臭臭果~金枕頭

朋友去左檳城，見佢地日日post d臭臭果出嚟，真係留晒口水。我自己都忍唔住買左一個同屋企人分享。

臭臭果$18.80一磅，今日個臭臭果$99，入口即溶，又juicy，皮薄，核細。真係正，食完仲好回味！

唔知臭臭果幾時過造呢？呢幾日都要食多幾個至得！

潮汕美食之旅~Day 3

行程踏入第3日了，亦都係最後一日！

各位團友對團餐安排的膳食非常之不滿，而大部份團友都係為食獅頭鵝而來，導遊亦未能為大安排買到真正的獅頭鵝。

正所謂乜都要靠自己，所以我地自己問左酒店，在那裏可以買到獅頭鵝，酒店介紹左我地去鷗汀市場，入到去漫無目的咁搵，最後我地十幾人將街市入面有的獅頭鵝都買晒，本來我係唸住去睇下咩係獅頭鵝點知最後試食完之後滷水真係又入味又香，鵝肉又滑，最後都帶左1/4隻獅頭鵝回家！鵝係計重量，半隻約RMB110，獅頭鵝的頭連頸RMB70，仲月豬耳、豬頭肉、鵝肝、鵝翼、鵝腳大家都讚好食！

大家都買到獅頭鵝，開開心心返酒店準備出發，滷水真係好開，隔住個飯盒都聞到香味！

是日的海鮮宴完全搵笨，得個兩、三款海鮮都夠擔話係海鮮宴~~

團費連小費要接近一千二百圓，真係有點兒搵笨！

是日行程：騎樓群》卜蜂蓮花超市

潮汕美食之旅~Day 2

經過第一日的行程加用餐，所以大家都不寄預厚望！

今日坐車過潮洲，去到潮洲時間尚早，導遊遊無端端加入了一個購物景點~潮州工夫茶藝館。雖然近來我都鐘意飲茶，試左有一隻茶叫蘭貴人，好好飲，有蔘的味道，飲落又似牛奶味 RMB240/斤，不過家中尚有大量的茶葉、茶包，所以都係唔買住！最後買左個紫砂茶杯用嚟沖茶RMB60，折返做港幣有少少貴，買貴左有少少唔開心添:P

潮洲除了綠豆餅係比較出名外，老藥吉、老香黃 （佛手果）都好出名，買老香黃的店鋪於牌坊街上除處可見。

潮洲好多寺廟，今日去參觀第二個寺廟~泰佛殿
今日午餐可以食到比較地道的潮洲小食，粿汁一道比較特別的食物，終於都可以品嘗到。

食完午餐去旅遊車經過廣濟橋，本來係唔可以過去睇，後來我地要求要過去廣濟橋影相，所以導遊帶我地行左過去影相，影完相岩岩好，天下起大雨又行雷，我們去要避雨，迫於無奈入一間糖水店，個店主好惡，但係無得揀，為左避雨都要入去......

是日行程：潮州工夫茶藝館》泰佛殿》宋代古城牆》潮洲古城》廣濟橋 (湘子橋)》開元寺》牌坊街》潮洲博物館》青龍古廟

潮洲小食~粿汁、臘腸、豬腸、登塘粿條卷、煎蠔烙、酸甜餃、翻砂芋頭、咸水粿、炒糕粿、無米粿、手打牛丸

廣濟橋 (湘子橋)

有過千年歷史的菩提樹

於牌坊街內~好特別的五色豆腐花，店主話係用了五種不同顏色的粗糧、水果製成，豆腐下亦有五殼，每碗RMB15。

百年老字號"胡榮泉" ~ 鴨母捻

百年老字號"胡榮泉" ~ 春餅

潮式小滿漢全席

青龍古廟

這個紫砂水壺是買給自己沖茶用的

潮汕美食之旅~Day 1

第一次有幸比喱姐邀請我一齊去玩，雖然今次只係美食之旅，但係唔駛用腦又可以去旅行我當然飛樸埋去一齊玩。

今日約左08:00福田口岸一號門集合，去到先至知完來每個門口都有一個號碼，要搵都好容易。

於福田口岸過關都好快，話咁快就去到落馬洲，今朝早06:00出門口，落到樓下又有的士，去到火車站好快又有落馬洲火車，上左火車掛住瞓覺差d唔知醒落車，好在部火車去到落馬洲等左好耐都未駛離該站。過埋關去到羅湖都係07:30。

人到齊我地由福田搭地鐵到深圳北站，再轉搭10:05高鐵。高鐵站真係好熱又無乜冷氣，可以這正是國內的環保國策。車程約2小時30分鐘就抵達潮汕站。

我係一個超易瞓著覺的人，所以由上車到落車都瞓足全程，可惜的是少了時間欣賞沿途的風光。

今日全程都係食，一日食足三餐，不過失色的是午餐及晚餐都係同一間餐廳~中旅酒家；而全獅頭鵝宴亦略為我色，酒家提供的鵝只係普普通通的鵝，令到本來參加此團只為食獅頭鵝的團友大為不滿！
行完白花尖大廟，就係下午茶時間，去了達濠區好有名的蒂蒂香魚丸，食飽再去古城區街市買些生果，今次買了一斤荔支RMB10/斤。

今間入住為於汕頭的鉑晶酒店，酒店雖然開了未夠一年，但設施殘舊，雖然是5星級酒店，但房間沒有夾萬及雪櫃。
晚上返到酒店放底行李，同朋友出街行下，感受下晚間的汕頭夜市的氣氛。

今日行程：福田口岸》深圳北站》廈深高鐵》潮式九大簋》達濠白花尖大廟》達濠蒂蒂香魚丸》達濠古城》車遊林百欣會展中心

第一次拖住Pekkle 喼去玩，不過公仔喼只係買個公仔，一D都唔好推之餘，開喼個鎖都好難用！

福田口岸一號門、深圳北站、潮汕

潮式九大簋

百花尖古廟

蒂蒂香魚丸

潮式獅頭全鵝宴

汕頭夜市

鉑晶大酒店