寫到去今日又係我最唔捨得的一日啦，因為過埋今日我就要返香港，於西藏的所有行程隨著今日的晚飯後而完結，真係好唔捨得這短短九的快樂時光。於這個旅程完全令到我忘記了心中的不快，忘記了曾經受過的傷害，但現實終歸現實，我即張好快又要回到一個忙碌的生活中，好享往這個無憂無慮的假期，更享往的是我可以獨個兒出發及反思。
無論幾唔捨得今日的行程都係要繼續，今日於日喀則參觀完班禪新宮後我地就會返回拉薩。
今日的行程係咁多日之中最舒服的一日，可以唔駛咁早起身，因為班禪新宮是9:30am 才會開門，我地去到時間岩岩好，可以望到班禪宮岩岩開門，如果早少少去到仲好，可以影到開門前班禪新宮的外貌。
起西藏過了第7日，去過好多間唔同的廟，可能我自己唔係咁相信佛教，所以我去參觀d 廟無乜太大感覺，純粹係當睇下中國的古典建築及佛像的手工及壁畫，入過去咁多間廟好似聽來聽去都係連花生大師個名，仲有的是釋迦牟尼。
這個班禪新宮好大細超家，遊客入場費要RMB30，而藏民只收取RMB1，其實可能間間寺廟都係咁，因為間間廟的都咁多藏民，只係我地無問所以唔知。
成個旅程有3個人物簡值係一個絕配，他們所講的說話真係尖酸刻薄，任由我個人幾好脾氣我有時聽到佢地講D 野真係有D嬲囉！今日張&古太又發功，當參觀班禪新宮的誦經房時，文爸爸問小曾可否坐下喇嘛坐過的誦經坐椅，小曾話可以坐，咁古&張太即時竊竊私語咁起度講呢度咁污JO 都唔明D 人點解坐得落去，又話都唔知有無蝨，comeon又唔係叫你地坐人地想感受下又預你們何干？何必要講埋D 咁GE 說話喎。學LEO 話齋人地喇嘛日日都係咁坐有乜問題吖， 人地咪又係健健康康得到佛祖的保祐。又嫌污JO、又嫌無餸好食、又賺辛苦咁去西藏又為乜呢，我自己覺得去西藏好應該去親身感受下當地個文化，嫌三嫌四不如唔好去。
今日又有一個新見聞啦，平時聽D 人成日講開光，今日我終於都親眼見到咩叫做開光啦！開光是一個宗教用語，簡單來說就是讓一件具體的物品附著上佛的法力，是用來避邪的。一般來說，越有名的寺廟、越得道的高僧開光後的東西越靈。
首先最出要開光GE物品於後放入一個櫃度，然係由喇嘛誦經咁件物品就開光完成！但我今日係見到個喇麻拍個遊客，唔知咁係咪代表人都要開光呢？如果大家信奉佛教下次不妨帶定一D你地須要開光的物品去，只要比錢當地的喇嘛是會為大家開光的。
是隔一晚細佬仲記得我尋日差d碌左落樓梯，今日要上樓梯佢叫我行先，佢仲話有咩事會兜返我上去，其實上樓梯我係無問題，我最多都係唔夠氣，我只係怕落樓梯咋。每次我落樓梯都會去搵我的安全感，無野都我扶住我真係會腳震家由其是d 梯級好高ge 地方！
呢度係班禪新官的內堂，我係比到錢影相，呢度d 喇嘛真係好現實，我地一入到去就有一個喇嘛行埋嚟收錢，我見自己 喇嘛見自己尋日都已經影過類似的廟，所以我費是嘥錢，點解我又會有相呢？因為leo 話呢度影得好靚，佢影完比我睇，我見佢影唔到牆上d 壁畫，因為我部相機個光圈夠大，所以我借左部機比佢影，唔識攞角度的我，當然第一時間將部相機推比leo 啦，等佢自己影，原來這個地方真係好靚！
臨走個時我好唔捨得屋頂這盞燈+一條龍，於是我就舉起相機偷影，細佬同leo 見我想影佢地不若而同將佢地比左錢個張ticket 比我等我可以任影，佢地實在係太好，不過我有我的原則，我只係要偷影一張就只會係這張。偷影完又要離開。
當我偷影完細佬同我講左佢今朝早一個好好笑的艷還比我知，真係笑死我啦！細佬話喎今日入到班禪新宮於門口位有個藏姑同佢有眼神的交流，個藏姑仲同佢單眼喎。不過佢話呀藏姑應該係四十幾步喎！其實藏民日日咁曬法可能佢真實年齡只係得廿多歲都唔出奇o家！細佬好好珍惜你的艷遇啦。
離開新禪新宮後，我地就要乘車返回拉薩，點知同leo 講開d 乜佢話我部相機應該可以影到全景，由我到達西藏開始我已經試過部相機影全景這個function，但係我影到斜晒，見反正有時間所以咪拎住部機試下，反正影相又唔駛錢唔影就會後悔，影完唔鐘意又可以delete左去 (呢個就係我的冷有原則的唸法啦！)
