我唯有拎住本書起度自己研究個方向盤（其實咪又係扮睇）。行左好耐都唔知自己起邊，沿途每次問路都比人老點叫我返去明洞，好在我行行下起條街度見到三清洞，印象中起本書度見過呢個地方，但又唔係好肯定，睇返本書先至知原來貓頭鷹博物館係起三清洞附近，行到咁上下又問左一個警察點不知又係唔知起邊，不過唔緊要啦我好有信心佢係起附，條直路都差唔多行到盡頭，但都仲未見到，接近盡頭終於都比我見到指示牌，心情極度的興奮!!!
入到去貓頭鷹博館之後真係好失望，原本以為博物館係收藏了不同品種的貓頭鷹 (動物)，原來只係館主的私人貓頭鷹收藏品，加上館主又唔准影相，地點又難搵，其實都唔係好值得去....
回程時經過首爾第二美味屋，而我又未食lunch見有咁多人排隊我相信一定好好味，所以我又去排埋一份，點了最出名的紅豆粥，粥內有栗子、年糕、肉桂粉，唔係好甜，好綿滑的紅豆粥好好味呢~~
差唔多夠鐘要返酒店同朋友會合，走時唔打唔撞去左安國站附近條街，行下行下比我見到人人商場，好開心呢本來都想去呢個地方，不過唔知應該點去，但都比我去到之餘仲起呢度影埋張韓服相~~~
返到酒店休息了一會就再出動去食晚餐，是日的晚餐會去江南區食韓牛，可惜去到搵極都搵唔到間店，我地相信佢應該係結業，最後因為我好肚餓所以我去左本書介紹的另外一間餐廳食飯。
最後，臨返酒店時終於都下起雪來，係我入生第一次見到落雪.....

普信閣

景福宮

慶會樓

國立民俗博物館

舊火車

貓頭鷹博物館(부엉이 박물관)~參觀費₩5,000 (包一杯食品)

韓屋建築

首爾第二美味屋

韓式紅豆粥 ₩6,000

韓國地道小食~糖餅 (甜中間有甜的玉桂粉醬) ₩1,000

人人商場

2013年11月2日星期六

首次試跑

22/10 係渣打半碼接受報名的日子，其實好多年前已經想報名跑10km,但礙於之前比人反對，所以我咁多年都係得個唸字！

由今年開始我可以做返一d自己想做的事情，所以我決定左今年一定要報名，一向都喜歡挑戰自己極限及愛冒險的我，唸都無唸就決定左報半馬！！！當時只係唸有對腳一定可以跑畢整個路程。

之前有朋友話比我知，佢有一年報馬拉松個網死左，根據個web的指示佢過左一陣先至再上去報名，點知個年佢就報唔到名。收到呢個分享之後，我決定左報名個日就早少少起身準備，真係平時返工都無咁早，我六點九就起身，七點準時上網報名，點知個web 一開始接受報名已經死左，我個時好心急，但係我知道急都無用，隻手係咁起度禁refresh，禁左廿分鐘都無反應。當時我知道自己發晒癲係咁禁refresh 都無用，我唯有即時祈禱交托比天父，如果主係容許我參加的話求主開路 / 成就，但如果主認為我體能唔適合參加求主讓我有一個平安的心報唔到就報唔到。

祈禱完之後我按refresh 的步伐開始減慢，突然聖靈提醒我，唔係禁refresh，試下重新輸入個網址，感謝主我終於都入到去個web-site 仲已經排緊隊準備報名，大約排左100位，要等約五分鐘，但係我自己都唔相信我已經成功報左名，仲打電話問朋友係咪已經ok...

當我報完名之後同朋友講我今年會參加半馬，大家不約而同都係驚訝，認為我係無可能會跑到、太勇、等坐車送走......好多好多的負面聲音。

上個星期日我終於都買晒所有的跑步用品，本來唸住由今個星期一每晚放工之後開始練習，但係爸爸話夜晚條街無乜人有D危險，佢話不如星期六、日先至練啦反正距離比賽日仲有5個月，每個星期練都應該夠。

爸爸今日約左我同佢一齊去跑，佢話幫我搵左一條好好跑又有風景睇的路線，所以我今朝一早就起左身，同佢一齊行左去尖沙咀。平時真係無乜可能起放假的日子可以咁早起身，但係我感恩，因為我知係主為我預備，平時我自然瞓醒都已經係下午，聖經話我地係白晝之子，我終於都可以朝早起身而唔係下午，感謝主的改變我的生命！

