畫眉係我每日出街前的指定動作，無法啦，條眉淡色，如果唔畫眉個樣唔精神之餘，亦都好奇怪。
韓國出的呢支紋眉gel，夜晚尋瞓前用，因為佢係gel，要等2個鍾以上的時間，才可以上到色。
瞓醒時，gel已經乾了，成為一片薄膜，只要輕輕力把它撕下便可。
這時整條眉就會出返嚟，顏色可以保持約3天左右。
這個產品很適合我用，而我自己亦喜歡。因為個盒的顏色我揀錯了顏色，憑個盒的顏色我以為呢隻色係深啡，原來佢係灰啡-_-#
2016年5月29日 星期日
2016年5月28日 星期六
美味的雲南米線
經朋友介紹試食裕一品四川雲南米線。
我是一個無辣不歡的人，友人說裕一品的大辣相等於譚仔的四倍的辣度。
講到咁堅我緊係要試下啦！
近年來譚仔已經開到周街都係，好似7仔咁緊有一間起左右，所以好容易可以食到，可能亦都因為係咁食物水準下降，已經不只一次覺得譚仔的湯底係有苦味。
今日因為要整電腦，而長沙灣又好近，咁就行過去試下啦，我點了大辣，店員第一個反應是你食到家啦，我沒有半點疑惑地回應「沒問題」！
見到碗麵第一個反應咁就係大辣？！完全唔似囉！對我來說食落都係唔辣，但係個湯底就好味好多，唔會好似譚仔咁有苦味。
裕一品的湯底係有少少甜味，配以麻辣大辣的味道恰到好處。而且配料選擇款式又多，我唸我會改去食裕一品，可惜是分店唔多，想食就要付出，要坐車去食了！
至於個小食紅油海蜇個醬汁好鹹，下次唔會再食，可以試下其他小食。
今日去左荔枝角整手提電腦，原來只係軟件問題，部電腦本身係無壞，而維修中心只支援硬件維修，軟件問題要打去技術支援中心自己整，好快就檢查完可以走了！
Lenovo的維修中心於香工隔離，既然嚟到入去行個圈，但係入面d衫都唔平，所以空手而回。
但比我發現到，原來香工係有幾間賣真皮皮具的店，價格又平，下次可以認真行下尋寶。
呢條裙好靚，本來好想買，但間店好多人，又唔知可以問邊個價錢，所以都係唔買了。
近來經常思考「需要vs想要」。「想要」是由慾望而引起，好多時是沒必要的東西，只係為一刻的快樂而滿足了不必要的購買慾。
2016年5月18日 星期三
ANNIE'S WAY~熊果素+玻尿酸淨白果凍面膜
ANNIE'S WAY~熊果素+玻尿酸淨白果凍面膜一盒可以用到5次，每次要敷於臉上要有5毫子的厚度及敷30分鐘。
ANNIE'S WAY~熊果素+玻尿酸淨白果凍面膜原價約$150，我這盒是用萬寧會員積分+$80換。
這個面膜要敷上30分鐘，敷之前要先搽爽膚水，於面上仍微微濕潤時可以薄薄一層將酙膜搽於面上，當第一層凍膜搽均全面後，可以厚厚一層搽圴全面，搽的厚度要有5毫子般的厚。
經過30分鐘後，皮膚已經吸收了部分的面膜，此時可以用刮捧將多餘的凍膜刮走。想效果更好可以敷45分鐘-1小時。
刮走凍膜後用清水洗乾淨面部，這時可以見到面膜的效果，面部明顯亮白，皮膚變得水潤。這款面膜敷得越耐、越厚越見成效。
要用咁長的時間敷這個凍膜，只有如此一般的效果，有點浪費時間。還好大大盒的面膜只能夠用上5次，很快用完，$80這個價錢還可以接受，不會再回購！試用過就算。
美顏除毛器
好多年前已經用過這類彈弓形的臉部脫器。
上個月去洗完牙，返屋企途中經過龍城，入去行了一行，比我見到這個脫毛器，二話不說拎去比錢。
