April Skin Magic Snow Cushion SPF50+PA+++

哈哈……一直都以為自己已經出左呢個post分享 April Skin Magic Snow Cushion！答案係起個Blog搵唔到，其實我寫blog 一來係想分享一下我用過的產品，二來係作為一個記錄，又須要要可以方便翻查，不過寫blog 的意慾已經大大下降，可以係怕blog 的內容會再一次消失……

April Skin 一個高遮瑕度的BB cushion，集高保濕、高遮瑕度、水潤、光澤感及高防曬於一身！

因為我皮膚比較乾所以我選擇一白色呢款，白色呢款BB cushion 保濕度高d，但遮瑕度就會弱少少，其實無兩全奇美，反正我臉上只月少少暗瘡印，遮瑕度無咁高都無所謂啦！

一盒少少的cushion 內藏有15g的 BB cream，一盒大約可以用到兩個月左右，每次按壓一下可以拎到適當的份量使用！真的後方便~~~

April Skin Magic Snow Cushion 用了一整天顏色都無變暗，但用上6小時腳位有少少溶，不景都用了咁多個鐘，加上又唔係粉底，已經好滿意了......

April Skin Magic Snow Cushion 係無得換替芯，用完一盒之後就要掉左個盒去，感覺有少少浪費，但係就比較衞生，各有取捨吧！

價錢方面我買呢盒應該買貴左$170，我後來才知好多水貨店約售$140-150左右，反正咁好用又唔係買貴好多，都ok 啦！

 

7-11 x Sanrio characters 「扮」動物毛公仔 ~ Pekkle

我的第一隻Pekkle 並唔係我抽中，係同事抽中左又唔鐘意佢所以送左比我，咁我就可以擁有我第一隻的Pekkle。

 

扮羊的pekkle 雖然個樣奇奇怪怪，但係pekkle 咁耐都無出過產品，所以我都希望換到佢!好開心我終於都擁有到......

 

7-11 x Sanrio characters 「扮」動物毛公仔

有係儲印花換pekkle 的時候，今次只有7-11分兩個階段換公仔，而Pekkle 只會出現於第二階段，今年7-11安排比較好，第一階段換完就無，唔會好似往年咁，好易抽到重覆。

 

我自已儲到的印花並唔多，唸左好耐應該用18個印花免費換，定係7個印花加$20換，最後我選擇了後者，我選擇了用21個印花加$60換了3個公仔，換的時候都打定輸數知道自已唔會係個幸運人可以換到pekkle，所以換左公仔返到屋企都無心機拆開去 !

 

今次換到的公仔包括 My Melody, Kuromi, Osaru No Monkichi.....公仔的造功都唔錯，加$20都值得，如果可以換到3隻Pekkle 就好了~~

 

今期的印花無Pekkle 的蹤影

好想要呢隻Pekkle

McCafe 香橙咖啡

年近歲晚，都係去剪個頭髮等來年精神爽利~

年尾個個都迫埋咁上下日子去整，等左成3個鐘……等的人等度企起門口等@.@

起等的過程當然係周圍行下，見有麥當奴入去飲返杯咖啡先！

飲左今期最新的香橙咖啡，好香橙味，飲左杯$27.50，仲送左一條橙味朱古力餅！

燉洋蔥

咳了兩個星期，試下燉洋蔥水去咳呢個方法。

 

燉洋蔥水好甜，飲落都好味，但係燉洋蔥的味就唔係咁討好。

 

只係燉了兩次無乜作用……

 

都係去返睇西醫算！

 

做法：洋蔥去皮切開4份，放入燉盅內，燉1個鐘。

 

三聖邨海鮮宴

第一次去三聖邨食海鮮，完來起旺角坐小巴去三聖邨都好方便，於新填地街坐元朗小巴$20就可以安心於三聖邨落車，行車時間約40分鐘。

 

三聖邨有好多海鮮檔，自已揀好海鮮後再拎去餐廳加工，今次我們揀了南記海鮮飯店為我們加工食物，最特別係個芝士蝦，全部海鮮都好新鮮，海鮮係起榮利海鮮買共$3,070，南記加工費$1,770，平均每人都係$440 !

 

食完甜品，去了屯門食甜品，光頭仔甜品店係一間很用心做甜品的店，D24榴蓮河有三種層次 $60一碗，但成碗都係D24榴蓮真係好滿足~

芝士蝦

龍躉兩味

鹽焗奄仔

塔斯曼尼亞車厘子

起facebook見到話有塔斯曼尼亞車厘子賣，現在是車里子當造，一盒2kg$200，唸住買一盒返屋企同佢地一起分享，話晒果欄買，明碼車價，又新鮮d。唔係太甜，好味。

 

華強北

成日都聽人講話去深圳華強北買電話配件，今日終於都有機會去到呢個地方大開眼界。

 

交通：羅寶線》華強路站》A出口

 

華強路是分了幾棟大廈，集中賣電子零件產品、電話配件。而我地今日主要是購買電話配件。

 

華強路可以買到又平又抵的電話配件，這地方主要是做批發，但係零售都會做，但就會貴少少，但比起香港買到的價錢都係平一大截！

 

我今日買了以下的產品

1）自拍神掍RMB10

2）電話保護殼~底部可放八達通 RMB15

3）電話讀咭器RMB10

4）小米外置叉電器（山寨貨）RMB40

5）三星快叉電線RMB10

 

個小米叉電器明明係起一間有小米LOGO 的店買，店外門口擺放著攤擋，而擺放著的產品都有正貨擂射貼紙，但係賣給我們的卻是假貨！怪只怪自己沒有看清楚，只係見到個叉電器有電就比錢，同時官網係無呢款電池！中伏.....奉勸大家如要購買小米叉電都係去返官網買會有保證。