你們都是光明之子、都是白晝之子、我們不是屬黑夜的、也不是屬幽暗的．所以我們不要睡覺、像別人一樣、總要儆醒謹守。因為睡了的人是在夜間睡．醉了的人是在夜間醉．但我們既然屬乎白晝、就應當謹守、把信和愛當作護心鏡遮胸．把得救的盼望當作頭盔戴上。(帖前5:5-9)

再者、你們曉得現今就是該趁早睡醒的時候、因為我們得救、現今比初信的時候更近了。黑夜已深、白晝將近．我們就當脫去暗昧的行為、帶上光明的兵器。行事為人要端正、好像行在白晝．不可荒宴醉酒．不可好色邪蕩．不可爭競嫉妒。總要披戴主耶穌基督、不要為肉體安排、去放縱私慾。(羅14:11-14)

平時起街見到好多人跑步，所以令我更加相信有對腳就可以跑到，最多只係會慢少少，唔會完成唔到的我......當我開始跑的時候真係晴天霹靂......

今日掛一號風球所以天色陰暗，7:40am 出門口行到去尖沙咀已經8:10am，平時都好少同屋企人傾計，今日因為要一齊去跑步本來一出門口已經塞住左對耳，但係爸爸都不斷起度同我講野，想唔回應佢都唔得。因為呢個活動多了相處的時間。

跑步開始的地方係一條斜路，跑左一陣已經要行 (因為無氣)，行幾步再跑，平時唔係好出汗的我汗已經滴下....終於都跑完條斜路，個刻辛苦到呢！！！

繼續我的跑途，實在係太辛苦，我終於明白唔係有對腳就可以跑到，當時知道能力有限所以祈禱希望主比力量我等我可以跑到9:00am。

祈完禱繼續跑下行下咁，時間好難過，跑到我想放棄，邪惡的意念又出嚟，反正都係比人地睇死跑唔到，放棄一了百了！我望住個天聖靈提醒我，係我自己高估左自己的能力--->自大，平時完全唔會做運動，過往連10km 都未跑過，一報就已經報左半馬，我即刻認罪，求主比力量我堅持到9:00am。

過左一陣見到一幅好美麗的景色，天色好陰暗但起厚厚的雲層比我見到一線的署光，個刻我放棄的念頭即時打消，既然天父為我開路比我有機會可以做一d 自己想做的事情為甚麼要放棄呢？！個刻我明白放棄只係撒旦的計謀....

再過多一陣見到有一隻鷹起海上空飛，我跑住望住隻鷹，我唸起馬太福音的經文，天上的飛鳥神都看顧更何況係我呢！

所以我告訴你們、不要為生命憂慮、喫甚麼、喝甚麼．為身體憂慮穿甚麼．生命不勝於飲食麼、身體不勝於衣裳麼。你們看那天上的飛鳥、也不種、也不收、也不積蓄在倉裏、你們的天父尚且養活他．你們不比飛鳥貴重得多麼。(太6:25-26)

時間"疑似"過得好快，我聽住收音機跑，當我聽到收音機播新聞時，心裏百般的喜樂，夠鐘收工，拎部電話出嚟唸住起fb 打完咭就走，見到個時間再一次晴天霹靂，吓只係8:30am仲未夠鐘，唯有堅持行又好跑又好我都係要堅持到9:00am，因為跑得太慢爸爸成日都要跑返轉頭睇下我去左邊，因為我知佢唔鐘意跑呢條路，所以我叫左佢自己跑返佢的路線，又唔駛成日返轉頭搵我，我又可以行下跑下...

