好鐘意食芝士，香港並唔係好多地方有芝士麵食。
而一向好出名位於尖沙咀的芝士撈丁已經無以前咁好味。
位於旺角~安安燒，有芝士撈丁，用藍芝士、巴馬臣芝士、車打芝士再用金槍烘燶芝士表面。好香燶的芝士味，真係芝士迷的大愛。
至於燒物，安安燒的醬汁燒雞翼真係好惹味，有孜然粉及梅粉的味道。
安安燒現在只做夜市，而且經常要排隊，因為佢個芝士麵同燒物真係好味。兩個人只係食左$205 都唔算好貴。
2015年2月28日 星期六
2015年2月26日 星期四
2015年2月23日 星期一
2015年2月22日 星期日
深圳野生動物園
農曆新年長假，本來安排左去張家界，但總總原因未能如期出發......
所以改左去深圳的主題公園~深圳野生動物園。
門票￥220，而我係經Yahoo 團購，票價只係$79，真係平左好多！$79呢個價錢絕對係超值。
深圳野生動物園好大我地朝早11點開始行，到動物園閉館前我地岩岩好行晒，行足6個鐘。
整個動物園內有世界各地不同的動物，去一個動物園可以見到好多不同品種的動物！而呢D動物起香港亦都唔係咁易可以睇到！
一入到園內見到有好多孔雀，有白色的孔雀開屏，之前再見到藍綠色開屏孔雀，真係大開眼界！
凍凍地的時候去動物園係最後，咁清涼的天氣都有一陣好嗅的氣味，如果夏天去真係好難想象！
園區內可以餵動物，當我起度睇的時候心裏覺得好難受，動物園為了吸引更多遊客餵動物，竟然餓到d動物傻，由其是大踪熊為左搶食起度打架，弱肉強食完全可以起呢個動物園內睇到！圈養的老虎亦如事......
於動物園內多付￥10可以觀看俄羅斯國際馬戲節，呢個表演都好精彩，絕對值得花￥10去睇！
撇除了餓住d 動物，呢個動物園係值得去的！但原價￥220我就唔搭得去，團購價係超值，動物園又大雖然好多人，但都行得好舒服！
2015年2月19日 星期四
大年初一團拜@2015
搭入羊年，祝大家身體健康、龍馬精神、心想事成、想個樣有個樣、大富大貴!!!
今年都係去回鄉度歲，見到咁多長輩，加上後輩已經不經不覺間長大，而我的輩份已經越嚟越高，不得不慨嘆自己年華老去……
今日包車回鄉，用的租車公司~神州租車，於香港上市的。
司機好有交帶，又準時，車很新，乾淨，司機駕車又夠定，以後自遊行中國可以用這間租車，又安全，又方便。每程車費都係¥360，因為春節其間全國不收取路費，平時要再加上路費的。
2015年2月18日 星期三
Claim travel insurance
第一次claim 旅遊保險，初時以為跟旅行社買保險有咩事要claim 佢地會幫我全部辦妥，但完來唔係!!
個喼起回港的時候被掟到個鎖壞左，無法再鎖上，其實就咁用肉眼睇係見唔到個鎖有咩問題。
好在起機場時有個團友要必理痛，我開喼拎比佢時發現個鎖壞左，如果唔係連呢少少的保險金都拎唔到。
當發現個喼壞左，就要做以下的步驟：
1) 當地機場的information影相，填申索表
2) 去旅行社拎份保險索償申請表
3) 填寫索償事項
4) 連同保險單收據、boarding pass、機場填寫的申索表、喼損壞照片 (因我個喼係零件損壞，所以相片是無法證明，而保險公司亦不需要我提供，但要於申索表列明"零件損壞")、購買喼時的收據 (如有，未能提供請於保險申索表列明“已遺失”，可以加速保險索賠時間)
5) 寄出 (3)及(4)的正本到保險公司
1) 當地機場的information影相，填申索表
2) 去旅行社拎份保險索償申請表
3) 填寫索償事項
4) 連同保險單收據、boarding pass、機場填寫的申索表、喼損壞照片 (因我個喼係零件損壞，所以相片是無法證明，而保險公司亦不需要我提供，但要於申索表列明"零件損壞")、購買喼時的收據 (如有，未能提供請於保險申索表列明“已遺失”，可以加速保險索賠時間)
5) 寄出 (3)及(4)的正本到保險公司
**填寫所有的資料要準確，否則會影響索償進度；同時亦須要於一個月內申請索賠。
其實起機場填申請表時，佢係比我選擇免費維修或賠償，要即時2選1，我當時選擇了賠償……
最後保險公司根據我個喼的價值，賠償了$250，但個喼拎去原廠維修係要$350。現在苦惱中應該買個個新的還是維修……
由寄出保險申索表到收到賠償，大約須要一星期的時間！
2015年2月17日 星期二
Chacott Finishing Power
碎粉~~又可以試其他品牌!
