神阻擋驕傲的人、賜恩給謙卑的人。(雅4:6): 9月 2013

2013年9月30日星期一

信用咭被盜用

尋日起iherb 買完野，當我按付款時比我的感覺係比起前幾次更加兒戲，個web 無任何要求我確認信用咭資料，我只係按了一個process payment 的按扭後，我個payment 已經完成。而iherb 個web 付款時個web address 係無https://。

當時我感覺超級唔安全，不過我當時透過手提電話收到網上交易紀錄的短訊，我見到個交易銀碼覺得我自己係選擇了間正確的銀行進行網上交易，因為我使用其他的銀行係唔會有手機短信確認的！！！

今日收到銀行保安中心的留言，要我確忍一筆交易，我當時好奇怪，我已經收到短訊，而且，我已經於iherb 購物了幾次為何還要確認呢？

當回覆留這內的電話，個職員第一句就要我提供個人資料，當時我又覺得唔安全，因為我之前試過收到補藥黨的電話，所以警覺性比較高。於是保安中心個職員比左個card center hotline 個電話我，佢話hotline 都會有record，可以同我對到有關資料，於是我又打去個hotline問明究竟。

當我打返上去card center，不斷的播電話錄音，等了超過十分鐘，電話終於都駁通了！！！

個CS 同我確認晒我的資料之後，就話佢地保安中心今日打過電話比我要同我確認一筆交易，佢講個銀碼係USD79.XX，我就答我個交易唔係呢個銀碼，然後佢再講埋間公司名，我好肯定咁答佢"無"，之後個職員再同我確認iherb 個交易，因為銀行幫我折左做港幣，所以我都係以個約數加個公司名做確認！！！

當確認完之後我再了解返係唔係我張信用咭已經被盜用，職員只係回應，佢地公司保安中心發現我當完成iherb 的交易後不久就出現了USD79.XX的交易，其實呢個交易我係無收到短訊確認；職員解釋，當佢地保安中心見到呢筆異常交易，已即時截左呢筆交易所以我無收到短訊，反而收保安中心的電話。CS還告訴我，我的信用咭已經被取消，星期三再會有保安中心的職員打比我跟進返。

其實我都唔係好明銀行如何介定該筆交易是存在風險，職員都只係回答我佢地係有內部指引，不方便對外透露！

經過今次信用咭被盜用的經歷之後，我自己的感覺係網上購物雖然已經係生活的一部份，好多時網購的風險真係不能避免，選用一張具較高的保安功能的信用咭係必要的！！！

以我咁多張信用咭當中，我自己覺得今次用呢張信用咭係最可靠，我終於都明白點解平時呢間銀行個exchange rate 係咁高，真係值得我比佢賺。

無左呢張信用咭用，我短期入可以唔駛網上購物！

2013年9月28日星期六

越旺美食

好多年前起大角咀返工，食過呢間好好味的印度咖喱之後就愛上，近排成日四出咁搵辣辣食物，所以就想起呢間餐廳，不過事隔多年其實我都唔知呢間餐廳仲存唔存在，於是我就即刻去open rice睇下間餐廳，點知仲未執喎。

所以今日就特登走去食返個印度咖喱，今日只係食左個下午茶餐，點的當然係我非食不可的印度咖喱，下午茶餐包埋飲品都係$26。真係好平！

個印度薄餅好大塊，但係個咖喱汁實在係太好味，我當然係食最辣的級別啦！

咖喱汁入面有好多香料及洋蔥，薄餅配以這個咖喱汁嚟食真係超正，只係個咖喱汁太少，我食到一半已經無晒d 汁。

可惜呢間餐廳對我嚟講實在係太遠，如果唔係就可以成日去食到美味的咖喱...

