星期六染左一隻好靚的紫色，之前見同事用過石榴護色洗頭水，可以keep 到頭髮的顏色維持到幾個月，所以我又試下先。
Nature Gate 洗頭水可以於logon買到，洗頭水無乜特別的氣味，起泡都好豐盈，適合剛染過的頭髮，有護色的功效。
產品不含矽靈、SLS、SLES、動物衍生成分、化學防腐劑、鄰苯二甲酸鹽、人工色素
2015年5月30日 星期六
L'oreal Sparkling Visible Color 5.54
自從做完手術之後，白頭髮又多了很多，忍了又忍，終於都夠4個月，又可以染髮，其實我自己唔係咁鐘意染髮，因為染得太頻密會傷害到頭皮，儘管白髮有好多，但都忍到4個月了！
今次係我第10次自己染髮，但總係覺得染得唔係好好，由其事係後面的頭髮係無可能染都均混，雖然自己染髮真係好平，但我總係覺得自己染髮係唔顏色唔會咁出，同埋好雞手鴨腳！
錢係唔慳得！下次都係去髮型屋整，或者係隔住隔住咁啦，因為出去染髮加剪髮都$1000左右，又唔係咁捨得，唯有一次出去染、一次自己染，一年大約都係可以染3~4次，咁樣荷包無咁傷。
今次買左L'oreal Sparkling Visible Color 5.54，其實係何顏色用起我頭上面都係唔出，唯有一堆白髮先至可以見到盒上所講的產色，久而久之我自己覺得買咩顏色都無所謂，只係想每隻色都試下，所以咪又買D 未用過的顏色。
呢個色係偏向黃褐色，都係一個幾好的顏色，我暫時用過咁多盒L'oreal 染髮霜自己覺得P66 / P64隻色係最靚。
2015年1月25日 星期日
Garnier Permanent Hair Colour 6.6
不經不覺過了3個月，白髮外露的部份已經越來越多，早陣子才驚覺自己完來已經好多白髮……
每日起度忍都只係唔想成日染髮傷害頭皮，但儀容對我嚟講都好重要。所以又要再染。
自已染真係平好多，今次呢盒GARNIER 染髮霜好抵，平時呢個牌子好少做減價，今次一減就半價$39.5。所以唔買真係對唔住自己。
自己染真係好難染得渾，又搞到自己好污jo，睇嚟都係要去返salon染會好d。
2015年1月7日 星期三
Salon de Pro 白髮補染棒
染髮染得太頻密對頭皮唔健康，但魚與熊掌真係好難取捨。
起白髮越嚟越多的時候，我有一個好傻的唸住就係每次染髮只染頭頂白髮長出的部份，但咁做對自己補染嚟講有少少難度！
早幾日去行街比我起千色店見到Salon de Pro 白髮補染棒 ($68)，即刻心心眼，一件我一直好想搵的產品...
佢好似睫毛液咁，只要塗搽上白髮上，立即遮蓋白髮而且防水、防汗，搽左幾次之後白髮都被染色，將來的日子又可以減少染髮了！
2014年10月1日 星期三
L'oreal Sparkling Visible Color 3.16
和平佔中擾亂了香港的秩序、交通、經濟！留起屋企係最安全之策。
起屋企咁得閒所以都係搞搞自己個儀容。
近來都唔知發生咩事"一夜白髮"！！！染髮的次數由起初定為每4個月染一次，早幾個月改為3個月，近日有感自己的白髮已經靜俏俏的跑了出來，所以都忍唔住未夠兩個月都要染。
雖然染得太頻密對頭皮及頭髮都唔好，但有得揀我都唔想！我唸過家啦下次只係起頂部補色，唔會成頭染。
今次髮用的髮色好特別，平時起萬寧及屈臣氏係搵唔到。估唔到原來龍成藥房係有咁多唔同顏色的染髮霜，而且售價只係$52，比起萬寧平一大截之餘，仲有多款特別顏色選擇，下次都會去返龍成入貨！
呢隻色染出嚟個效果唔係咁顯色，同埋佢好快甩色，下次唔會再考慮呢個顏色！
2014年8月3日 星期日
Syoss 6N Deep Brown
自從開始自己染髮之後，我染髮的次數頻密了。
因為自己染又方便，價錢又平，但早陣子睇返d 舊相才發現，原本自己染同去salon 染的效果真係差好遠！不過算啦…一分錢一分貨我並唔係呢方面的專業，加上自己同自己染確實係有少少麻煩。今次仲染到成條頸都係顏色，好唔開心囉…下次要唸下點避免至得!
