旅行化妝掃

化妝掃我有一大堆，平的貴的都有用，都係個句好用就ok,平、貴、名牌我都唔介意。

今次這set 掃係elle magazine送，其實呢本雜誌真係好抵買，每期都會有贈品，雖然本書以廣告居多，但係入面好多最新的潮流資訊。上次起書展訂左年刊，又有贈品送，送的贈品仲貴過訂閱價，今年都要再入去書展訂至得。

講返呢set 掃見到就超鐘意，因為個size 好正拎去旅行用又唔會太大件，而且一set 三件有眉/眼線掃、眼影掃、胭脂/碎粉掃，除左胭脂/碎粉掃的質感較差外，其餘兩支都ok,帶佢地去旅行真係方便。

Real Techniques~Blush Brush

起網上見到好多人都大讚Real Techniques的化妝掃，而好我的胭脂掃又唔係咁夠替換，所以我又訂左一支返嚟試下，折左約HKD64.23。超抵用！！新學化妝絕對不二之選。

掃毛係人造纖維好柔軟，抓粉力強，不過我自己覺得佢個掃頭其實都幾大個下，用嚟做碎粉掃都仲得，我自己覺得雖然係掃抓粉力強，但係如果用嚟上胭脂我自己就覺得唔可以做到好細緻，個掃柄好好拎，而個掃的底部係平的可以垂直都放支掃起枱面。

我係起 iherb 訂呢支掃，而用呢個code "TGD808" 首次購物滿USD40可以減USD10，如未滿USD40亦可以減USD5。

E.L.F. Angled Contour Brush

早排又好想買一支化妝掃用嚟打鼻影，今次只考慮平價之選，因為我實在太多化妝掃，其實係無乜必要入貨，今次只係為買而買。

見之前起iheb訂開野所以就訂埋E.L.F.呢個廉價品牌，折左大約$30 (未計運費)，真係平到你唔信。

其實上網seach 都可以搵到好多網站介紹呢個品牌，每個品牌都有佢自己皇牌的產品，相信 Angled Contour Brush並非皇牌，所以質素並唔係咁理想。

講返支掃的質素，就咁睇支掃唔似係一d 平價貨，因為掃的杯係好靚的木制，至於掃毛的質地唔係好硬及又唔吉，不過掃毛的抓粉力好低，唯又掃多幾下啦！


於iheb訂任何物品，用呢個code "TGD808" 首次購物滿USD40可以減USD10，如未滿USD40亦可以減USD5。

遮瑕掃

化妝掃對於我嚟講真係每日都要用的工具，遮瑕掃其實都我係成日用，因為我自己面部的瑕疵唔係咁多，好多時都係睇心情要唔要遮下個黑眼圈。正正因為咁所以我支遮瑕掃都唔須要成日出動。

 

但係人總係貪心望舊，雖然我有兩支好好用的遮瑕掃，但係當我起sasa 見到呢支豹紋筆杆的遮瑕掃，我又忍唔住又買左，哈哈！完全係因為佢唔貴只係$15，就算唔好用都唔會肉赤。

 

掃係人造纖維，掃毛比較薄，用嚟遮大範圍的位置較佳，貼面度高，能夠將遮瑕膏推到好薄，以$15呢個質素真係超滿意。

 

M.A.C. 266 Small Angel Brush

呢枝角掃係我出嚟工作後第一枝買的化妝掃，數一數都經歷了多個年頭，而呢枝掃都仲係絲毫沒有損壞或開叉，呢枝掃我大多數都係拎嚟畫眉用，真係日日都要用上佢，但但有時亦會用佢嚟畫眼線，無論用佢畫眉有好、畫眼線亦好，佢效果都係出眾，用佢嚟畫眼線條眼線可以書到好幼。

用上了咁多個年頭，都只係筆桿上有少少油脫落！我枝角掃係好多年前，好多年前M.A.C. 的LOGO 係壓印起筆桿的中間，而產地就係法國，不過現在M.A.C.的化妝掃的產地係日本或法國！

