整朱古力

情人節將至，今年就比較特別去學整朱古力，未去自己親自感受個製作過程，真係唔知道原來一粒看似後平凡的朱古力要經過咁多步驟先至可以完成，而且個製作過程會弄到地方很污jo，如果要整朱古力真係要出去整，至少弄到地方污jo 都唔會比人話嘛！

今次都係去返euko cake度學，grace今次都係包堂，玩完成堂我自己覺得個學費係超值，搞到人地d 地方污jo晒喎，而我地每人都只係付出$250，由2:30pm 玩到7:00pm玩足四個半鐘喎！

首先要將朱古力磚用熱水溶掉

不消一會，所有朱古力磚都已經溶掉

朱古力摸

呢個係噴霧式餅底油用來抹在朱古力摸內

百爵紅茶軟心 (百爵茶包、淡忌廉、黑朱古力)

金提子Run酒軟心朱古力餡

百利甜酒軟心

倒模：將已經溶掉的朱古力，倒入朱古力模內

然後將多出的朱古力倒返出來

因為只係倒個朱古力殼，所以要用d 工具拍打個朱古力模，盡量將多令的朱古力倒返出來！

倒完朱古力之後要用個工具用起個模具上的朱古力刮返出來，因為我隻手太細隻，所以個製作過程有d雞手鴨腳咁，好在在場有位男士好好人咁協助我！

這個製成品已經倒了2次模的朱古力殼，個樣都見得下人喎！之後個步聚就係將朱古力餡放入個朱古力殼內！

放左3款不同口味的餡入內。下一個步驟就係放入雪櫃將朱古力雪硬之後再用朱古力封頂！

呢盒就係我個製成品！見到盒朱古力自己都好開心，因為係我好認真及用心去整的！