不經不覺又過左四個月了，農曆新年之前經由報章得知紅十字會呼籲A,B,O型血的人士去捐血，因為這3類血型的存量達到警界線，但係我自己因為未夠四個月未捐得血住，所以一值起度為血捐日倒數，今次捐血係最順利的一次，原來捐血前一定要食左野先，今日我去整完頭髮，唸住捐完血先至去食野，點知姑娘話我未食野唔可以捐血，佢話有D case 係因為donor 未食野去捐血，所以一捐完血就暈！所以我被迫去食左野先！
今日好慘，用晒成副身家去整頭髮，個人又懶得去禁錢，所以要數清楚個散紙包有幾多錢先至可以order 野食！最後當然係有驚無險，食得飽之餘仲有錢搭車返屋企，返到屋企仲有$1.30剩！返到屋企樓下當然即係禁返d 錢旁下身啦！如果唔係明天邊有錢搭的士呀！
今日個血壓指數好正常，姑娘話可能我係食完野即係去捐血 (上壓120, 下壓79)，今次出血姑娘話比想像中好，我用左1.5min 就輸了80cc 血，之後每一下都可以出到4cc 血液，所以話咁快就捐完血！唔知點解今次咭針係勁痛...今次捐血我問姑娘可唔可以起返同一個位拮針，我話我唔想要咁多個針孔，姑娘答我都見唔到你上次個孔，我指比佢睇，佢答我都唔覺眼，之後姑娘仲問我唔要分散投資今次用隻右手捐，我答佢唔駛，姑娘話拮針真係睇手勢，好難話可以起返同一個位，佢佢講笑咁話如果你比人查身份證一定無問題喎！
次次去捐血都見姑娘拎住好多個血袋，今次好八卦咁問下姑娘我捐一包血點解會有咁多個袋，姑娘話我捐GE 係全血，捐完之後佢地會分返開血清、血漿之類，所以一包血唔係只係救到一個人，而係一包血可以救到幾個人家...
下次再去捐血要做的準備工作有多了一樣，就係要食左野先。
原來農曆新年期間去捐血會有一個好特別的小禮物贈送，對我來講雖然係無乜用，不過我都會影低去做個留念！
沒有留言:
張貼留言