Shiseido foundation brush

一直用緊Giorgio Armani濕粉掃，但係對呢個品牌極度失望，我支Giorgio Armani濕粉掃大概用左四年幾甩毛情況非常之嚴重，我之前用開MAC 個D 化妝掃重來都無呢個情況，所以我決定買過另外一個品牌，唸左好耐決定買Shiseido foundation brush，呢支掃其實已經係上年出，但係香港版比起日本版貴幾十蚊，但係日本版起靚靚買只係$170，雖然日本版同香港版個柄係有少少唔同，但對我嚟講無乜所謂，因為都係咁用，只要係掃頭係一樣就無問題！

試用左呢支掃幾日，效果非常之滿意，支掃本身的設計係斜，好貼面，掃全部都係纖維沒有動物毛，放上面會覺得比較實左少少，而彈性係非常之好，反而咁係會比較適合我，因為個掃係全纖維所以係唔會吸收晒D粉底而造成浪費，用呢支掃上濕粉好貼面，我覺得呢支掃比起Giorgio Armani濕粉掃用嚟上濕粉更加更加貼面，而且Shiseido foundation brush價錢上都係比較平宜，抵用！

 

Mannings Concealer+Touch Up Bursh

之前起討論區見到有人話萬寧牌化妝掃將會停產，而現在購買可仲會有7折，折左都係個幾蚊，所以都唔理得佢好唔好用買左佢返屋企先。

終於都試用左，我自己覺得佢個掃頭太細同埋D 我都有少少硬，如果要化一D 好細緻的位用佢就會幾好，但係如果用來遮黑眼圈，咁搽到天光都未搽完！

Mac 187 Duo Fibre Face Bursh

廣告話開心買鞋、唔開心又買鞋，以前我就真係好鐘意買鞋，其實都唔知點解，見到靚咪買囉，過左幾年依然仲有幾對全新未著過的鞋放左起度。唉！又時我會起度唸，D 鞋咁耐無著，如果現在才攞出來著會唔會有問題，我只係知道鞋入面D 膠水會溶，分分鐘行行下街會仆左起條街到，失禮人就唔好啦！你地知啦現在科技咁發達，D 人動不動就話拎部電話出來拍片放上youtube，萬一真人比人見到就瘀爆

所以我自己現在係開心買化妝品、唔開心又買化妝品，這樣便可杜絕了在youtube 同大家見面

我自己得一枝濕粉掃真係唔夠替換，所以想買多一枝。起唔開心的日子，乜都可以買一餐，根本唔會考慮其他野！

今日買左 Mac 187 Duo Fibre Face Bursh $390，一開始都係想買佢，因為佢個掃形同平時用開個D 唔同。當我去到Mac 個counter 個sales 都係介紹我買個頭扁個隻 Foundationo brush $290，我見隻掃同我現在用緊Giorgio Armani 個枝一樣所以唔想買，於是我問個BA 乜Mac 187 Duo Fibre Face Bursh 唔係濕粉掃嚟家咩，個BA 話係，這枝掃還可以當乾粉掃用 (即係一掃二用)，我個人貪新鮮，所以我緊係買Mac 187 Duo Fibre Face Bursh，個BA話Mac 187 Duo Fibre Face Bursh 掃出來個效果會薄D。

買過咁多個牌子的化妝掃，如果無乜特別我只會買MAC & shu uemura。Bobbi Brown 已經係完全唔會再考慮，D掃仲貴過MAC & shu uemura而quality 又比人地差...

用後感：這個化妝掃掃出來的效果好薄，而掃頭又夠大好合我心意。用法：首先拎左濕粉於全面打圈掃，然後再拎埋餘下的濕粉再重覆掃在一些較易遺漏的地方。我自己好鍾意這個掃，因為可以好快上完濕粉，加上佢個掃頭的設計特別，掃頭前半部白色的部份為纖維，後半部係纖維加羊毛，前半部毛髮唔係咁實，上面時就算大力了都會因為化妝掃的獨特設計而卸了力，就算唔覺意大力了上碎粉都無問題！這個掃唯一一個缺點係個掃的動物毛經常斷在臉上，用完之後要起塊面度執返走d斷毛。