終於都到過左9:00am抬頭望向天好美麗的畫面，神撥開了雲霧，我見到的再唔係一線署光而係一個太陽！神不單比力量堅持到9:00am，仲比我感受到無論任何竟況只要禱告主必垂聽。

之後再慢慢跑返屋企，返到屋企都9:45am，足足玩左兩個鐘。即刻去食一個超級豐富的早餐~滿足！！！

祈禱
親愛的天父上帝我多謝你、讚美你，主你比我朝早起來有生命氣息、身體可以行動、可以活著有衣、有食都係神恩典，我唔係好富有或者好健康，但都要數算神的恩典，求你使我地在睡夢中醒過來，行在上帝美好旨意裏面，叫我們一生一世歡呼、喜樂，因為我們知道我要行主的道，預備迎接榮耀君王的降臨，求聖靈在我心中做工，求你旨示我當行的路！amen！

2013年10月27日星期日

探訪老人院

自從讀書時做過義工之後已經好多年無再與呢類活動。

適逢教會有老人院探訪，好有感動去服待及祝福未信主的朋友。感謝主比呢個機會我參與，亦都感謝主讓我改變尋回昔日的我。

今次係我人生中第一次探訪老人院，我地去左教會附近的慈恩護老院。

上去老人院之前有一個負責今次活動的同工講解要注意的事項……講解完畢之後就上樓進行探訪。

第一步踏入老人院見到有一位老婆婆坐左起度感覺好似唔知點咁，個心有少少唔舒服。

生老病死乃人生必經的階段，只在乎自己有無琴惜及生命有無白過。主再一次比機會我去明白呢個道理。

一入到院舍就有一位好開朗的婆婆走埋嚟同我地傾計，或者係年紀大了行動不便，所以太多時間逗留起院舍，見到有人嚟探訪就好開心，不停咁同我地傾計。

這個老人院的公公婆婆都好熱情咁同我地傾計及玩遊戲。過程好順利亦都好開心。

起初報名時知道要為老人院公公婆婆祈禱時心情好忐忑，因為自己唔係好識得祈禱，雖然祈禱只係同天父爸爸傾計咁，但心裏都有擔憂，害怕自己講錯說話，影衰我的天父。

而我的恐懼只可以向我的天父傾心訴意，只有祂才知道我的擔憂，而我係奉天父的名去傳揚福音神必定會開路。

到了出席探訪當日，我祈禱的能力都好像沒有進步，所以唯有向姊妹請教該如何處理，好在得姊妹的提點，她說老人係求健康、喜樂，有了大方向咁就可以交比聖靈帶領。

數算神的恩典真好，因為我們的天父係又真又活的神，祂的意念比人高，無人能知天父的預備。今日我地分亨神的奇妙作為時有一位婆婆舉手叫我地比佢分亨佢的見證，婆婆由14那年經歷戰爭、患病時有位基督徒為她祈禱，她得醫治。我的天父真係好，不單止使用我們去傳揚福音，還藉著老人院的婆婆的見證祝福其他的人。

希望神將來比多d 機會我去服待，經過今次的探訪我的心靈好喜樂，願神繼續使用我作為祂的精兵，讓我可以同不同的人數算神的恩典！

2013年10月11日星期五

祝福

信仰對於我嚟講只係個人的事，因為每個人都可以有自己的信仰自由！朋友信唔信神對我嚟講好似無乜關係......

身邊有D朋友已經受浸 / 決志但並沒有參予教會生活，但我從來都唔覺得有甚麼問題，亦都沒有開口叫他們返教會 / 祈禱。

因為每個人都可以有自己的選擇，我自己相信但唔想迫人地要去跟從，一直都覺得如果我咁做就會變得太hard sale......

上個月有個朋友遇到感情的煩惱，而呢位朋友已經起外國受浸，但回港後並沒有參予教會生活，亦都無睇聖經及祈禱。當時我好有感動叫佢祈禱交托比主，因為人並唔知神所安排的道路，神的意念比人高。當時朋友回覆我，一定係主叫我提醒佢要多祈禱。當我見到佢咁回覆我，我個心又有一份莫名奇妙的開心。原來簡單的一句提醒係可以祝福到身邊的朋友......

過左兩個星期左右，呢位朋友又問我 "真心想問祈禱同睇聖經幫唔幫到妳遠離痛苦"，於是我即刻將我自己的經歷同佢share，仲好屬靈咁同佢分享聖經。凡勞苦擔重擔的人、可以到我這裏來、我就使你們得安息。(太11:28)

呢d 一切一切我知道唔係出於我的口，係出於神的旨意，唯有神才可以改變人的心思意念。今日我朋友又問我關於聖經的野，我真係好感恩，我只係做了少少的事情而可以令到我朋友再次親近主，天國我係有份的amen!!!