原來影全景係要隻手定，對岩個位咁成個景影出嚟都唔會斜左，我終於都影到啦，真係靚到吖，可以將全個影放到入部相機到得閒睇下回味下真係好開心。可惜的是我係於行程最後一天先至識得用這個function。如果唔係我實在開心到暈呀！
以下呢張相係用3張相拼埋左一齊做左一個全景圖出嚟，真係越睇越靚！
影完相之後就又到午餐時間，今日去左一間好簡陋的餐廳用餐，餸菜都係一d 好普通及簡單的菜式，小曾話這個餐廳的店主係自供自給，於餐廳後有一個自己的菜田，每日的菜都會於農田新鮮收割，由於店主是自己收割自己當埋廚師所以上菜有d慢。
成個旅程最嬲位都係起這間飯店發生，今日所有行程都已經完結，小曾的工作單位須要我們填寫一份問卷，只係問卷只有兩份，所以我們每枱一份，文爸爸一聽到要填問卷即刻起度講全部都填好就得啦，費是影響到小曾的工作。我地一路食細佬就一路讀D問題出嚟，我地就比意見點填，因為起中國要填返適合當地的文化，所以我地大部份都用非常XX來回答，文爸爸真係好搞笑，佢地兩父子無肉不歡，本應佢地可以比意見話每餐飯太少肉食，但只係文爸爸先至唸到囉，佢話如果我地填左只會益左下次個D 團我地又唔可以享用到，所以文爸爸話唔好寫喎！我地好快就填好左份問卷仲交埋比小曾。
點知隔離枱問左小曾借左我地份問卷嚟參考，佢地一睇完我地填左D乜就起度揶揄我地話我地答D 答案好平凡，佢地仲話要要寫好多野，古太又話我地寫埋論文都得我地有大學生，真係聽到我火都嚟，大學生好巴閉咩，你估靜係你地先識寫論文我地唔識，有陣時人與人之間的相處係咪真係要踩住人地自己先至會快樂？係咪真係要萬人景仰先至叫做好先，究竟可唔可以講野之前考慮下人地D 感受先喎！如果你地個枱D 人真係咁巴閉駛唔駛睇住我地個答案嚟踩，你地咁叻唔睇我地個份都應該要答得好過我地至岩。
之後再同LEO & MAY 討論返這件事LEO 的見解，係佢地有老人病，要個個都尊敬佢地，但我唔同意囉，我只係覺得佢地講野刻薄。
食完飯繼續向酒店出發，沿途一有靚的影點而又可以停到車司機都會停車讓我們拍照，今日我地係行一條新的公路返回拉薩，而這條公路只係昨日才通車，真係好開心又可以行另外一條路睇多D 唔同的風景！感謝天父的安排！
回到拉薩去埋最後一個景點：藏醫藥文化陳列館，其實都唔係咁想去聽，醫藥知識我地d小市民又點會識，不過小曾講解後去聽下又無妨。藏醫有別於中國的醫學，據說還比中醫好，今日聽完講解後知道這個國營的商店有一種藥物可以根治高血壓，我當時聽到對這個藥物都有興趣，高血壓者要食藥伴隨終身，而之前聽爸爸講過唔想一生都比藥物控制，所以對這款藥物好有興趣，姑勿論得仰或唔得買個療程都係千幾蚊，我負擔得起。原來leo 都對這個藥物有興趣，所以我地一齊去左問藏醫仲每人都買左一個療程。
買完藥就去樓下買藥材，西藏出名的手掌蔘我都帶了回香港，真係好貴....RMB2.8/g，據講手掌蔘的療效等同40%的冬蟲夏草，所以我買左半包返香港試下自己燉湯，反正湯就煲得多，燉湯我從來都未試過。
返到酒店起度等緊食自助晚餐時，酒店的大堂有個歌舞表演，等緊食時又無無聊聊咪影底去係為一個回憶。
到食緊自助餐時無端又有人走埋來獻唱，我留意到唔係枱枱都可以有這個免費服務囉，我地今天都叫做幸運。
食完晚飯時間尚早加上我地買的手信又唔係好夠，所以相約今晚去八廓街行下及去酒巴飲野。leo 去左counter問邊度可以買到手信，點知個經理二話不說就即刻推介酒店內的禮品店，這個盡心的職員真的值得稱讚。最後得leo & may 起度聽個經理教我地去邊d 地方，我呢個無方向感ge 人當然企埋一邊唔好阻住晒嘛。
今日係薩加旦雅節的最後一天，所以整個拉薩都在燃燒酥油x (我都唔記得叫咩啦，總知有酥油份)，陣味勁到好難頂。於八廟街見到好多藏民起度轉經，聽小曾講這個節日可能會通霄進行。沿途我地見到好多好多好多的公安站崗及維持秩序。
去完八廓街，我地就去左這個酒巴飲野，這間酒巴酒店的職員都有介紹過，所以放心入去飲野，今日我飲左青棵啤酒，好淡無乜酒味！隨住時間的流逝我們這個愉快的旅程即將完結，好開心認識到你們，尤其是細佬&leo 沿途take care 我。相識是一個緣份，希望將來再有機會出來聚聚...
！
賺唔晒成個團費我估一半都賺到啩