2013年9月27日星期五

嘉頓餐廳

今次係我第日次負責搞飯聚，估唔到係我係可以成功做到呢樣野，今晚的飯聚真係好開心！估唔到仲有人負責買左兩個生日蛋糕出嚟，不過美心蛋糕味道真係麻麻地，下次等我再物色一D 好味的蛋糕啦！

今次食飯的餐廳係位於深水埗的嘉頓餐廳，真係唔講全完唔知道呢個嘉頓地標入面係有間餐廳，一入到間餐廳入面已經關晒燈，有一個職員企起門口指示餐廳的位置，上到去間餐廳，入面好暗，無乜人場面好冷清！

食物方面，嘉頓以麵包出名，所以第一道上的蒜蓉包係好出色，個包暖暖地，入口好脆。餐湯係FIX 左今日係西蘭花芝士忌廉湯，個湯好creamy好香西蘭花味，入口有啖啖的西蘭花！

我地仲另外叫左個焗田螺，上碟時有連埋個螺殼上，所以食時要小心一點點，如果唔係飛殼就唔好啦......薯蓉就有好濃的牛油味。

今晚我點了斑塊干拌蝦墨汁意粉，味道就普普通通，入口完全唔覺得係墨魚汁意粉，加上食物有唔係好熱，最討厭d食物唔凍唔熱咁...不過個意粉上最出色的就係佢一片片切到好薄好薄及炸到好脆的連耦！

食餐仲包埋甜品，個甜品味道真係好一般！

2013年9月25日星期三

寂寂無名

起呢間公司都做左一段幾長的時間，大公司人事關係複雜，我自己真係唔想牽涉起任何的人或事上。

我一向都只想做一個寂寂無名的小職員，唔想負太多的責任，我的宗旨係不求有功，但求無過。

但我又未至於好似公司的同事瀉膀--->少做少錯、唔做唔錯，儘量將自己的工作瀉出去比其他team！

我一向都係採取做好自己的本份，我唔會去擦鞋，亦都唔會博出位/上位！心裏只想做一個寂寂無名的小職員......

今日我亞姐突然同我講，原來你都幾出名、幾多人都識我，初時唔係好明佢講乜，最後佢講係有其他region的director 問邊個係我......我只係做好自己本份，原來不問回報只想做一個寂寂無名的小職員，都會因為我正面的工作態度而獲得讚賞！

2013年9月24日星期二

王老吉潤喉糖

之前去桂林旅行時認識了王老吉潤喉糖，自從食過佢之後真係一定要再搵返佢。因為效果實在係太好，味道食落又好鐘意，唔買返幾盒看門口真係對唔住自己。

可惜王老吉潤喉糖唔係四圍可以買到，香港就一定唔會有，但係就連大陸都未必咁易搵到，幾個月前我叫左細佬起大陸幫我買，點知幾個月之後仲係搵唔到……

今次托到一個正確的對象，買了兩盒20粒裝，每盒RMB10，今日終於都到手！！！

原來真係唔係四圍可以搵到，超市未必一定有，最好係去國內藥房搵。

2013年9月23日星期一

Pekkle September 2013 wallpaper

When I update my new blog, suddenly found the following wallpaper for the month of September 2013. Herry up go to sanriotown for download!

2013年9月22日星期日

辣度新挑戰

襯住天兔仲未嚟到，快快手手食埋我個美味的午餐，向來好辣的我已經食唔出任何辣味。

尤記得幾年前食譚仔，中辣都已經食到我噴火，時至今日中辣已經變得無難度，所以我要挑戰自己，今日去左譚仔食左個勁辣米線，希望可以尋回我失去的辣味味覺。點解鐘意食譚仔全因譚仔的麵雖然係辣但係無乜油，感覺上食得健康少少......