今日再次經歷到主的同再，月尾有個飯局，平時我係唔會主動起whatapp 開個group 出嚟約人，但係唔知點解我尋日就做左，其中一個朋友起個group 講模到自己個乳房有個腫瘤，今日睇完醫生驗出自己兩邊乳房都有好大，要等到下星期五出左報告先至知幾時可以入醫院。我當時好唔開心，心裏問神點解......好傷心！但其中一個朋友記得我係基督徒，佢叫我代禱，我當時好感動，我算得係乜，但係神會不斷提醒我去祝福身邊的朋友......

主啊！求你讓Doris 於等待報告的一個星期都有一個平安的心、爸爸求你拎走Doris 心中的擔憂、恐懼、傷心、唔明。求主的福都大大臨到Doris一家，讓她可以積極面對自己的病情、放鬆心情及可以大大的經歷主的信實。amen!!!!

2013年10月1日星期二

工作中的磨難

因為之前的經歷自己係唔鐘意負太大的責任，我一直都只係想做一個寂寂無名的小職員....

工作崗位上的整合，我由一個小職員開始要管理自己的團隊，性格上我好怕人經常地煩我，我下面班同事係d 咩類型的人？佢地會將同一個問題問我十次、每日自做開的工作，每日返工都可以問我一次點做！我最怕人煩我，奈何地我的團隊內的同事就係呢D 咁ge 人！

作為別人的上司，我的同事從來唔會尊重我、比指示佢地要完成的工作，從來都係唔服從指示。我根本唔在符佢地尊唔尊重我，我叫你做，你地唔做到最後都係你地自己受返。

經過呢兩年的時間，我的性格慢慢地都被磨練到好暴燥~~~

永遠都係意識到會被投訴的工作就同我報告叫我去頂，從來都唔會尊重我，個個都想博出位、博表現，無得我同意下就自己去接人地比佢的工作，老老實實你地接返嚟的工作，有咩事又係我受晒，每次都係自己接的工作做唔掂就同我求救，有時心裏無名火起~~~要博出位、博表現我自己都識，我由無須要由你地下面班人代我去做，更何況我自己都唔想背負太多的責任......

日子耐了我漸漸的明白到聖經的話語，無論見到任何的逆境都要喜樂！

在患難中、也是歡歡喜喜的．因為知道患難生忍耐．忍耐生老練．老練生盼望 (羅5:3-4)

在指望中要喜樂．在患難中要忍耐。禱告要恆切 (羅12:12)

近呢幾個月我漸漸地開始慢慢地學習，我要禁止我口說出一些唔造就別人的說話，所以每當我下屬做錯野，我都會選擇唔出聲，只係用post-it去溝通，但係人永遠都唔會覺得自己錯，永遠都只係將自己無限放大，睇都未睇自己錯乜就鬧左我先，平時的我鬧返佢十句啦，但我要學習神的榜樣，我選擇左好淡言咁同佢講你自己睇下先啦！

其實兩個月前我強烈同亞姐要求要換左最難啃的同事，佢當時答應我會唸下，但係今日開完會，佢依然都係繼續要under 我，當時晴天霹靂，心裏繼續問神為何要繼續磨難我？？

平時隔離team 做錯野，我亞姐又鬧我，其實又關我咩事呢，點解唔鬧當事人呢？慢慢地我又學習了忍耐.......

我自己係追求公平，起個幾用前我上面終於都請了一個senior，但係唔知點解工作上都係要我take 重要最大舊個part，對我超唔公平，點解個senior 可以做d 咁簡單的工作，而我就要take 最大舊最易出錯個part，個心真係百般的問號？

上星期主日講喜樂，無論處於任何的境況都要喜樂，因為神並沒有允許天常藍，但常與我同在！

但當我睇埋呢幾段的經文，我終於都明白，神有祂的美意......感謝主，我再無因為工作而埋怨，神禁止我口說出不造就人的說話，縱然同事會令到我好嬲怒，但我都忍耐......我要在我生命中去學習喜樂.......

