QV cream

入秋不久皮膚就乾到爆拆，搽乜都無用，個上唇又痛又甩皮，又鞋。

別人說好的東西我都買來試下，可是完全無用，突然想起好多年前，我個家庭醫生介紹我用的品牌QV cream，認識這個品牌是因為當年有濕疹困擾，皮膚又乾又痕，當時醫生介紹給我用，但個人認為這些廉價的品牌應該無乜用，所以一直的未有試。

今次爆拆已經試無可試，到最後一步乜都要試下，這是我的家庭醫生介紹，加上在網上搵到一些資料，所以對這個品牌信心增加了，加上咁平一支面霜才是$87.20/100g，所以就帶了他回家。

用了都好幾星期，真係好保濕，因為產品內有"甘油"，甘油會吸收空氣中的水份，從而可以增加皮膚的保濕度。

cream 的質地是膏狀的好易推開及吸收，如果大家的皮膚是極乾性，而又有爆拆的困擾可以一試這個產品。

Ideapelle Power Whitening Lotion Plus

一直對美白產品興趣不大！

這個產品是我的美容顧問介紹給我，睇了少少產品資料即時入手了。

第一次買完護膚品係咁急不及待開嚟試，佢係水狀的質地，潔面後倒十五至二十滴於化妝棉 (我自己就會用兩揼，因為二十滴的份量太少，為面在皮膚上造成太多的拉扯，所以用多少少無防)，於全面及頸打圈抹！

一支白色的水狀東西，平平無奇的，但在面上不停的打圈會見到化妝棉變成了啡色。原來我塊面是如此般污糟的。

用了個多星期面部皮膚亮澤了，暗瘡印的顏色淡了，因為產品中的專利AlphaArbutin成份、L-Ascorbic Acid 分解霧霾，深層清潔、改善皮膚暗瘡發炎、敏感、暗粒、色斑、暗黃的皮膚、預防皮膚衰老、抗氧化、收毛孔、提升美白效果。

$350/30ml

Alissi Bronte Purissimo Plus+

每逢轉天氣皮膚都會乾燥得甩皮，護膚品一定要用有效，能從深層改善膚質才值得用。

Alissi Bronte是一個西班牙的品牌，以最天然植物為主要成份，採用天然草本精華、香薰精華及溫泉水，以獨一無二的配方，為每一位提煉出效果最佳、最貼身的護膚療程。

Alissi Bronte Purissimo Plus+ $980/30ml（原我以超優惠價$600購得），產品成份有93%透明質酸 （Hyaluronic acid），產品質地清爽，皮膚吸收後完全唔會有笠的感覺，而且產品的份子細更容易被皮膚吸收，整個冬季我都係用這個精華素，皮膚偶有乾燥到甩皮，但效果都滿意。

精華素更有效抗皺、淡化幼紋、提升皮膚的水份，一支精華素有幾個功能，雖然貴了少少真係物有所值。

Source Naturals Skin Eternal Cream

偶爾會於iherb內尋寶，今次試用左Source Naturals Skin Eternal Cream。

這個產品其實我並唔認識，只係買的時候有特價就買佢回來試下！

產品售價約$100 / 56.7g，建議作晚霜使用，產品質地本身比較厚，易於推開，吸收不太快，產品有一種重重的菠蘿味，我自己亦喜歡這種氣味！

因為產品價格平宜，平日我會厚厚一層塗於臉上，待皮膚慢慢的吸收，平時比較貴的面霜因為慳，所以用的份量比較少，其實最後就厚厚的面霜搽在臉上，這樣可以避免塗的面霜不足夠而對皮膚造成拉扯。

產品有CoQ10、透明質酸等有效成份，產品不過不失，可以說是廉價之選，平平地當作晚上厚敷的面霜用。既可增加皮膚的彈性，滋潤度又高。

如果大家有興趣可以於以下網址進入購買！

http://hk.iherb.com/source-naturals-skin-eternal-cream-2-oz-56-7-g/22378?rcode=tgd808

彩豐行~導入啫喱

一直都知道彩豐行係售賣一些價格比較平宜的護膚品，而我自己就從來都無唸過會上去買野!

