Pekkle行李箱貼紙

又訂了一大堆行李箱貼紙，因為實在太好用，價錢相宜，貼紙為3M貼紙，可以貼於任何平滑表面的物品，耐磨、永久不兌色，貼紙搣返出來都唔會留下任何痕跡。實在係太多! 今次主要是訂一些比較細的貼紙及一張40cm 的大貼紙。

40cm 的大貼紙實在係太美，剛好貼在1/2個31寸的行李箱上。

3-7cm￥2元

8-9cm￥2.5元

10cm￥3元

15cm￥5元一張

20cm￥7元一張

25cm￥17元一張

30cm￥27元一張

35cm￥37元一張

40cm￥48元一張

60cm￥100元左右

以下的圖是40cm 及10cm的貼紙大小比較。

賣家~小寶好好印好了40cm貼紙，立即拍照給我看，但係這個圖有點問題，不知為何pekkle的眉及咀的線條變幼了~~賣家好好，立即幫我找出問題所在，她幫我修改了我發給她們的矢量圖後，再印過另外一張貼紙給我~~太感動了!

今次賣家仲送了十幾張半透明的貼紙給我，真係好開心。不經不覺，我今次訂的貼紙又用了一半，遲些又可以再訂了:p

淘寶賣家：貼紙藝貼紙店

Pekkle 滑鼠墊

一口氣於淘寶訂造了幾款不同的產品。

今次這款是滑鼠墊，滑鼠墊長度60X45CM，好大張，又實用，滑鼠墊的面是布質，有少少厚度，底部是軟墊，咁大張都只係￥45。我自己就超鍾意，可以覆蓋了我大半張枱，好靚!不過收到實物有少少氣味，氣味是來自滑鼠熱的軟膠。

花朵数码旗舰店

 

Pekkle訂造雨傘

於淘寶訂造了 一把獨一無二的雨傘。

今次係訂造雙面傘，而我是揀選了先前找設計師畫的圖案做我今次把雨傘。

而我自己一直都想要一把Pekkle自動傘，奈何一直都無出過，趁今次的機會我終於都擁有一把pekkle自動傘。

雙面自動傘¥169，好貴，加埋我搵設計師畫的圖，把傘成本已經超過$500。

收到把傘真係好開心，因為好靚，但係把傘好大把，比起一般自動傘為大把及重。

起淘寶訂野，其實真係要唸清楚，因為你發給賣家的圖佢會拎去比其他人用，如果涉及私隱的圖，我勸喻大家真係要唸清楚。

兩傘袋的印製有點求其，只係用了傘面的設計圖整個印上去。

傘面我選用了7個圖案，因為有8塊傘葉，所以唔能夠平均放起8塊傘葉上邊，從設計圖係睇唔出，會有摺疊的問題，從下圖可以看出每塊傘葉圖案係有少少歪，不過都可以接受的。

Pekkle 行李牌

相信好多谷右都知pekkle 出了這款老翻行李牌，初初只於淘寶有售，行李牌¥7.5，運費(買幾多個都運費係¥10)，而我等了很久，希望可以有多幾款不同造型的行李牌，可以等極都沒有，最後訂了5個，實物好靚。

後來有谷友報料話廟街都有得買港幣10元一個。如果大家唔識淘寶，可以去廟街找找。

https://world.taobao.com/item/536462879659.htm?fromSite=main&spm=a312a.7700846.0.0.I0Rvze&_u=suve6ij5de2

Pekkle 銀包

起淘寶訂造了一個Pekkle 長銀包¥32.90

只要比你想印在銀包上的圖案設計師，他會造個初稿給我看，如果初稿OK，就可以印制，銀包質量好，只係Pekkle個咀變了偏橙色，有點怪，但整體上都滿意。

創二代店鋪

Pekkle 衫

淘寶真係唸唔到的產品都可以訂制，之前講過我係起淘寶搵設計師幫我畫圖，而以下這個圖Pekkle & Ruby 係我用了¥45比設計師畫，我只係比左Pekkle & Ruby 個頭設計師，叫佢幫我畫埋Pekkle & Ruby個身，雖然Ruby 肥左少少，不過都畫得好似 !

個圖咁貴我當然要善用佢，今次我決定用嚟訂做一件衛衣，之前有谷友訂過，我見佢分享的實物圖都好靚，所以我又訂一件試一先。

聯絡了客服，將要印在衣服上的圖案發了給他們，過了幾分鐘已經收到了以下的設計圖。

當收到設計圖後，如有任何不滿可以要求客服作出修改，例如圖案太小，可以要求改大圖案，但要視乎圖片的解像度。另外，圖案的位置亦可以按個人的喜好上下移動，只要指出所須要放在那裏，客服會即時再修改及再發設計圖，如果設計畫效果滿意才下單。

衫的收費視乎你選衫的類型、圖案大小及多少個圖等計算......