你們落在百般試煉中、都要以為大喜樂．因為知道你們的信心經過試驗、就生忍耐。但忍耐也當成功、使你們成全完備、毫無缺欠。你們中間若有缺少智慧的、應當求那厚賜與眾人、也不斥責人的　神、主就必賜給他。(雅1:3-5)

2013年9月16日星期一

煩擾、嬲怒的心情得釋放

近這幾個月心情極度都唔開心，只係因為一個人，感情已經結束了，縱使我口裏及表面好像已經復原，但內心深深處我是沒有釋放！

這幾個月裏我不斷的發著同一個夢，夢裏令我好困擾、唔開心，一直以為自己已經原諒，透過姊妹的祈禱，我才仿然大誤，原來自己係一直的執著從來都無原諒佢對我的傷害.....就係咁我就越來越唔開心......

日子一日一日咁過，夢就一日一日咁發，欲哭無淚，眼淚往心裏流......

心裏有百般的嬲怒，不斷咁返教會但我的靈並沒有得釋放！心裏埋怨神為何於教會呢個大家庭都感受唔到愛，心裏默默的想著我自己可以選擇宗教信仰，反正得不到愛，倒不如離開這個大家庭！想著、想著同時睇著聖經！神的話說好奇妙，神告訴我是祂於母腹中已經揀選了我，並唔係我揀選祂......既然係神揀選，於是我馴服繼續行神的路，教會活動就繼續，但每次活動完我都會即刻閃，因為心裏的唔開心無法釋放！

約翰福音15：16
不是你們揀選了我、是我揀選了你們、並且分派你們去結果子、叫你們的果子常存．使你們奉我的名、無論向父求甚麼、他就賜給你們。

如事者我繼續獨自一個返教會，完了就自己走！直到有一晚返家聚，Jola今晚講ge 道真係好似神對我講說話，表面上好似所有都放下，原來自己從來都無放下，而且仲要拎得好實好實，唔願意放下，我一路聽一路想喊，神的話語一一道出我心靈上的傷害！家聚臨完結時家長有感動我地一起祈禱要放下自己拎住的重擔，我的眼淚終於都流下，聽完道好有感動，但係固執的我當然無法即時放下及講原諒，家聚完左之後我又係即刻走了，因為好想濠哭......落到樓下眼淚不受控制的流出，終於都將心裏的鬱結釋放！雖然哭了但心情並沒有因而變回開心......

路18:29-30

耶穌說、我實在告訴你們、人為　神的國、撇下房屋、或是妻子、弟兄、父母、兒女、沒有在今世不得百倍、在來世不得永生的。

到了參加教會祈禱班，神為我安排了輕散的工作，等我可以準時咁返到祈禱班，於祈禱班神一次又一次咁對我講，於講道期間有一個祈禱默想時間，我祈禱時聽到神同我講「你原諒他吧！」確確實實的聲音，我當時淚不斷不斷的流下，無論如何固執的我，終於開口講了我原諒，當我講完我原諒個刻個心好平安，因為我得釋放，因為我終於都可以放低我自己拎住唔肯放的感情！！！縱然心裏平安，但總係覺得仲有少少野於心裏未能完全釋放！心裏仲係有少少唔開心......

路6:6-8

你禱告的時候、要進你的內屋、關上門、禱告你在暗中的父、你父在暗中察看、必然報答你。你們禱告、不可像外邦人、用許多重複話．他們以為話多了必蒙垂聽。你們不可效法他們．因為你們沒有祈求以先、你們所需用的、你們的父早已知道了。

到了生日正日個日，我真正明白原來我仲係拎住左呢段無結果的感情仲未放下，或者係經歷太多，不能一下子的忘記罷！

又到祈禱班，今個星期比起上星期仲要早放工，神的安排真係超出我所想所唸！

聽著、聽著神的道理，雖然仲未領略到如何祈禱，但係今晚聖靈親自的帶領我為我自己祈禱！！！聖靈提醒我禱告時要拆毀一齊阻隔我同神關係的事，要拆毀一齊轄制我與神的關係的事情！！！經過今晚我終於將咁多年的感情放下，因為神所預備必定超出我所想所唸！我終於都感覺到我自己完完全全得釋放，經過今晚我終於都尋回自己的平安、喜樂！！

