Divana kiss me pink grapefruit lip balm

上年去泰國時買左個lip balm，又係時候試用了。

呢年lip balm 真係好潤，又唔會好張、好笠，我自己會厚厚敷一層才睡覺，第二朝起身個咀仔變得好滋潤，唇紋、乾紋又少了很好用的一個產品，可惜香港買唔到。

Alba Botanica Mineral TerraTints Lip Balm SPF15

一直都好注重臉部的防曬，而唇部的防曬往往都被人忽略，因為市面上很難才找到唇部的防曬產品。

好耐之前起iherb 已經搵到Alba Botanica有唇部防曬的有色潤唇膏，不過當時無貨，其實唔知點解iherb的產品好多時都無貨，等得呢隻有貨，第二款產品又無貨，所以我都費是再等，買到與否都有一切隨緣！

早排終於都有緣買到了！於是即刻開左佢嚟用啦......

開蓋後見到潤唇膏的顏色好靚，係淡淡的珊瑚色，搽上咀係淡淡淡的粉紅色，滋潤度不能要求太高，現時用岩岩好，如果夏天用滋潤度一定足夠有餘！

不過我都係想要一支有色的防曬的潤唇膏，正合我的心意，而且滋潤度都滿意，用晒之後我都會再回購！

如果大家有興趣可以起以下的網址訂購：

http://www.iherb.com/alba-botanica-mineral-terratints-lip-balm-bloom-spf-15-15-oz-4-2-g/4527?rcode=tgd808

Sierra Bees Lip Balm

潤唇膏我自己一向都好少用，所以都唔係好知有無牌子值得試。

今次介紹呢支潤唇膏係之前起iherb 訂野時買的超平只係USD0.5。咁平咪買佢返嚟試下，一試已經愛上！已經用第二支了，依然不離不棄，會繼續回購。

Sierra Bees Lip Balm 潤唇膏是有機並含有維他命E及成份天然，搽一次大概可以keep 到約4小時的滋潤度，咀仔變動豐潤亮澤。

大家可以用呢個coupon code :TGD808，新客戶第一次於iherb購物可以有USD5優惠，如果購物滿USD40可以享有USD10優惠。

 

Amiz-Natural Neroli Lip Balm

呢瓶lip balm 係我睇左gi gi 個blog 之後好想買的一個產品，不過amiz 個網係無得訂，多得gi gi 的幫忙，佢真係好好又幫我打電話去amiz 度訂，仲要一訂完就通知我，不過我返工太忙，有一日特登早少少放工去amiz 度拎，點知又摸門釘，好在最後趕得切起年三十晚個日去amiz 個度拎埋這個產品。

初時打開個蓋自看看產品個樣，心唸個樣咁硬點睇都唔會潤得去邊，但係用隻手指拎來用時，真係好驚喜，完來對眼看到的感覺，同個產品的質地差天共地，手感係軟膏狀，用手指轉個圈拎來用見到係好油，再搽上個嘴度，好似搽左一陣油上咀，而這陣油係完全無侷促或者油膩的感覺，真係好鐘意這個lip blam，天份天然搽完之後個咀好潤，而且價錢又唔係好貴只係百多元就可以買到，這個產品必定成了我日後經常使用的產品！

Amiz~lip product

今日終於都有時間可以去 Amiz 度拎之前gi gi 幫我訂的lip balm，lip balm + 唇部磨砂 $396。Elaine真係好好人，佢送左三款花茶比我試。仲同我暢談時下都市人的遇到的壓力，如何於這個煩囂的都市中，御下自己的壓力。講講下我都發現自己平時都有一定的壓力而影響到我的生理狀態。

無論如何多謝elaine 送給我的花荼，真係好好飲，下次會再去買。

三款花荼分別係：有機芙蓉花茶、有機薰衣草花茶、天然排毒牛蒡茶

evie~Plumping Lip Therapy Night

因為近來個嘴唇好乾，搽乜都好似無乜效果，所以我不斷起度試新產品，睇下有乜野會係比較滋潤的唇部護理產品，已經試過好多不同的品牌，但係我自己暫時都係覺得evie~Plumping Lip Therapy Night會比較滋潤，加上佢成份天然，打開個蓋會發現蓋邊有一層油，相信個產品內的香薰油，之前早幾日天氣比較凍，所以產品凝固了，但當我搽了這個產品於嘴唇後，產品經過唇部的熱力慢慢溶化，唇部很快就會比一陣油份包圍住，但又唔會係好洇，感覺好舒服！

evie~Plumping Lip Therapy Night只有一種味道就係Vanilla & Lavender & patchouli，我當初見到 Vanilla 這個味道都猶疑了一陣，因為我好抗佢 Vanilla 的味道，不過抱住一試無防的心態就買左，第一次搽上咀真係有一陣好濃的vanilla 味，用多了幾天已經適應了這個味道之餘，仲開始感覺到Vanilla & Lavender 的味道混合後原來個氣味係好清新及好易接受。

於濕度五十幾至六十幾的這幾晚我都係靠佢安然渡過，總算係搵到一個產品可以令我我個咀唇再唔會乾到龜裂...