今次買左Chacott Finishing Powder，超大盒170g 都只係$175，平時一盒30g的碎粉可以用到一年，呢盒起碼可以年到幾年。
Chacott Finishing Powder好出名，碎粉好幼滑，唔會click 粉，碎粉唔厚，亦唔會領皮膚乾。但係飛粉情況比較嚴重，不過無影響我到這個產品的鍾愛程度。
今次買的顏色係#754，顏色適合我的皮膚，碎粉定妝效果又好，大大盒又平又抵用。
2015年2月15日 星期日
New boots@Steve Madden
農曆新年將至，記得兒時農曆年前都會買新衫、新鞋過年。當自己出嚟社會工作後，有了經濟能力，隨時隨地都可以買到衫褲鞋襪，過年的新衣對我嚟講變得已經唔重要。
今年原本無打算添置新衫、新鞋，但係想買過對新波鞋已經有大半年，但係搵極都搵唔到一對岩心水的。
今日又去搵波鞋，但睇極都睇唔岩，無意中起Steve Madden比我見到一對boots一睇便愛上!
我自己好鐘意Steve Madden 的鞋款，因為好型;鞋又修腳。
當見到價錢超心心眼，36.3折超吸引!!初時忍手唔買，因為出來的目的是買波鞋並唔係買boots所以再行下先。
最後搵唔到波鞋就比個藉口自己買呢對boots,因為對靴原價$2,190，減價後$795真皮 (牛皮)，買對波鞋都唔只呢個價，所以就順手帶埋佢返屋企啦！
2015年2月14日 星期六
Doctorcos Amino Acid Hybrid Sheet Free Mask Advanced
爆水面膜出左已經有成一年多，不經不覺間已經出了第二代。
我呢瓶係第一代，係岩岩出的時候買，放了一年先至可以試用，雖然遲左少少但都叫用過。
呢個mask 搽上面會有水珠的出現，一瓶面膜有7大功效。集保濕、收緊、細緻毛孔、睡眠面膜、面膜、美白、養份。
我自己覺得保濕效果唔錯，仲可以當睡眠面膜用，真係好方便，平時懶懶地唔想敷mask，厚敷呢個爆水神器，第二朝毛孔收晒，皮膚又夠水潤。
2015年2月8日 星期日
9th blood donation
Mission completed!
今日血紅素11.6，血紅素高於11 就適宜捐血，今次都係捐350ml ，捐血時間用了5分半鐘，雖然天氣凍，但血輸出都叫做好快。
農曆年期間捐血，紅十字會送左一包利是封給我。
2015年2月7日 星期六
石澳、龍脊
又係行山的好日子，今次行石澳，難度一般般，又唔會好辛苦，平路較多，山路及石級都比較少，大約3個鐘就可以行完！
今日有少少太陽，但都係偏向大霧，所以影出嚟D 出都唔係咁靚，唔緊要啦，總會有機會再去呢條山路。
適逢今日係綠色力量環島行，沿途有好多跑手，跑手要跑山50km，真係少d 體力都唔得......
