眾所周知我係一位無眉娘，而畫眉的產品來來去去都係眉粉、眉筆、眉GEL，可謂沒有新意。
而我畫眉都已經有十多年，由開始亂咁畫，畫出嚟經常比朋友笑似王小虎，到今時今日已經經易掌握到自己的眉型、眉峰的位置了。而今日我畫出來的眉型連化妝大師都話已經係好靚，真係飲得杯落。
某日行過萬寧見到Maybelline出了一支畫眉蠟筆，畫上手好順滑，見到呢款新產品真係忍唔住要買囉。
Maybelline的產品價錢好相宜，呢支蠟筆售價$69，同樣地產品是中國製造，國內造我又唔係咁介意，所以一於買佢呢試下。
畫上眉與於手上試的感覺相差好遠，蠟筆好順滑、好出色，但由於蠟筆的筆頭比較粗，較難細緻地描繪眉型。蠟筆的優點是比較防溶，但整體覺得用嚟畫眉，較難控制畫出來的眉型。我自己還是比較喜歡用眉粉來畫眉。
