又係北上的日子，今日自己一個人去左東門，去東門係最簡單，羅湖坐地鐵去老街站落。如果去東門步行街就起E出口，去東門町就D出口 （上到起係個商場，上一層電梯見到H&M，出門口轉右）
去東門見到有間店d衫好靚，又唔貴，所以影係左個門牌，下次再去買過。
行完東門見到有叮叮糖，童年回憶喲！
2015年7月24日 星期五
白桃、金車厘子
上星期聽收音機話現在是日本白桃的當造，正所謂不時不食，當然要去入貨！
去果欄買水果是常識！
白桃即係我地平時講的水蜜桃。水蜜桃一定要多汁先至好味。日本水果一向出名好食，所以放擔買一箱。
睇左好耐都唔知，岡水清水白桃、山梨白鳳水蜜桃味道上有乜分別，果欄介紹話清水白桃味較淡但滑；山梨白鳳水蜜桃味濃，所以我買左一箱山梨白鳳水蜜桃，再買多一個岡山清水白桃$40/個。
試下邊隻好味d下次再買。
山梨白鳳水蜜桃 $600一箱13個
岡山清水蜜桃$530 一箱13個
黃金車厘子一直都想試，見咁平$35一包，一包有一磅重，美國金車厘子即將過造，總算過造前試食過，我自己鐘意食紅色車厘子多d。
山梨白鳳水蜜桃及岡山清水白桃，兩者間我覺得岡水清水白桃較好味！
山梨白鳳水蜜桃，水蜜桃味濃香及甜；岡山清水白桃味清甜，桃好滑。各有各的美味！
2015年7月22日 星期三
2015年7月20日 星期一
書展2015
每年去書展只係為了訂雜誌同買本書睇下，我訂雜誌只係貪圓訂雜誌的禮物而已！
今年去了書展兩次，都怪自己心大心細……
每年必定訂的雜誌ELLE，今年送的禮物一點兒也不吸引……所以都幾難先至可以挑選到一份比較適合自己的禮品！ELLE的訂閱價比往年平，今年續訂只係$298，可能係禮品唔吸引吧 $800！每年訂ELLE都會送一個福袋，今年亦都唔例外，福袋內都係一些試用裝及過住隨雜誌附送的禮物。
今年第一次訂imoney，於書展訂購並唔覺得有好多優惠，一年52期$680，只係送了兩張Haagen Dazs單球雪糕券。
第二次去書展係因為想訂返Jessica $330，書展結束前一日去，大部分的禮品已經送晒，可以揀的亦唔多，但係唯一的好處係今日訂可以選3份禮品，第一日入去都係送2份。3份禮物總值約$1165。
買左本Jessica 雜誌 $15，隨書附送一個環保袋，另外仲送了3塊美肌之誌面膜。
訂完晒雜誌，去左麥當奴食傻蛋漢堡。
訂購ELLE的禮品
訂購Jessica送的禮品
2015年7月19日 星期日
奧地利朱古力蛋糕
每個月的行山活動，改左整蛋糕。
我次做個蛋糕好簡單，無乜難度，絕對係可以自己起屋企整！
因為星期日的關係，所以只搵到呢間蛋糕班！
呢間蛋糕教室地方唔係咁乾淨，導師又比較求其，好多時食材跌左落地都就咁拎返嚟比我地用......