腓立比書4:6-7
應當一無掛慮，只要凡事藉著禱告祈求和感謝，將你們所要的告訴神，神所賜出人意外的平安，必在基督耶穌裡保守你們的心懷意念。

2013年6月2日星期日

DIY~聖經硬書皮

幾年前我第一次返教會的時候，有一位姊妹送了一本紅色仿皮聖經給我，當時仲未有好流行用電子版聖經，所以頭個一兩年我都係用呢本聖經領受神的話語！

日子耐了，我本聖經個外殼開始龜裂，書皮上的仿皮就開始慢慢的剝落，每當我一打開聖經的拉鏈個D紅色的物體就會整到我張書枱好污JO，漸漸地我就開始唔想再打開本聖經！

因為無左本聖經用，我以呢幾年我習慣左用電子版聖經，一來方便，二來任何時間任何地點都可以隨手用到真係好方便！但自知電子版聖經不及實體版適合我，因為我鐘意一路睇一路寫低D remarks，用電子版我唔會成日打開個apps 咁睇聖經，相反有實體版我每日都會隨心打開聖經睇一至二章！如事者都放底了查經呢樣野....

直至上星期有一位姊妹講見證時分享一段經文係路加福音，就係因為用電子版我禁唔切段經文嚟睇，所以我返到屋企第一間時就唸起拎本聖經出嚟應該可以易d 搵到段經文，唔拎佢出嚟由自可，一拎佢出嚟就把幾火，個d 一粒粒的紅色野，整到成枱都係，當我搵到個段經文睇完之後我想將本聖經丟左去，因為我自己係一個完美主義者，我真係接受吾到本聖經個殼變成咁，仲要每次拎佢出嚟都整到張枱好污jo....我已經決定左丟左呢本聖經買過本真皮外殼的聖經 (心唸真皮應該唔會有呢個問題)，之後就上網睇下邊度有我想要個d 聖經，點知我係搵極都搵唔到。憑血氣我決定丟左本聖經先至算！

當我拎住本聖經準備推開個垃圾筒丟佢落去的時候，個心有點兒不安，我係唔可以丟左神給我的話語.....呢本聖經陪伴住我好幾年，當中有好多的經文同註釋我寫左起聖經入面，實在係唔捨得丟左去....

如是者我又將佢放返起書架上，但係望住佢又唔順眼，來來回回我重覆左丟呢個動作都好幾次！丟左去又唔係，突然間收到一個神比我的message，本聖經本身無爛，只係個殼點解唔換左個殼去就算呢？心唸點換呀？自問art 方面並沒有半點的天份，當時心唸好啦搣爛左佢仲唔係一個好好的籍口丟左去...

神提示我幾年前公司annual dinner 送左一個上海灘~leather passport holder，於是我又搵返佢出嚟，度下個size 又好fit 喎，加上佢又係紅色同我原來本聖經係同一個顏色！

起我拆佢出嚟的時候，我好小心咁整，點知真係搣爛左，個心一笑！一個好好的藉口，爛了唔完美可以丟左去啦。當時我決定成本聖經拆散左去先再算，好容易就將成本聖經同個外殼分開了。將本聖經套左落去個Passport holder 個size 真係好fit，當時覺得主的安排真係好細心，亦好感恩！

因為搣爛左少少，本聖經的盛托力又唔係好夠，加上完美主義的關係，個心總係覺得有點兒缺乏....現在本聖經又唔值得丟左去，奇妙的事程又發生，神又再次比message 我，叫我用一d 厚咭子做一個厚書皮比返本聖經，於是我就打我d 舊雜誌主意！一拎本雜誌出嚟就已經搵到一d 有用的材料，我見到我公司呢個廣告真係好啱用！粉藍色的底色加上佢個品牌名可以比我摺到佢起個書脊上，實在係太感動啦！

二話不說開始度位製作，因為咭子只係得一張，整時其實係唸錯左，我度位時預漏左包邊的位，到將張咭子cut 到所餘無幾時，神又提醒我，你咁整就做唔到一個好的效果，但係張咭紙都cut 到無幾多剩，但係我又感恩起我想再cut 多一下時候神已經提醒了我，我再移一移位，上下包邊個位岩岩我上下各有5-6mm，呢5-6mm 真係預得好好，再少d d 都未必做到我想要個效果，因為預個位實在係太少少，真係有d 難整！！！整的途中想放棄，想搵過另外一張咭紙，搵晒所有的雜誌出嚟都再搵唔到我一張好似現在呢張淨色咁，所以又再試下整，最後終於都大功告成啦！

換上一個粉藍色的外殼真係煥然一新，就算唔用原先個個passport holder套住本聖經都係咁靚，整好之後我又再次可以每日都查經，感覺同神的距離又拉近了，感謝主奇妙作為！少少的經歷令我有無限的令受。每一件物件都係神早已預備，遠至兩年幾前，已經一一為今天準備好！！！

在人是不能、在神卻不然，因為神凡事都能。 (路10:27)

原來本聖經已經變成咁

經包裝後已經煥然一新

呢個leather passport holder 將會成為我本聖經的外殼

passport holder 內頁

套埋本聖經入去，個位係岩岩好...