 

今日因為上網搵射頻機的資料，無意中搵到彩豐行的導入啫喱，而巿面亦較難搵導入啫喱這類產品。所以我自己平時只係用精華做導入，今次買到平、靚、正的導入啫喱，可以日日做導入保養皮膚了。

 

第一眼見到彩豐行個門面，又光猛，店內又大又闊落，產品多完化，包括有沐谷露、洗頭水、磨砂、按摩油、潔膚用品、化妝品、指甲油、面膜、護膚品、美容工具、軟膜粉......真係乜都有!

 

單是導入啫喱都有好多款，而我揀左caviar essence treatment gel，一盒有480ml 都只係$70，真係好抵用，導入啫喱只係一個導入介面，平時出去美容院做facial 都係用呢d 廉價啫喱，由今日開始可以隔日做導入。
 

 

只係買了一盒啫喱送了4包大大包的試用裝

Dr Johom Emergency Treatment

嘩！用左第4支已經深深感受到皮膚質素的改善，皮膚像剝殼雞蛋般柔滑、光澤感大大提升、毛孔消失於皮膚上、皮膚彈性大大提高、解決了皮膚嚴重決水的情況 。

上星期面部乾到嚴重甩皮，敷幾多塊mask都無法改善，唯獨是用左Dr Johom Emergency Treatment，皮膚底層就像注入了大量的水份，甩面現象即時改善了。

 

一瓶救命水有2ml，其實係足夠早、晚使用，但開左唔知點保存，所以我會一次過用晒一瓶，每日用一支，到第三日就可以用埋美肌丸，美肌丸不能天天使用喲！美肌丸每三日用一次，要搭配急救水一起使用、 將急救水的精華倒入美肌丸瓶中、 兩者充分混合、 再塗抹臉上。輕輕按摩至吸收。然段再塗上水感肌或面霜，留意一定要塗上面霜將精華鎖住。

 

使用順序：爽膚水，急救水（美肌丸3日用一次），精華，面霜。一星期後，皮膚健康充滿彈性！

我買這盒Dr Johom Emergency Treatment $580 (一盒為一個月的份量)，韓國的護膚品一向都係一出就賣得好貴，但當熱潮開始轉淡或者四圍都可以買到時個價格就會大幅下調，這個產品亦一樣，現在於巿面可以用約$400就可以買到一盒，真係平好多，這個產品真心覺得好用，我用完這盒之後會再回購~~好物值得分享，希望大家都可以有靚靚的肌膚，肌零逆轉。

我笨手笨腳，開這類安瓶總係有點困難，第一次開搞左好耐都開唔到，左扭右扭都搞唔掂，最後都比我搵到個開瓶方法，用了幾瓶，每次都好易開到。

但我又做左一個傻仔行為，一向好慳儉的我為左用盡其用，竟然將個玻璃瓶的碎口拍向手上希望可以將餘下的精華一滴不漏咁用晒，但係玻璃何其的鋒利，就係咁又傷受了，好在只係一點點的血絲而已，其實一瓶的份量真係有少少多，所以唔知自已咁慳為乜~~

開這類玻璃的安瓶，藍點面向自己往外用力推，啪的一聲玻璃就打開了

Suikan Handa 水感肌水光針精華

水光針精華 $580一盒，每盒有10支，今次買一盒送一支，即係共有11支，平均$53一支。

 

水光針精華，每次用一支，用嚟按摩全面，好快被皮膚吸收，按完面後唔須要再搽面霜。

 

按摩同時可以即見到毛孔慢慢收細，皮膚水潤即增加，增加皮膚彈性，減淡幼紋，去印，集多功能於一身。

 

三盒為一個療程，即是要連續用30日。我自己得每日助一支好奢侈，但係可以令皮膚好些，貴少少都值得，我會用晒一盒先之後會轉做隔日用，昨日常保養的皮膚補品，個人喜歡平貴的護膚品都用，為免皮膚用慣太多的補品，之後轉返用平野無晒作用。

 

Lanolin-Agg-Tval 維多利亞蛋白面膜

Lanolin Agg Tval 維多利亞蛋白面膜，一件風靡韓國的潔膚皂，既可以洗面同時亦可以當作面膜使多，一物兩用好方便呀 !

