芋蝦

一直都知過年食品其中一樣係芋蝦，但係我從來都未食過，亦都係從來都無人買過比我食，幾年前我已經想買來試下，但係望下個價錢真係好貴，我唔捨得食所以我每年農曆新年前我都會去望梅止渴。

由大半年開始，我個人改變左，我會起我有能力的情況下做晒我想做想食的東西，故此今年大破慳囊，花費了$85起陸金記買了一包8個的芋蝦！其實我自己對芋蝦沒有甚麼認識，連哪一間店的芋蝦會比較出名我都不知道，上次去陸金記買瓜子，見到陸金記都有得買，所以順便買埋！

後來買完我先知道，原來芋蝦係分粗&幼兩種。而我今次買到的是幼芋蝦。我見么鳳都有得買，而粗芋蝦亦會較貴！
今日我終於都忍唔住開左包芋蝦來試試，究竟係咩味道！食完之後其實係有D 失望，可能我對個價錢抱有好大的期望，一啖咬下原來只係有一個圓型球體的炸芋頭絲。我自己就覺得無乜野特別，亦都唔再值得再花$85再買來吃。今次試過知道係D 乜已經足夠！