2013年3月8日星期五

Day 2~Bangkok, Floating Market, Divana

酒店職員Nick推介我地包的士 (包的士1,500baht，本來nick 同我地講係1,100baht，點知最後話1,500baht) 去泰國的旅遊景點，我地揀左去floating maketing，本來Nick建議我地7點出發，但係實在係太早，本來我地唸住唔去，最後nick幫我地改左9:30am，所以我地先至決定去，其實越早去越好，因為個水上市場係好早開，越早去越熱鬧！我地食完早餐已經接近10:00am，Nick 一早已經起酒店度等我地啦！由酒店出發去到floating market 已經11:40am。

Floating market 位於Damnoen Saduak，用傳統的小船載著遊客於水上市場遊覽，門票 2,000 baht (including floating market & elephant riding)，水上市場市要售賣紀念品、小食、蔬果等......

遊覽完水上市場及騎大象已經2點幾，我地起floating maketing 出面間食店食午膳，無論起泰國任何地方，食乜都係咁好味，呢間食店每款食物都係100 baht，但份量就唔係咁多，如果男士食就要order 兩碟！我地order 左4碟share 嚟食！每款食物的賣相都係靚好好味！

食完野之前我地就搭返的士去市區，今日都唔算十分塞車，所以好快就去到，我地揀左去一間較貴的SPA~DIVANA，呢個treatment包埋一份小食，雖然係小食但係都好飽肚，我地覺得呢個treatement 個次序係調轉晒，佢係做左身體護理先，之後係頭部滴油，最後先至係洗面落妝。

今日揀左Ayurvedic Rose Glamour，全程大約5個鐘，療程就270 mins / 7,150 THB，我地係出發前預約，本來我地係想下午做SPA，但係DIVANA FULL 左所以被逼要選擇時段，如果大家對呢間SPA有興趣記得早少少預約。做完SPA我地預約的的士司機Mr. Joy亦已經起門口等我們，Mr Joy 係一位好細心的司機，下次再去泰國一定要Book o返佢！

做完spa 之後發生了一個小插曲，我同迪迪一間房，佢起身去左沖涼，當時divana的職員出左去門口外等我們，而我起身後企左起個缸邊，之後我感覺到有少少不適，當時心想只係呼求主，救主保守，不經不覺間原來我已經暈左，經迪迪口中得知，佢沖涼途中職員入返嚟，見到我暈倒上，職員係咁叫我，嚇到佢沖緊涼都走左出嚟，佢只係見我打橫咁瞓左起地上，叫極都叫唔醒我，佢地本來係唸住送我入醫院，但同時間我亦開始有返知覺，開始慢慢咁醒來，甦醒時只聽到職員問我Miss are you ok? 醒返之後我唔係好舒服，好想嘔，職員扶左我入洗手間我將之前食個d食物全部嘔返晒出嚟，之後成個人舒服晒！起暈左之前至我醒返呢段時間我係完全失去左呢段時間的記憶！我醒返之後迪迪係咁問我有無撞親d牙，其實暈左跌落地下唔係應該關心有無撞親個頭，反而佢係關注我有無撞到d牙？無法啦因為佢太注重儀表！佢問左我幾次先至醒起問返我有無撞親個頭，我答佢無呀，之後佢又同我講，真係唔係好明點解我會打橫咁瞓左起地下，佢話點唸都唔明，佢仲唸左好多個角度，話我無可以會咁樣瞓左起個地下度，佢不斷叫我記下究道發生了甚麼事！感謝主的保守，起我暈的時候我無跌返入個缸入面而比水浸親/浸死，而暈倒跌落地下又無撞親個頭，感謝主的保守讓我絲毫無損且平安！其實朋友有叫我去醫院check 下有無撞到個頭，但我心知主必保守，我係完全無撞親，所以我係無去過醫院檢查！現在還健健康康咁回來！