鏟皮機

之前買過一部韓國製造的鏟皮機，用了若一年就壞了。

因為要換pekkle冰袋，所以就換部新的鏟皮機。

部機於靚靚購買每set$1,589包括一部鏟皮機及4件護膚品，平均每樣野都係$320左右，計返又唔算好貴!

鏟皮機其實係D 乜嚟? 又其麼用?

之前我有起美容院做facial 的時候都會定期做鏟皮機這個療程，起美容院做這個療程要$300，倒不如自己買部小型的家用機回家自己做，又可以節省一筆，又不用定時定候book 時間去美容院做療程!

鏟皮機主要的功用是利用超聲波的原理，透過水做媒介，用超聲波霧化面上的死皮及將面上的黑頭粉刺帶走!

我每星期會用這部機做深層清楚，每次使用約6分鐘，用部機鏟完皮膚後，這時毛孔已張開，可以做埋針清，將粉刺挑走。最後用返部機做精華導入，做完這個療程皮膚又白又滑。

靚靚買到的鏟皮機，超聲波的頻率每秒震動25,000hz，比起我之前用個部韓國品出產的機更為高，效果更理想。

新的鏟皮機是用濕電，自己就比較喜歡用濕電，唔會用用下突然話無電!

要踏入美魔女成魔之路，懶不得~~

左邊這部機就是我第一部的鏟皮機，右邊就是於靚靚到的

圖第1,3,4,5是個set 入面送的護膚品，而第二盒是$300換購的骨膠原精華液，用嚟做導入，皮膚水份即時提升，既滑面部的彈性增加，一瓶有60ml

圖左邊是入會的會員贈品，我自己對呢把梳興趣不大，膽粗粗叫店員換左洗掃的擦比我，問左佢幾次都不答應，最後店長額外多送這個擦給我

(這個洗掃擦現在售$28，買一送一即平均$14一個，其實淘寶買約人民幣6~10，加埋運費，其實都係差不多，不過今次係免費送，又真係好抵)

彩豐行~導入啫喱

一直都知道彩豐行係售賣一些價格比較平宜的護膚品，而我自己就從來都無唸過會上去買野!

 

今日因為上網搵射頻機的資料，無意中搵到彩豐行的導入啫喱，而巿面亦較難搵導入啫喱這類產品。所以我自己平時只係用精華做導入，今次買到平、靚、正的導入啫喱，可以日日做導入保養皮膚了。

 

第一眼見到彩豐行個門面，又光猛，店內又大又闊落，產品多完化，包括有沐谷露、洗頭水、磨砂、按摩油、潔膚用品、化妝品、指甲油、面膜、護膚品、美容工具、軟膜粉......真係乜都有!

 

單是導入啫喱都有好多款，而我揀左caviar essence treatment gel，一盒有480ml 都只係$70，真係好抵用，導入啫喱只係一個導入介面，平時出去美容院做facial 都係用呢d 廉價啫喱，由今日開始可以隔日做導入。
 

 

只係買了一盒啫喱送了4包大大包的試用裝

鏟皮機

上次買左呢部新玩具，一直都無時間分享。

襯今日好得閒咁就可以自己起屋企做facial。

呢部機主要做深層去死皮，透過水霧化面上的水珠，再將死皮鏟出來。

今次整左好多死皮出嚟，起鏡係睇唔覺自己塊面咁多死皮，但係事實擺在眼前，死皮一大堆。

平時出街做呢個treatment都要三百幾蚊，自己買部機又係三百幾。自己投資少少就可以有美容院的質素，又唔駛比人sales 抵晒啦！

Derma Ultrasonic Dermabrasion

新玩具~~

自從再次去美容院做facial 之後，開始感到煩厭，美容師為左跑數經常在療程中sale package，每隔一兩個月就sale 一次，而我唔係無幫襯佢買，只係買得太多太密，真係有十塊面都用唔晒，再者我又唔係識印銀子，可來搵咁多錢買呢？

有見及此都係自己買多幾部家用美容儀器用起屋企護理比較好，最起碼我自己知道用緊咩護膚品護理先！

今次買左部超聲波去死皮機，儀器仲有導入及緊緻的功能。

用法：用水噴濕成面，將儀器調較去 soft peel & cleaning的模式；當儀器與面上的水份接觸會將死皮與水霧化，當整個過和完成面部的死皮已經透過霧化後帶離皮膚。此時，面部有少少乾，做完整個療程要做返一個水份面膜！

這個儀器最多一星期用一次，不能太頻密地做深層清潔......