而我今次選的衛衣是爪毛底衛衣¥49，衛衣中間的大熨畫¥15，手袖上的細熨畫¥5，成件衫合共¥69 (折合港幣約$82)。

重點係一件起訂，訂一件及多件的價格都是一樣的，這樣可以免卻了團購的煩覆部驟。

今個冬天有Pekkle 陪我一起過~

這件就是我收到的衛衣實物圖，好靚，衫的質地好柔軟，感覺穿上會後暖!

看到照片會發覺件衫上的熨畫有點皺，洗後用熨斗熨了這個畫，最後圖案能夠熨到直返晒，所以下次可以再訂造其他的款!

我今次訂的是M碼，個人認為這件衫略為偏大。

淘寶賣家 : 莫凱倫旗艦店

手袖上的圖案是我於GOOGLE 上找到的，估唔到個圖的像數咁低，印出來的效果是咁清晰。

畫pekkle

萬能的淘寶，真係你須要的服務都可以於淘寶找到！

之前因為訂購了一些行李箱貼紙，但因圖片解象度唔高，未能印到大張的貼紙，於是客服介紹我可以於淘寶打 "矢量圖制作" 搜尋一些賣家袋為設計。

矢量圖是圖片可以無線無限放大，雖然我唔明是甚麼意思，但係個圖真係放到好大都好清楚。

但是我搵到的淘寶店都只係可以跟住幅圖畫，見價錢唔係太貴，所以試畫一張先，以下第一幅圖收費￥15 ($17.43)。總係覺得個圖有點怪怪，設計師話是一樣，而我亦講唔出有甚麼不同，所以就此作罷。

設計師畫好後會發原圖檔給我，設計師是用AI 文件檔，可以要求設計師轉為JPG傳給我的。

過了幾天心有不甘，心想其實上圖都有90%似，只係差少少，於是再比多個機會設計師畫多一張圖。

今次畫了以下幅圖，收費￥30 ($34.75)，今次pekkle個樣像真到100%，真係好開心。

設計師說因為今次是第二次畫，已經掌握到我的須要，以後可以安心，再找這位設計師做圖，如果大家有須要，都可以找一些好模糊的圖給設計師重畫一幅高解像度的圖。

設計師 : 蓓蓓

淘寶店: 溫龍工作室

https://world.taobao.com/item/520398884184.htm?fromSite=main&spm=a312a.7700846.0.0.Oh6IfZ&_u=cuve6ij7abc

淘寶行李箱貼紙

今次係第二次起淘寶訂貼紙，淘寶店訂到的貼紙的質量好好，佢係3M貼紙，可以貼於行李箱，或者浴室，可以隨時搣返出返，不留一點痕跡，真心抵買。

其實兩年前訂過行李箱貼紙，印出來的效果唔錯，因為又換了行李箱，所以一直都想再訂，但係訂制須時，要同賣家溝通每張圖可造到的大細係最花時間，因為之前答應了一位谷友發圖給她，所以的起心肝搵返d圖出嚟。

3-7cm2元

8-9cm2.5元

10cm3元

15cm5元一張

20cm7元一張

25cm17元一張

https://world.taobao.com/item/6750175257.htm?fromSite=main&spm=a312a.7700846.0.0.KqSruz&_u=luve6ij34ab

這張相左手邊係25CM (約一張A4紙)，右手邊係20CM比較一下個大少而已

快速叉電線

之前條原裝三星叉電線壞左後，一直都係起淘寶淘D代用快叉線返嚟用。

第一次訂快叉線是於guzel 旗艦店買，條線是兩用 (可以叉三星及iPhone)，初初買時就特價¥5.9一條，不過現在要¥11.9，所以再起淘寶搵過第二間店。

跟住搵到yoobao旗艦店，一條1m的數據線¥7.9，比起之前個間貴左少少，但個實物包裝好精美，裏邊仲有一張合格證，這條叉電線比起於guzel買的叉得更快，貴少少都物有所值。

同樣這兩間的叉電線都可以於用電話同時又叉到電，這個係好重要，因為試過買到一些電話線是不能同時用及叉電 (我指係雖然叉緊電，但係電話上顯示的電量只有減少而沒有增加)。

自動錶盒

 因為家中有幾隻手錶，買左唔用係我的性格，到今日都未能改變這個壞習慣，因為錶唔用又唔幫佢上鏈會好易壞，所以要買返個自動上鏈錶盒幫隻錶上鏈。

 

起香港買一個可以放到兩隻錶的自動上鏈錶盒約$500，所以我又試下起淘寶搵下，比我搵到一個錶盒人民幣190，可以用乾、濕電的自動上鏈錶盒，平了一半!

