原味家作

是日午餐係原味家作~瑤柱香茹肉碎糙米飯+瑤柱猴頭茹無花果煲雞湯，自從轉左工之後都好少機會飲到鴻福堂的湯，因為我好少會搭MTR，所以偶爾先至可以買到湯飲。

近來日日為我的午餐張羅，比我無意中見到起士丹利街有一間叫原味家作的食店，佢個經營模式有D似鴻福堂，不過呢個世界都係互相抄襲，只要有利可圖，大部份的商家都會用模仿的方法去經營！尤記得想當年係健康工房開始售賣湯品，後來先至有鴻福堂轉型，真係不得不讚賞鴻福堂的經營策略~藍海策略 (Blue Ocean Strategy)！及市場的定位，利用商機充份發揮及提升品牌的形象！

姑勿論邊個抄襲邊個，我自己只係想食一個健康D的午餐及飲一杯滋潤的湯水，原味家作真的能滿足我這兩個要求！

原來家作標榜原味湯、無添加、無味精、無雞粉。就咁睇都好似好健康，今日一入到這間食店，個感覺就係好似一所快餐店，order 完好快就可以拎走，當然可以選擇堂食，但係中環的租金偏高，所以店子比較狹少、坐位亦少、餐桌亦都細過人，坐都坐得唔舒服。

第一眼望個餐牌得覺得它們的糙米飯很時別，飯係用湯煲成的，見到這個咁等別的飯，我當然第一時間order啦！湯的選擇都有好多，不同的湯水售價亦有所不同，只要揀選一個湯，再加$12 就可以自由配搭佢地d 飯。
雖然我未食過原味家作，但係都比個sales 游說左我入會做會員，只要比$300買張儲值咭就可以即時享有95折及額外送一個$55的20oz 大湯，計落都幾抵！所以唸都無唸就入左會。

買完個飯盒返到公司一拎出來，真的很驚喜，個飯盒配以一格仔椰菜，看似比較健康，很符合我這個不太喜歡肉類的朋友仔。再食埋個飯，真係一絕！個飯係用湯煲出來，所以飯本身已經有味，再配埋好多的肉碎、冬茹及瑤柱食落好香口，成個飯盒都係無乜油，我唸原味家作將會成為我的長期飯盒供應商！

至於個湯就有12oz都幾大杯，但係食完飯咁飽要飲咁大杯湯~好飽！個湯好明顯係一個老火湯，湯好濃，相比起鴻福堂的湯，原味家作的湯水味道會比較濃偏鹹！個缺點係隔油隔得唔係幾好...