終於都用左張心心$100

今日louis 約左我去觀塘行年宵，約了今晚10:00pm 起太子等，經常唔記得帶電話的我，落到樓下仲行左一段路先至發現自己無帶電話，於是又要折返屋企！因為無帶電話對於約左人就真係好麻煩。因為返左屋企拎電話所以搞到我遲到。

本來係唸住搭巴士去太子，因為知道自己會遲所以改搭小巴。因為近來我用慣了電子貨幣，加上我之前禁機只有大額紙幣，當我上車後才發現沒有輔幣，於是我拎住張$500去問司機有無得找，司機話唔收$500紙幣，當時我好傍惶，因為我身上輔幣只有$2，心裏好著急起個袋左搵右搵都係變唔到多$2出嚟，最後我忍痛地起個八達通套拎左個陪伴我多年的心心$100拆開左去比個司機找錢！

這刻我才發現有錢並唔係萬能、有錢亦都唔係大晒，原來這個世界除了的士會拒載，小巴都可以拒收，真係激死我啦！

當個司機收到我這張好多摺痕的紙幣時他望了幾望，最後佢對摺再對摺收埋左我這張收藏了多年的紙幣！
其實我好唔捨得這個心心，但係無法啦，邊個叫自己無散紙喎！好再我之前執櫃時發現我仲有一個同款的心心，咁都好起碼失去一個都仲有一個後備。
經過今次我發現原來後備應急錢個面額係唔可以太大，$100真係岩岩好，起碼搭車都可以找續得到，餘下的錢都仲預食一餐飯，我唸我都係要準備定d面額再細d 的後備應急錢至得。