交通：於筲箕灣乘搭9號巴士 (往石澳)，於第9個站下車~歌連臣角, 石澳道
行完山去左筲箕灣東大街~安利食左碗柱候牛腩米粉 ($28)~牛腩好林好入味！超美味！
2015年2月6日 星期五
Ramosu Galactomyces 原液
一直都知道韓國護膚品的科研比較落後，而且韓國護膚品比較著重宣傳，所以對韓國護膚品的鐘愛情度很低！
不過時間一日一日咁過，韓國護膚品出的種類亦都越來越多，亦都越嚟越多元化，所以我都開始留意返韓國的護膚品。
今次買左Ramosu Galactomyces 原液，雖然完全唔知Ramosu係咩牌子，都係價錢取勝，50ml 的原液都係$89，仲要係原液真係唔買唔得......
呢瓶原液係水狀，但搽上面係有小小黏，有收毛孔、去黃、保濕的功效，平價護膚品嚟講效果好好，用嚟做導入真做超值。
下次會試埋同系的其他功效原液。
2015年2月4日 星期三
Vitamine B12 Creme Plus
Vitamine B12 Creme Plus已經用了第二支，因為佢又平又好用，產品無香料、無防腐劑，仲要Made in Switzerland。
加上之前起萬寧用積分，以會員價換購，幾多錢唔記得，但一定平過起水貨鋪買。
Vitamine B12 Creme Plus比起Vitamine B12 Creme 更加好用，保濕效果加強、抗皺、修補受損肌膚、收毛孔、緊緻、加上無香味、無防腐劑。
產品成份有 Squalane (角鯊烷)、Rose Water (玫瑰花水)、Glycerin (甘油)、Hyaluronic acid (透明質酸)、Vitamine B12 (維他命B12) 等等......
單看產品成份已經非常之吸引，加上價錢大眾化，保濕之餘亦可以該皮膚細胞更新。同時亦可以作妝前底霜使用，一個價錢多個用途，好物之選！
2015年2月3日 星期二
L'oreal Sublime Glow Sensational Cleaning Oil
L'oreal Sublime Glow Sensational Cleaning Oil 已經用了好一斷時間，上次係貪平買佢嚟試，都已經試用左有一個月的時間，又係時間記錄一下我對這個產品的感覺。
呢支卸妝油我買時係買一送一，平均一支都係$59.50，特價時買係好平，加上呢支卸妝油係法國製造，其實好多人都好抗拒中國製造的護膚品，所以呢瓶卸妝油個產地係一個幾吸引我買的地方。
用左足足一個月，自己就覺得這個產品只係卸到比較清淡的妝容，平時我用的眼線係比較防水、防溶，用這個卸妝油全面卸妝，個潔淨度係比較遜色！防水、防油的眼線落得唔係咁乾淨，有少部份的眼妝依然殘留於眼底......建議大家要分開眼部及面部卸妝！
卸普通的淡妝用佢絕對無問題，潔面後臉部完全唔會乾，感覺好清新，但以這個價錢我都係會選擇碧柔，平價卸妝油嚟講我首推碧柔~性價比高！！！
2015年2月1日 星期日
東澳古道遊
第一次行山係咁辛苦，行左4個幾鐘，條路又有d 好凹凸不平的石路，自己一向對落樓梯都有恐懼症，所以行得好慢好慢費是一陣唔小心跌親。
今次行的路線係由東涌行去大澳；於港鐵站A出口轉左手邊開始行，沿途會經過機場、深屈村，當行到去深屈村已經行左大概兩個半鐘。
我地起深屈村坐低食返個豆腐花，豆腐花好滑好好味……
食飽之後再啟情行埋餘下的路情，由深屈村行去大澳約須一個半小時。
大澳好多街頭小食，不過我地今晚會一齊食飯，所以都無乜點掃街。
最後起大澳~好景海鮮酒家食埋晚飯先走，原來起大澳食飯都唔係好貴，每人平均都係$110，個蟹粥真係好鮮甜。
起大澳食完飯搭大嶼山巴士11號出東涌，車費$19.50。
***行呢條路線要注意，因為會經過大嶼山，電話好易會連接左澳門網絡，建議大家行的時候關掉上網，以便招致不必要的損失。
訂閱：
文章 (Atom)