杏仁粉可以增加蛋糕的口感！
個人無乜藝術天份，唧花搞到整左一堆堆屎咁~~~
外表唔美觀，但不影響味道！
材料：
1) 砂糖 100g
2) 雞蛋 3隻
3) 唂咕粉 20g
4) 底筋麵粉 60g
5) 杏仁粉 50g
蛋糕底做法：
1) 將雞蛋、砂糖拌勻打起。(打至奶白色便可)
2) 將唂咕粉、底筋麵粉、杏仁粉過篩
3) 拌勻 2)的材料
4) 將已拌勻 3) 的材料倒入 1)
5) 輕力拌勻 4)，因為唂咕粉、底筋麵粉、杏仁粉較蛋白重，所以會沉底，切記輕力拌勻，過份大力會將蛋白內的空氣排出！
6) 焗盤掃油後再鋪上牛油紙
7) 將拌勻的蛋白、唂咕粉、底筋麵粉、杏仁粉分別倒入兩個蛋糕盤內推平均勻厚度
8) 放入已預熱的焗爐，以180度焗10分鐘
9) 將蛋糕放涼
10) 用刀沿蛋糕盤界 (方便蛋糕倒出)
11) 將蛋糕切半 (變成4塊)
12) 蛋糕的底部選用較完整的蛋糕，之後塗上朱古力軟心
13) 再放上蛋糕、再塗上朱古力軟心 (如果蛋糕有破爛可以用朱古力軟心填補)
14) 將放涼了的朱古力軟心放入唧花袋內再蛋糕面上即花 (朱古力軟心要比較乾，不然唧花會成唔到型，朱古力軟心太乾，唧出來的花又會唔靚)
15) 當朱古力花唧好後放入雪櫃，把朱古力軟心雪硬
16) 之後取出蛋糕切邊及灑上唂咕粉
17) 再放在朱古力花紋及士多啤梨裝飾
朱古力較心材料：
1) 朱古力 250g
2) 淡忌廉 170g
3) 全脂奶 50ml
朱古力較心做法：
1) 煲滾淡忌廉及全脂奶
2) 將朱古力切碎及倒入已煲滾淡忌廉及全脂奶
3) 將朱古力、淡忌廉及全脂奶攪勻
2015年7月18日 星期六
深圳美食一天遊
深圳全羊宴定左起今天，早左少少上左深圳行街！
唸住近近地去左東門，搭車又方便，由深圳搭去老街站E出口！
去到老街第一時間就係去食下午茶，行左去東門町美食街，食左個好好味的酸辣粉！
食飽就去行街，東門的衫都唔係好平，所以買唔落手，行下都OK。
朋友買左今期好潮的巴蕉扇~~RMB30平過香港好多。
滿心期待今晚的全羊宴，唸住會好好食，點知失望......
今晚全羊宴的餐廳~穆斯林賓館清真餐廳，全羊席RMB1,188，不過失望，沒有孜然粉的羊，真沒有新疆的羊肉風味！
國內訂位可以於大眾點評訂位，但必須要有國內的電話號碼。
我色的晚宴，食飽之後去左去甜品，估唔到深圳都有貓山王食，我點了個比較特別的甜味~貓山王豆腐花RMB28，貓山王豆腐花為是日晚餐畫上完美的句號。
2015年7月14日 星期二
2015年7月11日 星期六
Pond's lip & eye makeup remover
Pond's Lip & Eye Makeup Remover 係近來新出的產品，產地韓國，$62.90 / 120ml。
以開架產品嚟講，佢絕對係價錢大眾化，潔力都好好，可以輕易卸除眼部的頑固眼妝，不過就有少少偏油。呢個價錢抵用，效果又好。
2015年7月7日 星期二
貓山王
食臭臭果的朋友都不約而同話貓山王，真係好好味。
我自己食開泰國榴槤都已經覺得無得頂，食過馬來西亞樹上熟的貓山皇，就不得了！
之前都聽朋友話去果欄買水果，但自己又唔識，所以一值都係得個聽字！
為左個貓山王，所以上網搵下有個人介紹，起果欄邊間鋪可以散買！
最後，起Facebook搵到一間生果鋪~有利果欄！
用whatsapp 留言訂一個約5磅重的貓山王，好快有利果欄已經回覆，上網睇話要$78/磅，但去到果欄已經減左價每磅$50，最後個貓山王$260，拎上手已經聞到好香的榴槤味！
去到果欄見到有兩款榴槤放左出嚟，於是問下有乜分別，店主話D101盛產於1-6月果肉較實，味道偏淡，我本來都係想食好D所以買左金尊貓山王D197。
返到屋企爸爸係咁話好臭，好難聞，食完晚飯急不及待開左個貓山王嚟品嚐。
媽媽好鐘意食榴槤，每次開榴槤食，佢都係食得最快，通常我食完一楷，個榴槤已經食完。今次食不例外，一個榴槤有5楷，我食完第一楷已經無晒，食得慢就係咁……大家都覺得奇怪2個人點食5磅榴槤，鐘意食的真係不能解釋！
馬來西亞的榴槤係樹上熟後自然丟落，所以味道與別不同。
第一次食貓山王，貓山王~核薄，果肉好淋，入口即溶，每吃一口，口內都有一啖甘香的味道，同泰國榴槤的味道真係差好遠......完全唔能夠相比！細細個的榴槤已經有5磅重，真係唔好睇少佢！
如果大家有興趣訂可以起Facebook搜尋~有利果欄！
2015年7月6日 星期一
換領特區護照手續
個passport 就快到期，而且去旅行時passport 須要有6個月的有效期，有見及此都係早早申請定比較好。
上網睇完可以以下途徑申請
1) 起政府網站download 份form 填完連同相片及支票郵寄去入境處
2) 直接網上申請、upload 張片、EPS 付款
3) 拎份正本申請表，填完連同相片及支票郵寄去入境處
4) 去入境處用自助申請服務站申請
5) 網上預約到入境處申請
因為我拖下拖下都變得有點身急要快快申請，所以今次選擇了到入境處用自助申請服務站申請。
去到入境處對住部機完全摸不著頭腦，好在有個入境處的職員見我自己起度搞，見我又搞唔掂所以佢出左嚟幫我整，其實一步一步咁跟住指示做，部機又唔難用，重點係快，不須要預約，只要事前填好份申請表，帶一張相，EPS 就可以，比起傳統要預約申請快得多!