 

自動上鏈錶盒質量很多，與我起香港見到的款式是一樣，是實木的款式，可以放兩隻錶，有仿皮的錶托，有了這個錶盒就不用經常取隻錶出來搖....

 

淘寶買家: 緣木時尚

 

淘寶集運~~超重

放假閑在家中，無無聊聊無野做，幫屋企人淘寶，見淘開咪自己又淘下囉！

自從淘寶可以起郵局自提後，我覺得好方便，又唔駛搵人起屋企收件。

今日所有貨到都到了集運倉，共買了十幾件產品，付款時包裹重7.3kg，原來郵局取件有重量限制，只可以於4kg 以內，所以我無得揀只可以於集運商自取或送上門。

因為取件地點係旺角~金雞商場，地點及交通都方便，所以揀了自取，得7.3kg自取又有點吃力，不過自取較方便！

集運商~中通快遞，運費首重RMB13/kg，續重RMB2.5/0.5kg，運費合共RMB45.50，總運費連手續費=HKD58.07

今次淘寶最重的物品就係呢部磨粉機，重3kg。

磨粉機賣家 : 夏新聯保電器商城

淘寶購物及集運

近呢一年先至學識淘寶，而我自己覺得起淘寶買衫真係唔平，質地又未必係咁好，加上淘寶買野又要比手續費及運費，加加埋埋買一件衫分分鐘貴過起香港買。

今次因為要買去哈爾濱的保暖褲，所以去淘寶搵到一家店由係由東北人開的，專賣東北保暖衣物，我自己今次買了保暖衫及保暖褲。

因為淘寶是全中國免運費，所以我今次依然都係用集運的形式於不同的店鋪購物後一次過運送到深圳的集運倉，當所有物品齊備後就運送到香港。

今次起4家店各自買了小量的用品，全部物品共重2.5kg，運費RMB19於香港郵政局領取。用PPS或八達通比錢手續費是1.5%，平過信用咭好多。

首爾美衣櫉
呢件衫睇中了很久，但因為無乜野要去淘寶買所以一等再等，點知比我搵到呢間衣店只係RMB26.5，第一次買到咁平的衫！

實物同圖中有色差，實係藍色部份係綠色，衫的質地唔錯，咁平有色差都係預期中事。

淘寶~郵局取件

由完全唔知淘寶係乜，到依家大概都知道如何於淘寶購物。

因為順豐的運費實在係太貴，所以我今次試左去郵局自提，其實我都唔知郵局自提運費會係幾多，只係唸住方便，可以自己預時間去拎件。

香港郵政局與中通海外合作，如果一定要郵局取件的話快遞公司就一定要選用中通海外。

付款時選集運→中通海外→選自提點 (可參考淘寶集運教學)

賣家會用快遞將包裹送到中通海外的集運倉，之後等齊所有貨品送到集運倉後，選擇集運訂單。

系統會再計算總運費，付款後集運商就會將我的包裹送到香港郵政局。

中通海外於香港郵政局自提運費，首公斤RMB13，續重RMB4。

當郵件送抵郵政局後，中通會發一個領取郵件的短信到我的手提電話，入面會有一個領件密碼，之後就可以去郵局領取郵件的窗口出示領取郵件密碼，話咁易就可以拎到郵件。因為郵費集運時已經全付清，所以拎件時不用付款！

行李箱貼紙

成日去旅行見到人地個luggage貼滿鮮艷的貼紙，一直都好想買嚟怖置自己個luggage。

因為我個luggage係一個好平凡，而且大路的品牌，試過好多次起行李帶上見到件一模一樣的行李，為避免拎錯行李，所以想起個luggage上整多少少特徵上去。

萬能的淘寶真係咩都有得買，就連行李箱貼紙都可以訂造。其實仲有另外一間淘寶店有得訂造而且訂造價亦較平，但我與賣家聯絡了兩天仍沒有回覆；最後唯有選用這家店。

我訂造呢間淘寶店，相對價錢係比較貴，但係貼紙係用3M貼紙，所以貴少少都值。

今次選用了中通速遞及香港郵政自取點領取郵件，我淘寶的經驗較少，每次付款時都出現問題，今次買的價錢最少，浪費了很多時間reset password!