 

潔面皂已經於各大萬寧有售，售$69 連一個梘盒。 而我這塊潔面皂是上次去印度旅行時同領隊買USD11。買貴左好多-_-#-_-#不過我買個刻又唔係太肯定係咪萬寧賣緊個款，所以咪又笨左囉。

用潔面皂一定要買一個起泡網，如果唔係真係好難單憑雙手捽到起泡，起泡網可以於莎莎、卓悅買到，因為我係卓悅股東，卓悅買一常用品係我首選 ! 起泡網$10，只要用皂於起泡網捽兩下，之後輕輕捽下個網，咁就可以起到好多泡，用嚟洗面或者敷面都可以。

用嚟洗面可以去除面上的油粉、污垢，現時天氣用剛剛好，用嚟做個Mask 將泡沫敷在臉上5分鐘就可以。

當mask 敷完有少少乾，間中懶時就會用佢當埋mask 敷，平時我自己會當佢係一件洗面皂用.....

 

薏仁化妝水

I-mju Hatomugi Skin Conditioner 薏仁化妝水近期比較多人討論的化妝水，心私私又想買嚟試下，自從知道用化妝水敷面可以當作mask後，家中的化妝水都用得比以往快左好多。

 

薏仁化妝水可以於莎莎、萬寧等地方買到，某日行過萬寧見到門口放了一大棟薏仁化妝水，正合我心意，買返一支返屋企試下，售價大眾化$59/500ml 。

 

買完先至知薏仁化妝水的成份係有酒精，酒精係會刺激皮膚，我自己就唔係咁鐘意這個成份，但都買了所以點都要用晒去。

 

試用了幾星期，我自己的感覺係無乜作為，用左好似無用過咁，又唔好似網上咁多用家咁大讚，雖然好大支，但係又唔保濕，雖然平但又如何呢! 中伏，永不重購這個產品。

Shiseido Wrinkle Resist 24 Balancing Softener

Shiseido Wrinkle Resist 24 Balancing Softener 150ml，夠滋潤，收毛孔，增加皮膚彈性。

不過Shiseido Wrinkle Resist 24 Balancing Softener就貴左少少，間唔中用一樽就可以。

Ramosu Galactomyces 原液

一直都知道韓國護膚品的科研比較落後，而且韓國護膚品比較著重宣傳，所以對韓國護膚品的鐘愛情度很低！

不過時間一日一日咁過，韓國護膚品出的種類亦都越來越多，亦都越嚟越多元化，所以我都開始留意返韓國的護膚品。

今次買左Ramosu Galactomyces 原液，雖然完全唔知Ramosu係咩牌子，都係價錢取勝，50ml 的原液都係$89，仲要係原液真係唔買唔得......

呢瓶原液係水狀，但搽上面係有小小黏，有收毛孔、去黃、保濕的功效，平價護膚品嚟講效果好好，用嚟做導入真做超值。

下次會試埋同系的其他功效原液。

Vitamine B12 Creme Plus

Vitamine B12 Creme Plus已經用了第二支，因為佢又平又好用，產品無香料、無防腐劑，仲要Made in Switzerland。

加上之前起萬寧用積分，以會員價換購，幾多錢唔記得，但一定平過起水貨鋪買。

Vitamine B12 Creme Plus比起Vitamine B12 Creme 更加好用，保濕效果加強、抗皺、修補受損肌膚、收毛孔、緊緻、加上無香味、無防腐劑。

產品成份有 Squalane (角鯊烷)、Rose Water (玫瑰花水)、Glycerin (甘油)、Hyaluronic acid (透明質酸)、Vitamine B12 (維他命B12) 等等......