我份申請表是於郵局拎的，填好後本來唸住寄去申請，但係又好似趕唔切，所以先選擇用自助申請機。
申請表格可在政府總部詢問處，各入境事務辦事處，民政事務處及各大郵政局索取。
http://www.gov.hk/tc/residents/immigration/traveldoc/hksarpassport/localapplication.htm
表格
http://www.immd.gov.hk/tc/forms/hk-travel-doc/hksar-passport.html
上網睇完可以以下途徑申請
1) 起政府網站download 份form 填完連同相片及支票郵寄去入境處
2) 直接網上申請、upload 張片、EPS 付款
3) 拎份正本申請表，填完連同相片及支票郵寄去入境處
4) 去入境處用自助申請服務站申請
5) 網上預約到入境處申請
因為我拖下拖下都變得有點身急要快快申請，所以今次選擇了到入境處用自助申請服務站申請。
去到入境處對住部機完全摸不著頭腦，好在有個入境處的職員見我自己起度搞，見我又搞唔掂所以佢出左嚟幫我整，其實一步一步咁跟住指示做，部機又唔難用，重點係快，不須要預約，只要事前填好份申請表，帶一張相，EPS 就可以，比起傳統要預約申請快得多!
我份申請表是於郵局拎的，填好後本來唸住寄去申請，但係又好似趕唔切，所以先選擇用自助申請機。
申請表格可在政府總部詢問處，各入境事務辦事處，民政事務處及各大郵政局索取。
http://www.gov.hk/tc/residents/immigration/traveldoc/hksarpassport/localapplication.htm
表格
http://www.immd.gov.hk/tc/forms/hk-travel-doc/hksar-passport.html
Nature's Gate Pomegranate Sunflower Protet color-enhaned hair from fading
星期六染左一隻好靚的紫色，之前見同事用過石榴護色洗頭水，可以keep 到頭髮的顏色維持到幾個月，所以我又試下先。
Nature Gate 洗頭水可以於logon買到，洗頭水無乜特別的氣味，起泡都好豐盈，適合剛染過的頭髮，有護色的功效。
產品不含矽靈、SLS、SLES、動物衍生成分、化學防腐劑、鄰苯二甲酸鹽、人工色素
2015年7月4日 星期六
新髮型師
平時剪開個髮型師，不經不覺間剪髮已經收$270。
上次同朋友講開，佢話佢剪個間剪得好又平，所以今日去左試下，朋友話唔貴，所以我入到去咩價錢都無問，只係講我想整乜，本來想電髮再留長去，個髮型師話我現在的長度電唔到我想要的款式，所以今次染髮先，染左朋友染開的紫色，但係隻色起我頭上係唔出色，但起白頭白上就不得了，真係好靚，好鐘意！
剪、染、焗油$399，仲想點，呢間髮型屋同我之前個間比，用的產品係差一大截，但都唔係差的東東，髮型師剪髮又有心機，至於洗頭個女仔，按摩力度又夠。
整體非常滿意，下次會再去佢到剪，雖然遠左少少，但剪得我咁滿意，就難道！
髮型師剪左個我好鐘意的bob頭，雖然又變返短髮，希望可以慢慢咁留返長d頭髮……
剪完頭髮順道去譚仔三哥食埋晚餐先返屋企，譚你三哥多了很多新款小食，今日食了個涼拌蓮藕~好喊，如果淡返少少就好了。
2015年7月2日 星期四
Shiseido Nature Eyebrow Pencil
第一次用shisedio眉筆，真係想像唔到個效果咁差，完全係畫唔出色。
一支眉筆起專櫃買160蚊左右，我完全接受唔到佢的效果，今次丟左佢真係覺得可惜，但係放起度又無意思……以後都唔會買呢個品牌的眉筆~~
2015年7月1日 星期三
Shseido Instant Eye an LipMakeup Remoer
又試試另一隻眼唇卸妝液~Shseido Instant Eye & lip makeup remover ，潔力一般，卸防水防油的眼線液效果並唔係咁理想，唔會太油，普普通通的眼妝還可以！
訂閱：
文章 (Atom)