GLYCEL 42°C Mobile Skin Therapist

GLYCEL 42°C Mobile Skin Therapist $2,888

集微電流、42°C熱能、640紅光、震動四個功能。機身輕巧，用前只需要叉足電，就可以用到大概8次 (以每次完成3個模式計)

開機時需要等約30秒待部機暖左先，機共有三個模式:

1) 光+熱能+微電流

2) 光+熱能+震動+微電流

3) 光+震動+微電流

近來天氣凍了，晚上用這部機真係超舒服，部機暖暖，可以因應個人的須要選擇自己雖要的模式。

用佢嚟導入，完成整個過程，毛孔收細了，簡直就好似變返好似我廿歲時的肌膚、熱能能使膠原增生，皮膚光澤感提升、皮膚緊緻、水份充足，輪廓提升，包包面消失了。第二日上妝個粉底更加貼面。

Hitachi Face Crie Ion Cleansing NC-5500

其實我自己本身已經有一部導出儀，但係我自己覺得導出效果唔明顯，所以一直都研究緊有咩牌子的導出儀效果會明顯些...其實兩年前已經搵到一個品牌Handybio，因為佢部機本第都幾貴，所以我唸住去試左個效果先至買，我至少book 過3次去試但沒有一次係成功，所以購買handybio 部機就一拖再拖...

近排見formu 好多人討論Hitachi Face Crie Ion Cleansing NC-5500呢部導出儀，由於呢部機本身好平只係$520，加上佢只須用爽膚水做導出便可，於是我唸都無唸就買左lu..

導出儀的正面

導出儀的背面

如包裝盒所示，將化妝棉放入導出機，然後再倒化妝水 (份量要多，因為要在面上移動，如果份量不足夠會造成面部拉扯，弄傷皮膚)
每次使用導出儀於面上清潔3分鐘，而導出儀本身set 了每3分鐘會自動關機，所以好方便唔會超過時間！

我自己洗完面後，用爽膚水抹了面部一次，當時未能抹出任何污垢，我已經係日日化妝，但當用完導出儀後可以清楚見到化妝膚明顯有少少黃色，並不算太污jo (今次我用的強度為2，因第一次使用強度宜由較細開始)

見塊面唔係太污jo，所以試埋起條頸看看效果，因為平時頸部都會搽護膚品，一用之下真係十分驚人，原來我條頸比起塊面係污jo咁多...可能係平時只會洗面唔會洗頸所致，其實一路起條頸度碌時好明顯見到碌左部份係白淨d...

CELLlift 全功能激活儀

之前睇雜見到購買cellbone 產品可以加$349換購CELLlift 全功能激活儀

或購物滿$1,800，可以超級優惠價$99換購一個，因家中太多護膚品存貨

最後選了購買一件產品加$349換購

家中都比較多這類型的小型美容儀器

 

數百元的美容儀器，亦可以做到美容院的效果

但缺點係要自己動手做，缺少了一種享受的感覺

除了可以節省金錢，亦可以選用適合自己的護膚品

CELLlift 全功能激活儀是現今美容界最創新的的科研成果，採用正負離子的導出+導入科技，配合微電流、遠紅外線、及微震動細胞按摩技術，為個人肌膚料理提供先進的護理方案。

CELLlift 科技結合4個重要護膚程序 - 潔淨(Cleanse)、按摩 (Massage)、滋養(Nourish)、及提升(Lift)功能於一身﹔一個方便使用的多功能儀器，不但可為肌膚每天潔面按摩，當配合Cellbone的精華液、保濕啫喱、或面霜使用時，更可加快導入美肌成分，同時亦可當作為有效的拉緊面部小型療程，效果快速顯著。

注意：使用微電流儀器時必須卸下身上的金屬物品！

第一次使用這儀器時輕微感覺到電流於面上通過 (只係有小小的吉)，之後再次使用已沒有這種感覺。這部儀器的潔淨功能，個人認為作用不大，我主力較為喜歡之後的三個步驟 (按摩、滋養及提升)。

儀器是使用濕電，叉完電後就可以使用直至儲備電量完用。

見自己張相影得好暗，所以起官網抄左張相貼出來...

Neige Care Magnetic 精華導入儀

好耐之前見Mario Badescu 出左一去痘痘的美容儀器$500，已經即刻去counter 買，但係成日都無現貨賣。sales 姐姐每次都叫我付全費訂貨，我緊係唔想啦。費是石尋大海，今次終於都買到現貨啦。

配合Mario Badescu 的瞬間淨痘精華(溫和)　效果很好！

Neige Care消痘儀能釋放臭氧O3，具天然殺菌作用，能徹底消除肌膚上的粉刺、葡萄球菌等害菌，日常潔面時未能洗淨的污垢，全面預防及修復暗瘡，提升肌膚健康。
●色光治療+殺菌消毒=全面修護暗瘡
●磁共振+色光治療+殺菌消毒=極速導入有效精華
●紅外線+磁共振=增強肌膚免疫

用後感：近排生了幾粒暗瘡，所以這部儀器大派用場，儀器開啟後會釋放出電流，皮膚會感覺到有一陣氣壓包圍住，有暗瘡地方還會感覺到輕微的痛楚，而這些電流是殺菌，加速暗瘡的凋謝，這部儀器對沒有癑的暗瘡更為見效！若擠壓完的暗瘡亦可以使用這部儀器作消毒，可以加速傷口的癒合。