Octard Cover Foundation

無意中比我發現左一隻好好用的遮瑕膏，其實我唔識得呢個牌子，但係見買開野見到又想試下，點知第一次用已經愛上左，佢的質地好creamy，搽上眼遮黑眼圈遮得好好，佢比起一般的遮瑕膏係厚左少少，但補濕度好高，搽了超過十二個鐘都唔會溶，價錢又平只係$65就會有20g，真係超抵用！絕對值得推介給大家！

Quealy II Palette Cancealer

這個遮瑕膏我都唔記得幾邊度買，應該都買左一段時間，都已經用過好多個唔同品牌的遮瑕膏，但係好用個D品牌又已經唔再出，所以搞到我成日都要去試下邊度牌子好用，而遮瑕度亦要比較高。

見以下這個日本品牌有4隻色，方便我自己溝色用，無論遮黑眼圈或者暗瘡印都遮得好好，我係用掃上，個質地比較硬但都好容易推開，遮瑕度都幾高，可以遮到我的超嚴重黑眼圈。有四隻色可以比我慢慢溝色，溝到可以遮到我個黑眼圈為止。而佢又唔乾起碼都keep 到6-8個鐘。遮暗瘡印及紅印效果都好好，平平地的一個品牌，真係抵用！

Maybelline Pure Concealer

其實一直都尋找緊一個可以完全遮到我對熊貓眼的產品，所以每當有雜誌介誌邊隻產品遮得好，我就會心思思想試下係咪真係得。今次本雜試介紹Maybelline Pure Concealer見佢平平地 $59，如果唔好用都唔會肉赤，所以我就去買，點知搵左好多間萬寧或屈臣氏都無貨，而有得賣的地方都只有1號色，我自己試過1號色太淺色應該遮唔到我個眼圈，於是我又四圍去搵下個2號色來試試，最後我起起朗豪坊專門店搵到，見搵得咁辛苦色都無試就買左。

佢個質地好易推及好貼，經過長時間又無溶、又無起眼紋，就咁單獨用佢遮唔晒我個黑眼圈，所以我會再溝色，溝完色個效果會好些，但係都未如理想。如果只係想遮暗瘡印佢係絕對無問題，用個價錢去計這個Concealer都算唔錯！

Bourjois Healthy Mix Correcting Concealer

化妝已經成為我生活的一部份

我有D舊同事講過佢地就算落街買個公仔麵都會化全妝

咁我自己又未去到一個咁誇張的地方
間中都會素顏去街，但多數都係唔知醒返學的日子
唔化妝最多都係無咁精神及同埋比D 朋友話黑眼圈好嚴重
之前我一直用開Bobbi Brown corrector，我唸都用左成兩年終於都用晒
Bobbi Brown實在係太乾，真係唔係好岩我用，但就遮得幾好
一直都有留意邊個牌子Concealer好用，又無咁乾
本來想買laura mercier，但係佢又缺貨要等成個月先至有貨，我2月尾留左電話，到現在都仲未有電話通知，可能laura mercier concealer真係出名好用啦！

由於我唔等得，所以我最後買左Bourjois Healthy Mix Correcting Concealer 見佢係新出及之前用過佢d concealer 真係保濕度好好，用了成日都無眼紋，最重要係平！咁大支都只係 $96 (10ml)

但係Bourjois Concealer唯一一個缺點係可以選擇的色系比較少，遇到我這些嚴重黑眼圈的人，其實會偏向買一個偏橙色的concealer，再溝淺色咁個遮瑕效果會好好多，如直接用Bourjois Healthy Mix Correcting Concealer，我個黑眼圈遮出來的效果會變灰，所以我自己會用Bourjois有掃個隻遮瑕打底，最後起面就會用Bourjois Healthy Mix Correcting Concealer。效果出來會好D，但都係遮唔晒我個超級黑眼圈...

Bourjois Anti-kringen Concealer

今次介紹下一隻高保濕度的遮瑕膏

佢就係Bourjois Anti-kringen Concealer，一d 都唔貴大約$100

我自己個黑眼圈都幾嚴重，所以一定會用遮瑕膏搞搞佢

之前我係用bobbi brown 買左佢之後真係好後悔，貴都不在話下

因為黑眼圈嚴重所以要買一個較深色的corrector，再加一個淺色concealer，再加埋枝掃。bobbi brown 呢set 野都要接近$600，但bobbi brown 真係遮得幾個，但佢個缺點係太太太乾，搽左之後個幾鐘，眼紋就會出現，情況都幾嚴重。

今次呢支Bourjois Anti-kringen Concealer，佢ge 保濕度真係好好，用左咁耐完全唔覺佢會出眼紋，但係佢都有缺點，只係得兩隻色選擇，同埋佢溶得好快，大概只可以keep 到3-4小時，至於遮瑕度方面，大概可以遮到60% (但以單色來計已很滿意)，所以我自己會將佢搽起底，ontop 再溝多一隻淺色d遮瑕膏。至於遮暗瘡印絕對無問題！以價錢及保濕度，個人覺得絕得底用&好用！