Maybelline Baby Skin SPF35 / PA++

Maybelline Baby Skin SPF35 / PA++出左已經有一年多，岩岩出個時佢只係屈臣氏獨買的，機於我唔係咁鐘於幫襯屈臣氏，所以一直都未有買嚟用。

直到起萬寧有得買我先型以試Maybelline Baby Skin SPF35 / PA++，價售係$89/30ml，可以於萬寧紫點產品75折時購買會平好多！

Maybelline 係開加品牌，佢的產品價錢好大眾化，不過平都有原因，因為佢的產地係中國，好多人到產品的產地都在意，但係對於我嚟講並唔係咁重要，只要好用理佢邊度出產，加上所有護膚、化妝品咪又係一條化學程式製造出來，如果擔心所有的化妝品及護膚品都唔應該用！更何況Maybelline 有一定的知名道，所以沒有甚麼值得擔心呢！

進入冬天自己我自己就開始唔用粉底，因為自己皮膚比較乾，唔想起咁乾的天氣搞到自己好似個粉人咁。所以近幾個月都只會搽有防曬的base在加碎粉，這樣同事可以減少皮膚的負擔，亦都可以節省返工前出門口的化妝時間。

Maybelline Baby Skin SPF35 / PA++本身係沒有顏色，有少少珠光色能增加皮膚的光澤感，保濕度高及防曬度又夠高，只不過如果唔搽粉底，而個base 又未能做到遮瑕的效果，所以一定要皮膚好好的人先至可以直接用不搽粉底！

平價產品中的好物，超值得回購！

Maquillage Prefect Multi Base B B

BB cream 成為近年好熱門的化妝用品。

今次用左Maquillage Prefect Multi Base B B佢本身係有顏色，質地透薄，但顏色偏白，唔係幾適合我的膚色。

單用遮瑕度當然不及市面上的B B cream，而且好易溶，保濕度係完全唔夠，但用後皮膚有光澤感。回購指數係0。

RMK make up base

自從上完化妝堂之後我就再始再用返RMK，真係估唔到RMK 個base 係可以用得咁快30ml 大概兩個半月就可以KO 左佢，平時我用一瓶base 點都用到5個月，現在使用速度買左一倍，好在個base 唔係十分之貴，如果唔係真係十分肉痛，今日買滿$600 可以送三件sample貪小便宜旳我當然唔放過呢個機會，今日買左兩瓶base 合共$640，咁就可以送左三件護膚品，心靈上叫做平返少少，抵左d 啦！我要等聖誕的時候先至大手入貨，因為聖誕有好多set 都會比較抵用！

RMK Make Up Base

因為RMK Make Up Base 實在係太好用，所以回購左，有幾好用實在係唔多講啦！

如果大家都係乾性皮膚，必定要試呢個base！價錢又唔係貴$320/30ml，真係抵用絕對值得試！！！

Embryolisse Lait creme concentré

今年我的皮膚真係乾到日日都甩皮，只要係之前一晚敷個個水份mask唔夠潤或者係無敷mask 第二朝就大獲啦，因為咁樣我個粉就會唔貼或者浮粉。

新來上網用到有好多雜誌介紹Embryolisse Lait creme concentré，話呢支野係可以當base 用，而於我個堆護膚品內亦有呢支寶，所以我拎嚟試下係咪真係咁好用？

我呢塊乾到震的皮用佢嚟上妝效果真係好好，仲使之前個日用的面膜唔夠潤，用佢嚟上妝真係可以令到個妝更加貼，甩皮情況可以受控！保濕度高，而Embryolisse Lait creme concentré佢有兩隻，大部份起香港可以買到呢係我相中呢支，但係佢仲有一隻係專門比缺水皮膚用的，用晒呢支我會買返專門比專性皮膚用的那支！

咁大支用佢嚟當base 用真係好抵，價錢又唔係十分貴都係百幾蚊抵用！Embryolisse Lait creme concentré真係好岩我塊荒裂的肌膚！

Shiseido Revital Treatment Pre-makeup Lotion

無論護膚品/化妝品我追求的只係要保濕，呢個要求其實係咪好簡單呢，但係我要求的係極保濕，並非一般皮毛的保濕，試嚟試去，用左咁多唔同品牌的base，暫時只係得Maquillage Moisture Base UV先至係我最滿意，佢個保濕度真係好好，如果要我再搵一個品牌好得過佢，我唸我以後都只會買呢個牌子的base！

見Maquillage Moisture Base UV保濕度咁高，非常之適合我的皮膚，本來係想回購，但又心思思想試下其他產品，去到shiseido問個ba 仲有無邊隻base個保濕度會再高少少，個ba 介紹左我用Revital Treatment Pre-makeup Lotion，佢話呢條line 會比maquillage 個保濕度再高少少，就咁我就買左呢樽野嚟試下啦，售價係$305/40ml，佢比maquillage 係平少少。

呢個base 係好liquid 好稀，好易推開及被皮膚吸收，我覺得如果用Revital Treatment Pre-makeup Lotion & Maquillage Moisture Base UV 兩個做比較，我自己都係覺得Maquillage Moisture Base UV個保濕度係會比較高，而Revital Treatment Pre-makeup Lotion 佢個保濕度都算高，只係我皮膚太乾所以覺得佢唔係好夠囉！

如果要我再揀我都係會買返Maquillage Moisture Base UV，佢真係同我的皮膚好夾...