單看產品成份已經非常之吸引，加上價錢大眾化，保濕之餘亦可以該皮膚細胞更新。同時亦可以作妝前底霜使用，一個價錢多個用途，好物之選！

Sibu ~ sea buckthorn seed oil

因為皮膚好乾所以我比較鐘意用油類的護膚品，之前用開玫塊果油、角鯊烯，用耐左又想轉用其他油類產品，尋尋覓覓終於都比我搵到Sibu ~ sea buckrthorn seed oil。

沙棘油自己完全唔知係乜，只知早幾年沙棘好出名話可以抗癌，所以就上網睇下沙棘有甚麼功效。

沙棘油中的胡蘿蔔素及維生素是抗氧化的物質，保護皮膚細胞組織免受自由基的侵害，同時亦可以增加皮膚的彈性！

沙棘籽油取於生長在西藏嚴峻高寒環境中的沙棘果，被喻為 "油中之王"，其維他何C含量是奇異果的8倍，能高效緩解各種皮膚問題，包活濕疹、痕癢、暗瘡、過敏、曬傷、燙傷、蟲咬等，更生肌膚細胞組織，修護肌膚疤痕及傷口。

沙棘油有抗皺、加速傷口癒合；沙棘由份子比較細，好快被皮膚吸收。沙棘油唔會好似玫瑰果油般咁油，當皮膚吸收了沙棘油及面部一D 都唔笠。

沙棘油有一陣好濃的果及木味，加上沙棘油好黃，搽上面後會有黃黃的感覺，所以建議大家晚上使用！

如果大家都想買Sibu ~ sea buckthorn seed oil可以於iherb內訂購。訂購時輸入TGD808，首次購物滿USD20可以減USD5，USD40可以減USD10。

http://www.iherb.com/Sibu-Beauty-Sea-Buckthorn-Seed-Oil-30-ml/51728

森田藥粧~玻尿酸超保濕原液

我自己覺森田藥粧的面膜係得平靚正之選，之前行龍成藥房見到森田藥粧除了面膜之外原來仲有面霜、原液等產品，只係萬寧獨賣面膜而已。

由於森田藥粧的產品並唔係好貴，所以我就買左佢個原液嚟試試!如果唔好用平時用嚟做導入時可以好快咁用晒佢。

這個玻尿酸原液$42(15ml)，真係平到唔買唔得的地步。

今日第一次用，佢可以極速打入冷宮，原因係搽完佢再上粉會起刷子膠碎!超級討厭會起刷子膠碎的產品，搞到個粉底一舊舊咁……

其實個原液都保濕，搽完皮膚飽滿水潤，但唔係咁易比皮膚吸收，呢點又打折扣。我以後只會用森田藥粧的面膜。

Madre Labs Toner Unscented Witch Hazel

爽膚水我自己並沒有太大要求，爽膚水的功效只係收歛毛孔，將臉上未洗乾淨的卸妝殘餘物抹走。

Madre Labs 金縷梅無酒精化妝水，於iherb 購買，USD4.5，大大支好抵用！

金縷梅有抗皺、收毛孔、控制皮脂分泌、保濕等功效，平時用佢嚟做toner mask，真係好抵用，Madre Labs Toner Unscented Witch Hazel 又平又大支，日日敷個toner mask 都唔會肉赤！

如果大家有與趣購買可以於www.iherb.com購買，購物時輸入coupon code “TGD808”，首次購物滿USD20可以減USD5，購物滿USD40可以減USD10。

