薏仁化妝水

I-mju Hatomugi Skin Conditioner 薏仁化妝水近期比較多人討論的化妝水，心私私又想買嚟試下，自從知道用化妝水敷面可以當作mask後，家中的化妝水都用得比以往快左好多。

 

薏仁化妝水可以於莎莎、萬寧等地方買到，某日行過萬寧見到門口放了一大棟薏仁化妝水，正合我心意，買返一支返屋企試下，售價大眾化$59/500ml 。

 

買完先至知薏仁化妝水的成份係有酒精，酒精係會刺激皮膚，我自己就唔係咁鐘意這個成份，但都買了所以點都要用晒去。

 

試用了幾星期，我自己的感覺係無乜作為，用左好似無用過咁，又唔好似網上咁多用家咁大讚，雖然好大支，但係又唔保濕，雖然平但又如何呢! 中伏，永不重購這個產品。

川菜~巴蜀風

眾所周知我係一個無辣不歡的人，已經有一段時間無食過川菜了！

今日同屋企人一齊北上吃辣。

今日去左羅湖區的巴蜀風，起老街站出約行10分鐘便到達餐廳。

雖然巴蜀風都唔算得上好辣，但勝在好食，6個餸加兩個麵都係RMB432，好抵食啊！

國內的電子平台發展得好好，可以即時團購電金券再電子驗證，咁今餐飯又可以平左RMB60。

巴蜀風杯菜真係好好飲味又香又甜，有甘草、菊花、杞子、茉莉花、紅棗。

今日點完菜之後，店員送左個壽包給我們……個壽包個樣圓碌碌咁，同香港食開個d好唔同，個餡係紅豆。

畫眉三寶

以下是我的畫眉三寶，每款都用過兩件以上，超抵用，又好用，所以用左幾年都無轉過。

畫眉三寶包括包括：

1) Kate 眉粉 (EX-5) $76

2) Kate 眉gel  (LB-2) $58

3) Fraiche Auto Eyebrow #24 Brown $20

Calcium 鈣片

隨著年齡增加骨質開始流失，一直都想買鈣片食，但又唔知買邊隻好，今日成身都抽筋，去睇醫生佢話我可能係唔夠鈣，叫我買樽鈣片食，佢話無特定的品牌可以介紹，只要鈣片的鈣含量介付600mg~800mg便可。因為日常飲食中都可以吸收到鈣，所以600mg~800mg已足夠。
 

吸收太多鈣會令腎臟負荷更大，最終變為腎石。我揀左Jamieson折左$142.80，粒藥丸好大粒，好難吞，下次買過第二個牌子……

Shiseido Wrinkle Resist 24 Balancing Softener

Shiseido Wrinkle Resist 24 Balancing Softener 150ml，夠滋潤，收毛孔，增加皮膚彈性。

不過Shiseido Wrinkle Resist 24 Balancing Softener就貴左少少，間唔中用一樽就可以。

流浮山海鮮宴

第一次去流浮山食海鮮，雖然海鮮係比起街市賣貴少少，但勝在新鮮，最正係爆膏鹽焗奄仔(=^･^=)。平均每人$420已經有12款餸食，計起上嚟仲平過食自助餐。

美心~楊枝甘露布甜品杯

上年美心出呢款布丁時無買，到想買時就唔出，今日經過美心即刻買左去，免得自己後悔。

 

其實最主要都係想要個盛布甸個盒，一盒細細盒的在甸售$32，都有少少貴...

 

個布甸的味道都只係普通為左個盒無法啦!

Day 9 ~ Hong Kong Airport

話咁快就去到行程後1日，因為香港天氣不穩定，飛機延誤一個小時，於睡夢中好快抵達香港國際機場。

每次行程去到最後一日都會有一份依依不捨的感覺，回憶旅程中愉快、美好的時光。祝願每一位團友身體健康，生活美滿！

短短七日的旅程深深體會到印度貧富懸殊， 貧民過著卑賤的生活，每日在街上乞求生活的費用，想起都心酸……

感恩生於多姿多彩的香港，儘管並不是過得富裕，但比上不足比下有餘。

總結: 今次參加金怡9天團，團號ID9-0925，領隊唔夠細心，佢比起我們更加似遊客，沒有盡到領隊的負任，過份集中照顧某兩位團友，而忽略了其他團友!導遊講解詳細，但係私自加插購物景點令到我們的行程受阻......

Day 8~Kashmir, Delhi

喀什米爾>>新德里>>Ambience Mall>>新德里機場

今日要離開喀什米爾了，臨走時之前嚟過的船販盡最後的努力賣出他們的貨品，今日的售價真係大劈價，平到自己都忍唔住唔買。

喀什米爾的機場係軍用及民用機場，世界上難得一見，去到機場見到好多軍人，真係有少少害怕，因為唔影得軍人，所以又唔敢偷影，但係我同受友就係咁比d軍人偷影......
 

船屋後的花園

船屋後邊

印度炸雞

印度好難可以搵到可樂，難得起商場見到要影低去留念

印度的麥當奴

香港已經搵唔到的麥當奴叔叔

好合作的印度餐廳職員，等我地可以比較下個烤餅有幾大

離開印度前例牌中餐

機場內見到的巨型珍寶珠