Giorgio Armani Designer Shaping Brush

Giorgio Armani 枝濕粉掃我已經用左兩年幾

成日都想post 出嚟，但平時洗乾淨左之後都未來得及影相就要用

今日無出街終於都可以影低張相

未用濕粉掃之前只會用粉卜上濕粉

自己用左Armani枝濕粉掃後發現，原來用粉卜會用多好多濕粉

因為粉卜係海綿的質地，所以要吸取較大量的濕粉

我比較過，用濕粉掃只須要大半泵便可以搽勻全面

而粉卜要用大概一泵半，由此可見平時用粉卜係好浪費

同埋粉卜長時間使用又會爛，用濕粉掃會比較環保 & 慳錢

除了慳錢外，用濕粉掃上濕粉可以令個妝更加貼服

雖然買枝好的濕粉掃好似好大投資，但長遠來說係絕對值得買的

有d 朋友會問為何用濕粉掃上濕粉會有一坑坑的效果，其實係因為枝濕粉掃太耐沒有清洗，洗乾淨係再用，這個問題便可以解決

建議濕粉掃每一星期清洗一次，因為濕粉掃平時用完就咁插左起個掃筒度，這樣會黏付著很多細菌及塵，試想想每天將細菌及塵塗上面有幾嘔心呢...都係勤力d 洗乾淨D用具啦！

MAC 138 point face bursh

一直都想買一枝個掃頭超大的碎粉掃，個人懶嘛唸住個掃頭大d 上碎粉會快d 嘛！

其實一路都留意住sephara 枝大碎粉掃，毛ge 質地又好最重要係唔貴嘛

但係當係見到佢係大陸做就開始有點兒唔想買

今日去左sogo 見部 lift 仲有排都未到咪行入去mac 睇下d 掃

有個BA 行埋嚟問我想睇乜，我咪話想買碎粉掃囉

佢帶左我去睇，然後好好好細聲問我，想買平定貴的掃

我見佢咁問都打個突，然後反問返佢乜你地D 掃好貴o家？咁平又幾平貴又幾貴呀？

佢答我最貴係$450，我即時ge 自然反應就話"超"有幾貴呀！等我仲以為你地d掃要幾千蚊一枝！

個ba 話有d 客覺得$300都貴，所以咪要問清楚喎！

講完價錢就係要問我最介意的一樣野，就係枝掃的產地！我問ba 枝掃會唔會係大陸做。個ba 答我除了x'mas brush set 會係大陸做之外，佢地所有的化妝掃都會係日本或者法國做，只視乎佢地生產品邊個國家d 毛質會較好喎！

本來想買個枝mac 134 但無貨，見個ba 係咁話mac 138 pointed face brush 毛質與#134 係相同，但係#138 會比#134更好，因為#138個掃頭係尖，可以掃到眼角下d 細緻位，我唸左一陣買唔買好，最後都決定左買，因為佢個形狀確實係幾特別！

唯有之後再搵過一枝超大掃頭的碎粉掃啦！

萬寧牌蜜粉掃

我就係一個乜都會買來試用的人

近排見萬寧出左好多自家的品牌，成日都心思思想買來試

但係護膚品這方面，個人尚未能接受

所以今次買左枝化妝掃試試

其實化妝掃真是多的是，但係見佢咁平只係$32.90所以買來玩下

我都係第一次見到有化妝掃用的毛是波斯毛

平時大牌子的化妝掃多數都會用山羊毛之類

所以這枝化妝掃絕對是一個新嘗試

建議新買回來的化妝掃，先洗一次才使用

因為很多的化妝掃都會染色，很容易令皮膚敏感哦^.^

這個化妝掃的毛太軟，彈力唔夠，而質感亦很似人造纖維多於動物毛.....