ProX by Olay Wrinkle Smoothing Cream

Olay 一個由細到大伴我成長的品牌，相信亦都無人唔認識佢！由兒時用佢的廉價護膚品，到今時今日olay 再唔局限於平價護膚品。

今次試用的係pro x 系列，針對抗皺，產品並沒有任何的香味，而個cream 因為無香味反而多了一陣膠味……自己就覺得唔係咁討好。

cream 的質地好杰好張，推開左唔會笠，好易比皮膚吸收，滋潤度屬一般，不竟這個產品主打是抗皺嘛。搽了這個產品皮膚緊緻度提升，彈性增加。

個人嚟講，一直對olay 都存在一定程度的偏見，全因olay 係於國內生產……國內造假的技術實在係太高，所以每當見到產於國內就會不奇然地抗拒。

olay 以價錢取勝，功效很效，值得再回購，廉價抗皺護膚品之選。

Angel Key Magician Ampoulse

早幾年台灣護膚品於香港很流行，自從一陣韓風就將台風打沉了！

個人對台灣護膚品的感覺是廉價且功效顯注，今次試用了Angel Key Magician Ampoulse $89/10ml。

這個產品驟眼試係無乜特別，質地好似水，無色無味。但係搽上面的功效就真係非無色無味般的感覺。

Angel Key Magician Ampoulse 的成份有馬胎盤萃取精華、B5、六胜肽。

每次只須搽3-5滴，不能搽太多，因為會起擦紙膠碎，少少的份量已經很保濕，作為化妝打底用可以令粉底更加貼；而六胜肽成份可以撫平細紋，抗皺-->單單這一點已經非常適合我了。抗皺是於皺紋未出現前就須要做足預防工作，到了皺紋出現時到時搽乜都已經無補於事！

除此之外，這個產品有美白的功效，早陣子面上長出了很多暗瘡，留下了很多暗瘡印，用了這個之後暗瘡印亦都淡化了很多。

一瓶約可用一個月，作為妝前打底精華，超值!

GLYCEL X'mas set

GLYCEL部美容機已經起幾個月之前budget左今個聖誕送給自己的聖誕禮物。

見聖誕set 已經出左，加上唸住用信用咭比錢可以有60日的還款期，所以就提早為自己送上聖誕禮物。

呢套set 要$4,567比起我預左的budget 亦都超支了一點點，但我又諗返如果我唔再出街做facial 而改用自己的美容儀及護膚品，買這個一點都唔昂貴，同時亦省卻左比美容師hard sell 的唔愉快經驗。

Dead Sea Premier~Biox Anti-Aging

間中我都會用一些抗皺的產品，預防勝於治療嘛！當皺紋俏俏地走了出來的時候，再用甚麼治療的效果已大大降低。

今日係了Dead Sea Premier~Biox Anti-Aging 係列的serum & cream，serum 質地清爽唔會笠，用後又夠保濕之餘肌膚變得明亮；之後再配上同系列的面霜，抗皺之餘，面霜的滋潤度又夠高、延申性強、易推，用後皮膚很飽滿、緊緻。

這兩個產品真的很適合我的中女肌，雖然暫未有皺紋，未能知道產品的真正抗皺效果，但整體上很滿意產品的效果！

Tonymoly Intense Care Snail Foam Cleanser

好耐都無update 過個關於護膚的資訊，無他因為已經無乜心機再寫。

Blog 只係為記錄我自己生活上的鎖碎事，但漸漸地再無動力更生下去，希望懶惰的我可以改變一下。

已經有一段時間係用清水洗面，因為太強力的潔膚產品都係唔適合我呢類乾性皮膚，偏偏我就有一支Tonlymoly 的贈品 (係年初時去韓國shopping時的贈品)，唸住用得唔好嘥，見夏天面部分洗的油份比較多，所以洗面膏可以出動!!!

儘管夏天油脂分泌旺盛，但係用呢個洗面膏都係覺得有少少乾，唔係咁岩我用，只要用好小的份量就可以開到好多泡，我都係會用返水洗面比較適合我。