今日用的染髮霜係我上個月已經想試的品牌~Syoss。上次去書展訂雜誌時亦都送左一盒，今次唔駛錢就可以試用到。這個品牌可於萬寧搵到，一盒染髮霜大約$60。
第一次染髮用的顏色係深啡色，老老實實我自己頭髮的顏色本身都己經係起超深黑色，所以我自己平時染髮唔會考慮呢隻色。
呢款染髮霜係要自己溝，都係第一之次咋，染髮霜並唔傷頭髮，染完髮後頭髮都好柔滑，上色度好好 (只限白髮部份)，但自己的髮質係粗硬、深色，所以對呢個深色用完之後好似假髮。最滿意係白髮又自然地隱藏。
2014年5月4日 星期日
L'oreal Sparkling Visible Color With Hi-shine Complex ~ P66
自從自己識得染髮之後，每當頭髮長了一點點就心私私想再染下頭髮。
不過染髮霜真係好傷頭髮，起未去到最差的情況底下我都唔想染得咁頻密……
3個月染一次對於我來講已經係最理想的時間。
雖然我自己都染左好幾次，但都未能夠掌握到染髮的技巧，希望染多幾次就掌握到有關的技巧。
我自己覺得L'oreal 的染髮霜效果及質地都係比較好，染完頭髮又有光澤及柔順。
我自己頭髮的顏色比較深色中，所以都係染唔到個盒上的顏色，不過白髮個位就好顯色，隻色本身真係好靚，可惜係我自己天生的外在條件影響左……
2014年2月8日 星期六
Revlon Colorsilk Beautiful Color~34
越嚟越討厭自己頭上的白髮，我已經忍無可忍，日日對住d 白髮真係好想拔左去啦，但係拔得多毛囊就會壞死，長此落去就唔會再生頭髮出嚟！所以我都係快快手手咁染髮。
我都係鍾情紅色，所以今次依然都係揀返紅色。
平時去salon 染髮見髮型師會用一把染髮梳染髮，自己平時染髮時都雞手鴨腳，所以我想試下用染髮梳試髮 $7，雖然用染髮梳係比較方便，但係雞手鴨腳的我今次都算有少少進步。
今次隻色紫紅色並唔係我杯茶，太深色啦，下次都係買返鮮紅色
2013年10月12日 星期六
REVLON Colorsilk Luminista~148
歲月留痕......白髮又偷偷的跑了出來......