RMK Make Up Base

個base 終於都用晒啦，又可以試下其他品牌，一直都好想試RMK，但係次次都因為某些原因買左其他品牌，今次我特登走左去sogo買左個base & foundation。

RMK make up base $320，相對其他品牌RMK 係貴左少少，見咁多人話RMK好用，我真係未試過就好似對唔住自己。

起counter 試上手感覺好水潤，好快吸收，質地係好水狀，搽完之後塊面好保濕，令到個妝容更加貼服，夏天用都好正，起碼塊面唔會太早泛油令到個妝浮。

唔怪得知咁多人推薦這個品牌，值得回購！

Sofina Primavista Moisture Coat Base

由於我的皮膚屬於乾性，所以我用的所有產品都會著重是否保濕，因為保濕度唔夠我個妝會浮，今次買左Sofina Primavista Moisture Coat Base價錢$260 (25g)，，上網見到都好多人話佢好保濕，加上之前用過Sofina的粉底幾好用，所以又買回來試下，試下岩唔岩自已的皮膚，原來尋尋覓覓最保濕的都係Maquillage Moisture Base UV都好用。

Sofina Primavista Moisture Coat Base唔及得上Maquillage Moisture Base UV咁保濕，夏天用佢都幾好，冬天我自己就就須要用Maquillage Moisture Base UV。

Chanel Age-Defying Radiance Moisturizing Base SPF20/PA++

襯住冬天，又係時候換左個base 啦，今次終於都可以買到Chanel Age-Defying Radiance Moisturizing Base SPF20/PA++，次次去chanel 都要久等，都唔明chanel 係咪係巴閉，d sales 多數都唔招呼客人，就算我地度自己睇野佢地d sales 無野做佢地都唔會招呼客人囉！一個咁巴閉的品牌真係咪駛旨意我會再惠顧！

chanel 這個base 質地比較杰身較難推開，但都幾滋潤，個base 本身係白色，如果重手得濟會令到個妝太白，我自己就唔係咁接受佢咁白...再加上sales 的待客態度真係可一不可再...

Maquillage Styling Keep Base

之前用過Maquillage Moisture Base UV覺得好保濕好好用，本來想再買多一樽來用

但係又好以太悶，見都已經係夏天，覺得未必須要用d 咁潤ge base

所以今次試用Maquillage Styling Keep Base $300 ~30ml，SPF24 PA++

佢個質地好爽，無色，搽上面有d令

Styling Keep Base 個質地比起 Maquillage Moisture Base UV乾了少少&無咁好推
我皮膚咁乾用這個base 暫時尚可

如果遲些天氣乾燥要用返Maquillage Moisture Base UV，這個會比較適合我...

Maquillage Moisture Base UV

終於都買左Maquillage Moisture Base UV

之前買base 成日都唔記得問個ba 個base 有無防晒

今次終於都記得啦！Maquillage 個base 係SPF23 PA++

但係好奇怪只係個包裝有寫SPF23 PA++

而個樽個無寫有防晒,於是就問個BA 為何樽上沒有列明防晒度數

BA 答我係要符合歐盟標準,所以只會於包裝盒上印有防晒度數

呢個BASE 的保濕度很高,而且長時間保濕

用左佢之後令個妝容更加貼服,而且價錢合理只係$260(30ml)

如果與laura mercier foundation primer hydrating比較, 個人覺得Maquillage Moisture Base UV保濕度及持久度較好

laura mercier foundation primer hydrating

市面上有多種妝前打底霜，如何挑選？如何使用？有色打底霜及無色打底霜有何分別？ 

無色打底霜的功效：

1.可以阻隔化妝品，保護皮膚減少傷害

2.令粉底更貼服

3.有色妝前底霜更可均勻膚色，使皮膚更明亮

4.修飾遮蓋毛孔
5.保濕防晒

有色打底霜的用途：
黃色：使皮膚更透亮，黑眼圈不太明顯
藍色︰改善偏黑皮膚，增加皮膚的透明感和更白淨
綠色︰可中和面部偏紅膚色及有暗瘡痘痕皮膚
粉紅色︰會令膚色紅潤，改善面色蒼白
肉色︰平衡及均勻膚色
紫色︰適合膚色徧黃暗沉的人使用，使更明亮剔透
白色︰令膚色增加白些效果，更有光澤
laura mercier foundation primer hydrating 好抵用$280-50ml，其實我只要求產品保濕成份高，無辦法啦我皮膚決水，如果滋潤度不足會唔上粉，到時就成個粉人咁，好醜怪家！
用後感：保濕度很好，這是一個無色的base，用後皮膚較為光，而且令粉底很貼。這個產品本身係無防曬功效。記住用前先搽防晒！

IPSA Pore Clear Base

IPSA 這個牌子都係我第一次用，之前睇雜誌見到出了一隻新的粉底已經好想買回來試用，奈何尚有存貨，所以暫且擱置。之後就買了同一系列出的其中一樣產品，中文名係毛孔淨化修飾霜，用於base之後、粉底之前。其實我自己無乜毛孔，只係見佢話可以控油，因為買之前上網睇過見到有好多人讚好用，所以才想買來一試。

包裝好像是一支唇膏咁，其實這枝毛孔修飾霜都幾貴 $240 (4g)，我用左兩個星期已經用了後多。不過用完之後我都唔會再買。因為唔係咁適合我用。
用後感：膏狀的設計方便使用，塗抹於易出油的T字位及毛孔粗大的地方用手指推開。質感好滑，能即時修飾毛，而凹凸的瑕疵都被填平。但控油效果並非十分理想。因現在使用的粉底是不防油，所以個妝會下午開始溶掉，而用了這個產品亦沒有明顯改善。(可能是膚質不同所引致的問題)
P.S. 今次去購物順便join 埋做會員 (免費) 送左一次修眉 (價值$150)，另外三個月內再到ipsa 購物可以獲贈水凝按摩霜 (10片裝) 乙份。之後再於三個月內再到ipsa 購物可以獲贈護膚服務。