碗麵拎到嚟時個待應不期然咁搖一搖頭，勁辣O:-)

碗麵的顏色好紅，見到有點兒開心，因為好期待會食到一碗辣到可以噴火的食物。食第一口好失望……因為只為有一丁點的辣，完全符合唔到我的要求……

2013年9月21日星期六

Alba Botanica Hawaiian sunscreen SPF45

之前夏天唸住會有好多護外活動，所以要物色一支比按好用的防曬，之前透過gigi 認識了iherb 呢個website，所以就起呢個web 入面搵返一d 成份比較天然的防曬。

左揀左揀終於都比我搵到Alba Botanica Hawaiian sunscreen SPF45，呢支防曬係獲得Skin Cancer Foundation 推薦可以每天使用，換句話說佢相對地係無咁傷害皮膚。

呢支防曬係US$6.86 (約港幣$55)，今日再上返iherb 個web 睇原來已經加左價，不過加幅又唔算好大都可以接受的！

Alba Botanica Hawaiian sunscreen SPF45好符合我的要求，佢本身無防腐劑、防水、滋潤度好高又唔會阻塞毛孔，以SPF45嚟講佢原全係唔笠，搽上面又唔會好白。超鐘意呢支防曬！！！

呢支防曬係Titanium Dioxide (物理性防曬) 可以阻隔UVB和部分的UVA，但是對長波長部份的UVA無法完全保護。

Alba Botanica Hawaiian sunscreen SPF45簡直係平靚正之選。

凡於iherb購物用呢個Code:"TGD808"，首次購物滿USD40可以減USD10，如未滿USD40亦可以減USD5。歡迎大家隨便使用！

2013年9月20日星期五

發…………左

今日先至係追月，本來唸住拎左之前奧比斯義賣個月餅出嚟享用，受近來嘉麟樓月餅事件影響我自己就更加小心，我一拎個月餅出嚟第一眼就八卦睇下會唔會都係發霉……

點知成個月餅已經佈滿了很多的霉菌，於事再反轉個盒睇下幾時到期，到期日為18/10/13都仲有一個月先至到期個月餅就發霉發到咁，真係好恐怖。

大家食月餅時記得望清楚先至好食呀！！！以免病從口入！！！

BioBeneift Rare Stay On UV foundation SPF20 PA++

幾個月前唸住去BB Laboratories 買佢支原液，去到見到呢支粉底就比佢吸引住！

首先，價錢方面超吸引，平時起BB Laboratories 買支得5ml的原液都成$300，今次買支30g的粉底都只係$280，用過BB Laboratories 的產品所以對佢地新出呢條line 都好有信心，所以即刻買左去。

其次，當我知道產品的成份後真係非買不可，佢含有六胜肽~可以預防皮膚老化、撫平皺紋及令肌膚回復緊緻。

產品屬物理性防晒 (Zinc Oxide)，可以阻擋UVA & UVB。

粉底本身係防水、防汗，用左超過十小時都只係甩左少少，保濕度高，搽上面後好薄，原全唔覺搽左粉底，亦因粉底太薄所以遮瑕度係0。粉底本身光澤感好高，到了下午粉底都無變暗。

粉底只有一隻色，但佢搽上面顏色好適合我，透薄自然~~~如果無其他品牌想試下次必定會再回購！

化妝同時護膚感覺上真係好方便，下次會再回購

Gospel dinner

2013年9月19日星期四

Thayers~Rose Petal Witch Hazel with Aloe Vera

Thayers 的爽膚水已經有120年歷史，品牌於1987年成立，單單以5種不同功能的爽膚水就能打天下，可想而知該品牌的產品是深入人心。

今次我用的係金縷梅玫塊蘆薈爽膚水，爽膚水本身係沒有酒精，大家都知酒精係會刺激皮膚，所以無酒精的爽膚水係最好。

這款爽膚水有好香的花味，敷於面後數分鐘即時感覺到臉部保濕度增加了不少，有丁點的lup，用完之後再搽面霜就好正！我自己本身無乜毛孔，但係用完呢個爽膚水之後，就連我少少的毛孔都收埋真係正！

成份：有機認證蘆薈、維他命E、THAYERS 獨家所有的秘制金縷梅精華物、玫瑰花瓣水、自然玫瑰花香、蘆薈精華液、維他命E、葡萄柚籽精華液。

我瓶THAYERS 爽膚水係於 iherb購買售價係US$8.60 (約$70港幣)，不過起iherb 訂野要比運費，訂得越多運費係越平！
用呢個Code: TGD808可以有少少優惠，歡迎大家隨便使用！