白髮嚴重地影響我的儀容，襯今日假期，快快的自己整理一下！
自己染髮真係好方便，雖然染出嚟的顏色往往都與盒上的顏色有所偏差，但我只係想把歲月的痕跡遮敝，我自己頭髮的顏色係深黑色，所以下次要買較淺色的顏色至得。
完成整個染髮過程之後，頭髮係好鞋，但用埋包芒果油修護素之後頭髮即時順滑無比，完全唔覺係岩岩染完髮。
白髮嚴重地影響我的儀容，襯今日假期，快快的自己整理一下！
自己染髮真係好方便，雖然染出嚟的顏色往往都與盒上的顏色有所偏差，但我只係想把歲月的痕跡遮敝，我自己頭髮的顏色係深黑色，所以下次要買較淺色的顏色至得。
完成整個染髮過程之後，頭髮係好鞋，但用埋包芒果油修護素之後頭髮即時順滑無比，完全唔覺係岩岩染完髮。
2013年7月1日 星期一
Revlon ColorSilk Luminista~150
之前起萬寧見到露華濃的染髮霜大減價~買一送一，一盒都只係$48.90，而買一送一即係等於半價，平均一盒都只係$24.45。
我今次都係買返我最鐘意的紅色。第一次用露華濃的染髮霜，佢係比較稀而盒內並沒有染髮梳，所以用起上嚟有少少麻煩。
露華濃的染髮霜好上色，雖然佢比較稀但帶左手套再用手直接塗在頭髮上效果係比想象中好！
染完髮之後一定要搽埋佢個包芒果油，如果唔係頭髮就超級罕！每次洗完頭之後都要用護髮素，如果唔係D 頭髮就好似電線咁硬！
我今次都係買返我最鐘意的紅色。第一次用露華濃的染髮霜，佢係比較稀而盒內並沒有染髮梳，所以用起上嚟有少少麻煩。
露華濃的染髮霜好上色，雖然佢比較稀但帶左手套再用手直接塗在頭髮上效果係比想象中好！
染完髮之後一定要搽埋佢個包芒果油，如果唔係頭髮就超級罕！每次洗完頭之後都要用護髮素，如果唔係D 頭髮就好似電線咁硬！
2013年4月14日 星期日
L'Oreal~Excellence Fashion Sparkling Visible Color
又差唔多係時候染髮，因為我近來我的白髮再唔係好似以往咁埋藏起係底到，近來見到起頭髮面層都見到有幾條白髮，我真係不能接受，自己未老先衰
，由十幾歲開始已經有一堆白髮起同一個位，由一少執開始到今時今日已經變到一大執，唉！現在白髮已經四散，再唔係起同一個部位不斷長出，好唔開心，一條白髮都係直接影響到我的儀容......究竟食D 乜先至可以做返一D後天補救呢！
今次都係買返L'Oreal的染髮霜，之前見過卓悅都有得買仲平少少，所以今次去卓悅買，今次想染返啡色所以揀左Intense Copper Brown，因為紅色已經染左好多年有少少悶，但係我又唔係潮童，太潮的顏色都唔係咁岩我，嚟嚟去去可以揀的顏色唔係紅咪係啡，無乜新意。
呢盒染髮霜上次起萬寧買$62，卓悅標價$52但我比錢時過機只係$49.90，嘩！起起萬寧平左十二蚊，抵用！
因為我的黑色頭髮比較深色，所以呢個顏色唔係咁出色，或者係我自己先入為主，總係覺得紅色會比較適合我。今次樣調色劑無乜點變色，尤記得上次調較個調色劑時好興奮，因為一倒入去就變左紅色，但係呢個啡色搖極佢都係無變色，所以好驚染完之後無效果，好在最後都係染到啡色！
，由十幾歲開始已經有一堆白髮起同一個位，由一少執開始到今時今日已經變到一大執，唉！現在白髮已經四散，再唔係起同一個部位不斷長出，好唔開心，一條白髮都係直接影響到我的儀容......究竟食D 乜先至可以做返一D後天補救呢！今次都係買返L'Oreal的染髮霜，之前見過卓悅都有得買仲平少少，所以今次去卓悅買，今次想染返啡色所以揀左Intense Copper Brown，因為紅色已經染左好多年有少少悶，但係我又唔係潮童，太潮的顏色都唔係咁岩我，嚟嚟去去可以揀的顏色唔係紅咪係啡，無乜新意。
