神阻擋驕傲的人、賜恩給謙卑的人。(雅4:6): 11月 2015

2015年11月29日星期日

行山騙局

行山路線: 麥理浩徑7段》畔塘徑》草山》鉛鑛坳》城門緩跑徑》城門水塘主霸

約了8:30am 於荃灣地鐵站食過早餐之後再往城門水塘行山去，我們5人一起乘的士往城門水塘主霸，截到的士時司機話唔識路希望我地帶路，初時以為佢想趕我地落車，最後原來佢真係唔識路，佢用Google map 搵完路之後都車我們去到目的地!

早上10:00am 起程由城門水塘主霸開始，行去麥理浩徑7段，再去草山，原定係hea 行應該3小時可以完成，誰不知行的時間多了一倍有多，於好多行山網都係話麥理浩徑7段係有4星難度，但經過上星期梧桐寨的訓練，我自已覺得這條路線尚算行得輕鬆! 全程用了6.5小時就行完，由早上行到日落，感覺得幾特別~~

今日天氣真係好好雖然已經接近12月，但依然都係20度左右的天氣，去到水塘可以睇到植物於水中的倒影，唔講可以大家以為我係身處外地，香港都有好多好靚的地方，放假出去走走親親大自然，一樂也!!

第一次的長征，但一點辛苦的感覺都無，這條路線真係好舒服，可以再行~~

響玲出現於車仔麵真係幾特別，個車仔麵又真係幾好味:p

2015年11月28日星期六

自動錶盒

因為家中有幾隻手錶，買左唔用係我的性格，到今日都未能改變這個壞習慣，因為錶唔用又唔幫佢上鏈會好易壞，所以要買返個自動上鏈錶盒幫隻錶上鏈。

起香港買一個可以放到兩隻錶的自動上鏈錶盒約$500，所以我又試下起淘寶搵下，比我搵到一個錶盒人民幣190，可以用乾、濕電的自動上鏈錶盒，平了一半!

自動上鏈錶盒質量很多，與我起香港見到的款式是一樣，是實木的款式，可以放兩隻錶，有仿皮的錶托，有了這個錶盒就不用經常取隻錶出來搖....

淘寶買家: 緣木時尚

2015年11月26日星期四

麥樂會2016

往年都無唸住做麥樂會的會員，但今年被麥當奴叔叔的公仔吸引住，加上送的入會禮物好吸引，入會費都只係$40，但送的禮券、禮品總值一定多過$40。

行左去幾間老麥都只係見到個檔招收會員，但無人收表，所以擔粗粗去左問老麥經理，話咁快就入左會了！

成為老麥會員，每次買滿$28會送老麥食品，係咪好抵呢！仲想換埋隻漢堡神偷添-_-#

2015年11月22日星期日

腳震震行梧桐寨

梧桐寨被譽為香港四大自然其景之一，爛石路雖然難行，但美景當前值得！

行山路線：大帽山頂閘口→大帽山雷達站(白波仔)→麥理浩徑8段→梧桐寨瀑布→林錦公路

全程行了5小時，大帽山段有好多芒草很美，這段十分易行，又可以睇到好多芒草，如果只係想睇芒草，去大帽山比起大東山一定更容易~~

***行梧桐寨一定要帶行山杖，全程沒有洗手間，如出發前一日下面行程要取消，因為沿途的石級好滑，易出意外!!

於荃灣地鐵站B出口，往政府合署坐綠色的士 (車費約$70) 直接上大帽山頂閘口停車場 (或者可以坐巴士去大帽山但會行多一小時)

今次係我行咁多次山影得最多相的一次，風景真係美不勝收~~香港都有靚景，只要肯付出行行走走花小小時間去尋找，必定會有意想不到的風光在眼前 !

可以參考以下行山網關於梧桐寨的行山路徑
http://www.hike.hk/load.jsp?route=wfall&page=1

芒草生於山上，生於水中的為蘆葦

白波仔~軍事雷達站

芒草

遠眺石崗機場

好斜的石級路

散髮瀑

往梧桐寨的爛石路

主瀑

於石級的蜂巢

中瀑

摩西犬

井底瀑

行完山來一罐冰凍的可樂，人生一樂也~~

於林棉公路坐54K到大埔街巿食午餐

2015年11月15日星期日

Lanolin-Agg-Tval 維多利亞蛋白面膜

Lanolin Agg Tval 維多利亞蛋白面膜，一件風靡韓國的潔膚皂，既可以洗面同時亦可以當作面膜使多，一物兩用好方便呀 !

潔面皂已經於各大萬寧有售，售$69 連一個梘盒。而我這塊潔面皂是上次去印度旅行時同領隊買USD11。買貴左好多-_-#-_-#不過我買個刻又唔係太肯定係咪萬寧賣緊個款，所以咪又笨左囉。

用潔面皂一定要買一個起泡網，如果唔係真係好難單憑雙手捽到起泡，起泡網可以於莎莎、卓悅買到，因為我係卓悅股東，卓悅買一常用品係我首選 ! 起泡網$10，只要用皂於起泡網捽兩下，之後輕輕捽下個網，咁就可以起到好多泡，用嚟洗面或者敷面都可以。

用嚟洗面可以去除面上的油粉、污垢，現時天氣用剛剛好，用嚟做個Mask 將泡沫敷在臉上5分鐘就可以。

當mask 敷完有少少乾，間中懶時就會用佢當埋mask 敷，平時我自己會當佢係一件洗面皂用.....