今日係年三十公司放半日假，我大約一點鐘就放工，去左CWB行左一陣順便去渣甸坊買左幾件打底的樽領衫，CWB 咁多好野食，買完之後順便食埋我個lunch。今日揀左去食粢飯，因為好想飲咸豆漿。咸豆漿唔係四圍都有得飲，以我所知暫時只係得CWB這家！而CWB這家的粢飯真係好出名我都排了約半小時才可入內進餐！該店設有最低消費$18。
唔知係咪物價飛漲，以前要多肉鬆都唔駛加錢，但係今日已經見到多肉鬆的粢飯就要$22。我唸唸下如果要多肉鬆又好似唔係好底，所以最後都係選了一個正常的粢飯+咸豆醬。這家的粢飯係即叫即做，所以送到上來是熱騰騰，平時朝早食，佢條油炸鬼仲係脆卜卜，可能今次去食係下午，油炸鬼已經放了一段時間，所以已經唔脆了！
粢飯$14、咸豆漿$9
咸豆漿除了有菜甫外仲有這些白色的蝦仔，咁道好特別！
沒有留言:
張貼留言