很輕力咁掃了些碎粉，可以清楚見到化妝掃已抓到很多的碎粉

ink Concealer Brush遮瑕掃

之前有個同事問我，佢話見到有一枝化妝掃覺得好靚，仲話模過枝掃d毛覺得好軟同好滑。咁我問佢做乜唔買？佢話又唔知個個係咩牌子，仲要索價$800(相信佢當時講個枝係碎粉掃)。當時佢都有問我話識唔識得ink 呢個牌子。個時我真係唔識佢。

但係近排我終於都搵到佢的來歷啦！

ink是由亞洲星級化妝大師Zing親手設計、最新人手打造的化妝掃系列，選用了最優質上盛的天然毛髮及人造纖維──俄羅斯紫眧、 北美松鼠及加拿大馬毛等。手柄用黑檀木經精細打磨而成，輕巧而結實耐用。

至於筆桿是用檀木製成，而檀木在中國自古以來亦用作筆桿，分為綠、紫、黑、紅檀木，黑檀特色是產量最少，密度最高、無味、輕身兼有辟邪作用，所以價格最貴。「ink」的化妝掃桿，正是以「檀中之尊」製造，為市面上的首創。一系列11支當中，掃桿有直、有弧，Zing話之所以如此設計，是根據不同掃使用時又有不同握法而製 。

令次我買左一枝Concealer Brush，其實化妝掃大大話話我都有幾十枝，真係好用ge又唔係咁多，每次有人讚某品牌好用，我都會買來一試，可能大家要求唔同！或者有些用家只要求其拎起件工具用到就算！而我，相信係一個超級麻煩精，每樣野都想十全十美,所以咪買買埋埋有好多囉。

ink 個專櫃設於金鐘連卡佛，個專櫃好簡單只係show 左d 化妝掃出離，眼見ink的眼部化妝掃設計都很等別，相信是設計師多年慮積所得的理念。

ink Concealer Brush係用100% 紫貂毛製成，手柄則選用黑檀木，形狀是中型刷毛，刷頭結實圓渾。(刷毛長度 : 16mm、手柄長度 : 96mm、總長度 : 141mm)

用後感：由於掃頭的設計較大，塗抹時可以完全覆蓋黑眼圈的範圍，用時會感覺到遮瑕掃與皮膚的緊貼，而用這枝掃的好處是可以令遮瑕膏更為貼薄。這枝遮瑕掃相比起bobbi brown 的遮瑕掃更超卓，因為bb 的掃是由纖維造成，塗抹時會是一行行及好厚的感覺。而ink這枝遮瑕掃對比起其他品牌的確貴了少少，但真係物超所值。我用過這枝遮瑕掃已經知道不用再試其他品牌lu！絕對值得推介！

Bobbi Brown Conditioning Brush Cleanser

今次介紹一下Bobbi Brown Conditioning Brush Cleanser。相信好多女生都會化妝，當化妝掃經使用後會產生大量的細菌，尤其是濕粉掃、遮瑕掃，雖然用肉眼是看不見，其實這些化妝掃已滋生大量的細菌！嚴重的話會導致皮膚敏感。所以化妝掃必須每星期清洗一次以確保衛生！

其實方間有很多不同的清洗化妝掃的方法：包括用洗頭水、護髮素、兔子清潔液 (見網上都有人係咁用，她的理論是化妝掃都是由動物毛製成，所以用這個清潔液亦可以清洗化妝掃)

過往我自己堅持唔會買專用的化妝掃清潔液，因為好似好貴及無必要，加上一枝化妝掃都是數百圓，只要用得上一年已經可以回本，再買過一枝全新的便可。但後來用左濕粉掃及遮瑕掃後我開始改變。

因為附在濕粉掃上的粉底用洗頭水是無辦法可以除去，這一來化濕粉掃越整越髒，跟住亦都試過用好多不同的方法！最後，都係決定買一支專用的洗掃液回來一試。

最後，得出的結論是專用的洗掃液真是洗得非常乾淨，只須一滴化妝掃上的粉底、遮瑕膏、胭脂、眼影一洗而去。這個Bobbi Brown Conditioning Brush Cleanser物超所值$140，相信可以用得上一段很長的時間了！

後記：清洗化妝掃時切記不要弄濕化妝掃的接駁位，因為這個位置只是用膠水接合，長時間接觸水份，會令化妝掃斷開。