貼紙價格一點也不貴

10cm~15cm:RMB3 x 6
5cm~8.5cm:RMB2 x 11

因為知道郵局現在都可以拎件，所以我今次選擇了去郵局拎，呢件件重0.2kg。原來選擇去郵局拎會好件件運入去中轉倉，之後再付到郵局的運費便可。

今日終於都收到d貼紙，效果好好，有三款圖個解象度唔高，所以印出嚟唔係好靚，但係個店主已經一早告訴了我，所以沒有失望，而10~15cm的貼紙印出嚟係最好，之後會再大量訂購，務求可以貼到一個鴨鴨行李箱出嚟。

淘寶賣家：貼紙藝貼紙店

淘寶~衣物篇

D 人話淘寶係會淘上隱，原來是真的！

萬能的淘寶乜都有得買，真的方便！

因為運費都幾貴，所以我每次都會買多少少，本來運費是$30，但去到順豐拎件的時候收了$61運費，之後問返個買家佢話因為件件超重有2.5KG，因而運費貴了！

衣物質料好好，加上價錢又唔係太貴，今次買了9件衫，由RMB20~RMB89加埋每件衫的運費$6.7價錢都好合理。一句講晒抵著及抵買，加上買家發貨速度快，大約4日就可以收到我的速遞包。

淘寶賣家: 夏日飛飛

淘寶~飾物篇

上個月去左利時買衫，一買就買左成三千蚊，直係覺得自己有少少瘋狂……

其中一件的小飾物賣成三百蚊，於是我自己試下起淘寶搵，點估真係比我搵到，仲要係十分一的價錢，經過我計過數之後，我算得買多幾款比埋運費都抵。

今次買左十件飾物加埋連埋RMB30的運費及3%的行政費總共RMB151.45。起利時買一條鏈都要$299所以覺得好平。

即時比錢買了呢堆飾物回家，超快的速度收到貨星期一訂星期三收貨。因為賣家用順豐速運送到屋企所以要再比多$18運費，呢$18的運費令成件事都唔同晒，個成本高左好多!

打開包裝見到飾物好靚，但唯一不滿係有三條鏈須要自行用箝修理，不一分錢一分貨，不能期望太多。

整體上今次淘寶的物品好滿意，至少實物同圖係一樣。

今次的賣家係：新亞新商城韓國飾品

淘寶 ~ 再訂Pekkke 保護套

上次訂的電話保護套真係好靚，所以我又忍唔住再訂多一批，不過人民幣咁貴所以都係忍下手。

我相信我係用唔晒d 保護套，但為了share 個運費所以要訂多幾個先至抵，我計過連埋人民幣25運費，訂三個折返做港幣都係200左右，呢個價錢起香港只係可以訂制到一個仿皮保護套，依家同一個價錢有三個殼，仲送三個保護貼，真係好抵，不過呢個賣家用的速遞公司送貨超慢，件件明明三日前到左香港但就今日先至派到屋企，仲要又係入夜先至送到……

淘寶~Pekkle S5 保護套

第一次淘寶，失望......

因為換了新電話，所以四出搵件靚衫比部電話著，於FB 見到有人話於淘寶可以訂購個人化的電話套 (提供圖片給賣家印制)，於是心私私托屋企人代訂，誰不知等了一星期還未幫我訂，心急的我唯有膽粗粗自己試下啦。

提供了圖片給賣家後，賣家會起一個印制後的版給我看，如果OK 先至落單，所以咩圖片的可以做到，而我當然選擇我最愛的pekkle。

上星期五訂，賣家星期日寄給我，星期三晚上才收到！

打開速遞包時好開心，因為產品包裝精美，但當我拎晒所有訂購品出來，發現少了一件貨品......

因為第一次用淘寶，真的不太清楚淘寶是如何運作的！

發現少了一件貨品心裏又少少不憤氣，即時與客服聯絡，賣家堅稱所有貨品已經寄出，不作任何讓步，小店還說因寄香港運費比較貴所以發貨時再三確定貨品已經寄出。

一個保護要人民幣69，都不算大貴，但少了一個又心有不甘，再三的理論都沒有結果......最後的結論可能是速遞方面出了問題。

電話套印制的圖案精美，不過這個套不是原裝電話套，所以電話套的休眠視窗功能未能運作--->真的是電話套質量的問題！

本來唸住收到第一批電話殼後，會再之訂購，如此是否雖要放棄呢？
今日賣家終於都作出了讓步，其實我只係要求退款我少收了的貨品，賣家了解我的意願，初時只係唸住補發貨品，因為我是第一次用淘寶，所以希望得到更大的保障，賣家都明白，所以願意退款，退款過程好順利，於淘寶申請退款，賣家確認後即時收到退款信息。不過退款過程會蝕了手續費及人民幣差價....
淘寶賣家：智優樂數碼