呢盒染髮霜上次起萬寧買$62，卓悅標價$52但我比錢時過機只係$49.90，嘩！起起萬寧平左十二蚊，抵用！
因為我的黑色頭髮比較深色，所以呢個顏色唔係咁出色，或者係我自己先入為主，總係覺得紅色會比較適合我。今次樣調色劑無乜點變色，尤記得上次調較個調色劑時好興奮，因為一倒入去就變左紅色，但係呢個啡色搖極佢都係無變色，所以好驚染完之後無效果，好在最後都係染到啡色！
2013年2月3日 星期日
Bed Head TIGI
趁農曆年假前最後一個星期日，所以今日拿拿臨咁出去整埋個頭準備過年，自己之前試左染髮，所以今次可以將慳左落嚟的錢可以用嚟電髮。
髮型師真係髮型師，peggy 幫我洗頭時問我係咪自己染髮，我問佢係咪染得唔渾，佢起度笑，但我自己就睇唔出
，反正自巴睇唔出咁繼續再自己染都無所謂啦！
好在今日去到髮型屋又唔係好多人起度整緊頭髮，我食埋野之後就去髮型屋，差唔多兩點去到走個時都係五點左右。
今次電髮同幾年前差唔多價錢，剪髮$230、電髮$900、bed head $180。
Peggy 今次介紹比我呢支bed head 可以用於濕髮上，真係好方便我每朝早趕頭趕命出門口的人，只要頭髮乾了再整返髮散d頭髮就得啦！
髮型師真係髮型師，peggy 幫我洗頭時問我係咪自己染髮，我問佢係咪染得唔渾，佢起度笑，但我自己就睇唔出
，反正自巴睇唔出咁繼續再自己染都無所謂啦！好在今日去到髮型屋又唔係好多人起度整緊頭髮，我食埋野之後就去髮型屋，差唔多兩點去到走個時都係五點左右。
今次電髮同幾年前差唔多價錢，剪髮$230、電髮$900、bed head $180。
Peggy 今次介紹比我呢支bed head 可以用於濕髮上，真係好方便我每朝早趕頭趕命出門口的人，只要頭髮乾了再整返髮散d頭髮就得啦！
2013年1月12日 星期六
L'Oreal~Excellence Fashion Sparkling Visible Color
我一向都係出街染髮貪其方便，又唔駛煩只要坐低起salon 就可以搞到靚靚咁離開！
但我自己又係一個坐唔定的人，要我困住起salon 幾個鐘先至走得我個心會好坐立不安，所以我多數都係半年左右先至染一次髮，因為忍受唔到白髮長得太長！
不過年紀大了頭上的煩腦絲就慢慢的變白，頭上的白髮好影響儀容，但要我坐定定咁去染髮真係唔想。
所以我成日都想自己動手試下染髮，但一直都只係得個唸字，從來都無唸過實行。
今日終於都付諸實行，我尋日已經去買了一盒染髮霜，市面上有太多染髮霜的品牌，我真係唔知買邊隻好，本來係想買早排好流行的泡泡染髮霜。
最後我決定買L'Oreal，因為我染開髮間salon 都係用呢個牌子，我唸住平時用開又無敏感染完之後又唔傷髮質，買佢就實無錯。
但係L'Oreal的染髮霜都有好幾隻，我真係唔知每一隻有無分別
我只會以價錢去衡量產品的質素。
幾款L'Oreal的染髮霜入面最貴就係Excellence Fashion Sparkling Visible Color ($62)，所以我就買呢隻！
揀好左品牌之後就係揀顏色，買的時候係有一個染了色的頭髮版起度，我見隻隻色個效果睇落都好深色，所以我揀左P64 濃烈銅紅色；
其實睇個盒上印有染出嚟的顏色同個染了色的頭髮版真係相差好遠、好遠，而我自己的髮質本身好烏黑，所以更加難可以染得到盒上的鮮艷紅色...
唯一一個地方可以比較出色的地方個白髮密雜的地方...