價錢方面$135/10g，現已於HARVEY NICHOLS Beyond Beauty The Landmark 設有專櫃，非常之方便我lunch time 時行過去買。

由買的日期開始計都叫做有一年時間比我用完佢。

effusais ~ lip essence (color)

之前見雜誌經常介紹effusais ~ lip essence 話佢好好用，於是我就用左我張DBS的credit card 的cash dollors 去換，所以這枝lip essence 係免費。價錢係'$125/10g 唔算十分貴，仲要有SPF18 PA++，好岩朝早上街時用，因為平時都忽略了唇部的防曬護理。

加上近來天氣非常之乾燥，我個咀唇乾到D 死皮浮現晒出嚟，搞到我潤唇膏不離手，試來試去都未搵到一隻係比較適合我自己於冬天時使用，這個lip esence 有少少顏色，滋潤及保濕度都好好，又唔會太笠，平平地都幾抵用！

淡淡的粉紅色，塗於嘴上亦唔會太誇

the lip scrub by sara happ~Brown Sugar

面部及身體的磨砂就用得多，而唇部的磨砂我真係第一次用咋，其實真係好少品牌有唇部磨砂這個產品，平時個咀都要搽好多野，理應都積聚了一定的死皮，而我近來唇部成日都有厚厚的死皮積聚，真的十份影響儀容，有見及此我就四出搜尋一些唇部護理產品，無意中發現於joyce beauty有售the lip scrub by sara happ，所以買回來試試，其實這個產品都有幾個味道，由於朱古力無貨，所以揀無可揀的情況下我選擇了Brown Sugar。

一打開個盒隔著包裝已經聞到一陣好香的糖味，嘩！搽上個咀到真係愛佢愛到不得了，好甜呀，真係想一啖食左佢。佢的磨砂粒全部都係由啡糖組成，用的份量唔須要太多就可以磨渾全咀，用時耐心的按摩唇部，慢慢地就可以將唇部的死皮帶走了！用完這個產品個咀唇即時變得滋潤。

雪花秀-藝瑞凝潤唇膏

好少聽人介紹雪花秀-藝瑞凝潤唇膏，大家都知道我乜都鐘意試下，所以我就買左佢返嚟試下，這個品牌的產品真係好貴，你問我好唔好用我會答你好用，但係又未至於可以值咁貴。如果要用這個價錢我相信會有更多的品牌會比這個更加好。

雪花秀-藝瑞凝潤唇膏個質地好似lip gloss 咁，搽左會有lip gloss 的效果，沒有任何的顏色是透明的。

Vaseline - Lip Therapy With Rose and Almond Oil

今次買左萬寧獨家發售Vaseline - Lip Therapy with Rose and Almond Oil (玫瑰深層滋潤護唇霜) $25.9 - 20g 好大盒家，相信用成年都未必用得完！ 

之前見龍城都有得買，但係自己又好少搽嘴所以無買到

但近排成日都見個嘴爆拆流血，夏天都咁樣想唔理佢都唔得啦

經過一段時間的努力已經買左好多唔同牌子的產品來用

講返Vaseline-Lip Therapy 打開個盒已經聞到淡淡的玫瑰花香，紅色的唇霜

但抹上咀上顏色並不像盒上的顏色那麼深

這個唇霜的滋潤度比起carmex 好，計起上來仲平d
買一盒回來真係用成年都用唔完

Carmex strawberry flavored lip balm - SPF15

之前睇雜誌介紹過carmex 的潤唇膏，是美國藥劑師no.1推薦使用

見佢又唔貴便買來一試，共有四隻味包括原味、士多啤梨、薄荷、櫻桃

最後我選了一隻有防晒成份SPF15 的士多啤梨味潤唇膏

因為平時只著重面部的防晒，原來有很多的地方都忽略了

而且很小有唇部的產品會包含防晒成份...

CARMEX潤唇膏具有多種滋潤成分，能有效治療乾燥、脫皮、龜裂、凍傷等唇部問題，具修護及深層滋潤功效，修復唇部，使雙唇重現水嫩亮澤，持續使用可減淡唇紋。

成份	功效
Octinoxate 6.4%	紫外線吸收劑，為防曬成份，目前全世界被廣為採用的化學防曬成份。衛生署限量10%
Oxybenzone 5.4%	防曬成份，化學性紫外線吸收劑，衛生署限量6%
Petroleum 凡士林	油性柔潤成份能防止水分蒸發
Lanolin 羊毛脂	滋潤
Meadowfoam Seed Oil 白芒花籽油	長效柔軟、保濕及滋潤
Camphor 樟腦	香料
Phenol 酚類	殺菌劑、防腐劑，具有制菌、脫皮、乾燥之特性
Menthol 薄荷腦	香料、增加清涼感

用後感：第一次搽的時候有一種很涼快的感覺，心想應該是有薄荷成份，要不然沒有這種感覺。這個潤唇膏絕對是抵用，滋潤度很足夠，唔會太lup，而且加入了士多啤梨味，甚為討好。

p.s. 張相起carmex網站download與港版張貼紙有少少唔同...