我自己覺得這類脫毛器方便易用，除時除地都可以用。見個夾咁大，我係打算用佢嚟脫面毛，其實唔知依加巿面上仲有無線面呢個服務？
脫左面毛，皮膚會更滑，何解？因為面上的小毛毛，雖然憑肉眼係看不見，但係佢都係有一層短短的毛毛於面上，影響到手感！
脫了面毛有乜好？可以令皮膚看起來更白淨、更易吸收護膚品。但脫毛後會有皮膚敏感，之後記得敷個蘆薈啫喱，可以舒緩脫毛後的不適。
至於這個夾好唔好用……好大個，可以大範圍一次脫走汗毛，但操控有點麻煩，每次都要按個夾一下，等彈弓張開拉合後再拉起，加上個夾有偏大及不太適合面上的弧度。
比較我之前用過起citysuper買到個款唔係咁方便，citysuper買到個款係個星夾上有個脫汗毛彈弓，只要逆毛方向推就可以連根拔走汗毛，我主要用佢脫小唇毛。
後來起淘寶見到同款的脫毛夾都係¥7，如果大家有感趣又淘開野，不妨試下呢個夾。
以下是淘寶見到同款的脫毛夾
https://world.taobao.com/item/26383392446.htm?spm=a312a.7700825.1997196601.535.QCrIZP
2016年5月15日 星期日
Alissi Bronte Purissimo Plus+
每逢轉天氣皮膚都會乾燥得甩皮，護膚品一定要用有效，能從深層改善膚質才值得用。
Alissi Bronte是一個西班牙的品牌，以最天然植物為主要成份，採用天然草本精華、香薰精華及溫泉水，以獨一無二的配方，為每一位提煉出效果最佳、最貼身的護膚療程。
Alissi Bronte Purissimo Plus+ $980/30ml（原我以超優惠價$600購得），產品成份有93%透明質酸 （Hyaluronic acid），產品質地清爽，皮膚吸收後完全唔會有笠的感覺，而且產品的份子細更容易被皮膚吸收，整個冬季我都係用這個精華素，皮膚偶有乾燥到甩皮，但效果都滿意。
精華素更有效抗皺、淡化幼紋、提升皮膚的水份，一支精華素有幾個功能，雖然貴了少少真係物有所值。
2016年5月14日 星期六
灣仔峽道
行山只為了可以食更多，食更多都是為了行山，呢個意念都幾好，又可以行山觀賞香港的美景，之後又可以大飽口福！
今日是佛誕假期，所以行完山大家一起去食素。
因為天氣開始熱為免中暑，所以集合時間為早上7:15am
交通 : 中環交易廣場巴士總站乘15號巴士 (灣仔峽道落車)
素食餐廳 : 樂農 (灣仔)
行山路線 ：香港仔水塘道 》香港仔健身徑 》灣仔自然徑 》寶雲道健身徑 》姻緣石
往素食餐廳時經過囍帖街，而即炸卡樂B又剛開店，無人排隊，所以可以試下，即炸芝士薯條好味，但係好貴小小一杯$38，試一次就夠。
囍帖街街內的銅雕
樂農餐廳無懼風雨，佛誕行山去[瓢虫][瓢虫]
樂農素食餐廳（社企）的素菜，有水準，又唔貴，支持社企，會推薦這店給素食的朋友。
Bath petals salt scurb
身體磨砂一個星期可以用兩次，因為身體皮膚較易積聚死皮，多做磨砂可以令身體皮膚更柔滑。
這個磨砂於iherb訂購，售價約$130 / 567g，粗鹽粒，加入精華油，有淡淡的花香用完皮膚又白又滑。
如果大家有與趣可以於以下連結入內訂購！
訂閱：
文章 (Atom)