經過今次自己染髮成功後，我唸我以後都會選擇自己染髮，因為方便、快捷，而且價錢平宜，平時出街染髮要$650，現在只要花1/10的價錢就可以了。
L'Oreal Excellence Fashion Sparkling Visible Color 染完出嚟的效果同我平時起salon 染係一樣
頭髮沒有嗅味、頭髮好柔滑、又有光澤，加上又唔傷頭髮、白髮又能完全覆蓋......讚
唯一唔好的只係染出嚟個顏色唔夠出，可能只係我自己本身的頭髮比較烏黑，因為我上網search 過見到好多人用呢隻染髮，效果同個盒的顏色係一樣....
而我只係起個堆白髮度先至見到個盒上鮮艷顏色的效果，可能我頭髮的顏色淺色少少就可以做到呢個效果罷。
從今天起每個月染一次髮都唔會肉痛之餘，又可以一邊做自己野一邊染髮，總好過要坐定定起salon！
但我自己又係一個坐唔定的人，要我困住起salon 幾個鐘先至走得我個心會好坐立不安，所以我多數都係半年左右先至染一次髮，因為忍受唔到白髮長得太長！
不過年紀大了頭上的煩腦絲就慢慢的變白，頭上的白髮好影響儀容，但要我坐定定咁去染髮真係唔想。
所以我成日都想自己動手試下染髮，但一直都只係得個唸字，從來都無唸過實行。
今日終於都付諸實行，我尋日已經去買了一盒染髮霜，市面上有太多染髮霜的品牌，我真係唔知買邊隻好，本來係想買早排好流行的泡泡染髮霜。
最後我決定買L'Oreal，因為我染開髮間salon 都係用呢個牌子，我唸住平時用開又無敏感染完之後又唔傷髮質，買佢就實無錯。
但係L'Oreal的染髮霜都有好幾隻，我真係唔知每一隻有無分別
我只會以價錢去衡量產品的質素。幾款L'Oreal的染髮霜入面最貴就係Excellence Fashion Sparkling Visible Color ($62)，所以我就買呢隻！
揀好左品牌之後就係揀顏色，買的時候係有一個染了色的頭髮版起度，我見隻隻色個效果睇落都好深色，所以我揀左P64 濃烈銅紅色；
其實睇個盒上印有染出嚟的顏色同個染了色的頭髮版真係相差好遠、好遠，而我自己的髮質本身好烏黑，所以更加難可以染得到盒上的鮮艷紅色...
唯一一個地方可以比較出色的地方個白髮密雜的地方...
經過今次自己染髮成功後，我唸我以後都會選擇自己染髮，因為方便、快捷，而且價錢平宜，平時出街染髮要$650，現在只要花1/10的價錢就可以了。
L'Oreal Excellence Fashion Sparkling Visible Color 染完出嚟的效果同我平時起salon 染係一樣
頭髮沒有嗅味、頭髮好柔滑、又有光澤，加上又唔傷頭髮、白髮又能完全覆蓋......讚
唯一唔好的只係染出嚟個顏色唔夠出，可能只係我自己本身的頭髮比較烏黑，因為我上網search 過見到好多人用呢隻染髮，效果同個盒的顏色係一樣....
而我只係起個堆白髮度先至見到個盒上鮮艷顏色的效果，可能我頭髮的顏色淺色少少就可以做到呢個效果罷。
從今天起每個月染一次髮都唔會肉痛之餘，又可以一邊做自己野一邊染髮，總好過要坐定定起salon！
2010年11月14日 星期日
New hairstyle
由於忍受唔住D頭髮咁唔整齊，所以我又要去整頭髮，本來想整返直去留長去，但去到問Nelson今年興乜髮型，佢好快咁答我係短，所以我都無再考慮我個長髮look，我睇左髮型書好耐先至揀到一個我喜歡的髮型，wow....剪完出嚟，我自己覺得好清爽，好多年都未試過短頭髮，唔知我幾時至會再留返長d 頭髮呢？
我見Nelson用呢枝spray 幫我整頭髮，所以我又買左一支$110
訂閱：
文章 (Atom)