神阻擋驕傲的人、賜恩給謙卑的人。(雅4:6): Journey~Jiuzhaigou

顯示具有 Journey~Jiuzhaigou 標籤的文章。顯示所有文章

2012年10月20日星期六

九寨溝、黃龍之旅~手信篇

終於都到左旅途的最後一日，今日就要飛返香港，真係好唔捨得，放假真係好舒服可以遠離凡囂，唔須要理會工作上的煩鎖事務，可以日日都關掉手提電話及上網真係好舍意。

本來我地個團係唔包括買以下的D 手信，係我地要求導遊-Michelle 帶我地去買當地一些出名的食物回港，Michelle 帶了我們去她的住處-川主寺鎮的一間超級市場買了一些牦牛肉乾，還有Michelle 介紹的青棵糖 (青棵係西藏的農作物，亦係小麥的一種)。竟然比我起這間超級市場發現到我上年去西藏時好鐘意飲的苦蕎茶，我唔知係唔係我之前飲過的味道，Michelle叫店員沖了一杯給我飲，最後都比我買左一包回來，一包苦蕎茶RMB58，其實當地消費都幾高，我地起川主寺鎮超市都用左大約RMB1,300買手信。

臨走前一日飛返左去成都，因為當日飛機延誤所以無乜時間比我地去買手信，最後都比我地以超平的價錢買了熊貓手信，3隻細熊貓只係RMB10，鎖匙扣6個RMB20，最平就係起成都買的熊貓手信，只可惜唔夠時間如果唔係我會再買多D 熊貓手信返嚟派...

以下就係我倆的戰利品，因為每次買親都時間緊逼，所以唔係買左好多野咋！

2012年10月19日星期五

九寨溝、黃龍之旅 Day 5

今日已經係整個旅程的尾聲，去到今日真係有點兒難捨難離，話咁快5日的旅程即將完結，而我亦都要收拾好心情準備回港工作。

今日要由九黃機場乘內陸機返回成都，完成埋如下的旅程。真係好驚嘆，第一日搭足九黃機場，機場外邊係綠悠悠一片，但今日整個機場外邊都已經結了霜，高原地帶天氣反覆無常。拎返第一日嚟到機場個張相出嚟做一個對比個感覺真係好特別！

原本我地係要坐7:40AM 的航班返回成都，但因天氣惡劣，所以班機延誤，我們成團團友呆坐於機場超過四小時才可以登機。我們一路等心情非常之着急，或者係呆等係一件好無奈的事情，到大概十點天氣開始放睛沒有太多的雲霧，我們亦都開始聽到有飛機降落的聲音；當聽到有飛機降的聲音時，整個機場的旅客都有一份喜悅的聲音，因為大家都可以準備離開。

而我們亦須要繼續等，因為我們要乘搭的班機仍然於成都機場排隊等候離開，到接近十二點我們要乘搭的班機終於都離開了成都機場，飛機嚟到九黃機場的上空，仍然要於九黃機場的上空盤旋等候安排降落，就係咁等等等，我們到一點左右終於都可以登機啦！

二點左右先至起成都落機，去到成都交通又比較擠塞，搞了好耐終於到兩點半左右先至去到午膳的地方-老房子‧水墨紅正宗巴蜀風味川菜。這所餐廳係食正宗的四川菜，今餐真係好豐富，有好多餸，不過D 餸都已經凍晒，可能係我地太遲先至去到啦！四川餸菜都係比較油。

食完午餐之後我地好趕時間咁要去埋如下的景點，下一個景點係成都大熊貓繁育研究基地，因為大熊貓基地五點半就關門，乘車時交通非常之擠塞，所以我們都好擔心去唔唔到睇熊貓，好在最後都趕得及去到大熊貓基地，因為時間所限，我們只能走馬看花，用左大概一個鐘的時間，我們就已經遊覽完畢大熊貓基地，全程都好急，因為導遊趕往掃晒我地成班團友去餘下購物的景點-寶樹堂及一個賣茶葉的地方，最後都係因為唔夠時間，所以我地取消了去賣茶葉的景點。

我地成班團友都好不滿，導遊為了賺佣金，剝削了我們觀看大熊貓的時間，我們都明白班機的延誤係一個意外，但無可能將佢自己的利益放起最前嘛！

好快我地就去到寶樹堂，寶樹堂最出名當然係保膚靈啦，但係個瓶野真係好臭我買唔落手囉！最後我地只係買白首烏，點知寶樹堂有個負責睇掌紋的醫師行埋嚟幫我地睇掌紋，個醫師話佢就好健康，而我就....講到我身患重病就快死咁，佢話我個心臟有毛病，最後返港之後做一個詳細的身體檢查，其實我咁年輕係唔係真係有問題呢？定係佢唔試亂咁講呢？

離開寶樹堂，已經差唔多六點，我地已經趕唔切再去下一個景點，咁我地又去少左一個專為購物而設的景點，又可以慳返一畢，但係個導遊就全程黑面囉！

我地今晚有個自費的節目訧係睇京劇-變臉，因為成都好塞車，而個京劇係7:30PM 開始，個導遊為了唔想我佢公司賠錢所以想逼我地去食左飯先，佢仲話個京劇開頭唔係咁好睇，可以唔睇食完飯先至去。但既然都嚟到啦，當然想睇足成個京劇。最後，我地多位團友不團比意見及反映各人的意願，個導遊決定退回是日晚餐的費用RMB40給我們。就係咁我地今晚先至可以順利睇晒成套京劇！

睇完變臉之後我地去左寬窄巷子食一些地道的小食，咁個導遊就無退返晚餐錢給我們改為於寬窄巷子食地道小食，於寬窄巷子個一個小食都幾貴，價錢與起香港掃街差唔多，個到好明顯係一個做遊客生意的地方！食食下佢開始唔舒服，佢話好想嘔，我個心當然好擔心啦，無法佢唔食得一D 好油的食物，加上佢尋日又凍親，所以咪好辛苦囉！

於寬窄巷子有種好古舊的味道，好像回到過去，好有中國特式，我地仲起個個地方買左少少手信回港。

九黃機場外的結霜情況

四圍都已經結了霜，當日綠悠悠的植物已經被霜覆蓋著

是日用餐地點：老房子‧水墨紅正宗巴蜀風味川菜

熊貓BB

睇變臉地點外的街景

睇京劇必定有的茶

手影戲

地圖-寬窄巷子

酸辣涼粉

餃子

擔擔麵

於這個地方都有starbucks offce，真係估唔到這個咖啡文化已經無處不在

是晚入住的酒店

2012年10月18日星期四

九寨溝、黃龍之旅 Day 4

今日的行程真係超級辛苦，今日全程的景點係靠對腳自己行出嚟

！我係全完無唸過去旅行要咁辛苦，一直都以為會有車將我地送到去每一個景點，但完來唔係家

。

今朝早一早就去左一個博物館參館，個博館主要都係以買天珠為主，之前去西藏已經睇過所以唔覺得有特別，參觀完博物館就去雪山梁 (海拔3960米)，這個地方應該係我地去到最高海拔的地方，出發之前我地呢班豬仔團都被載到去一個賣氧氣的地方，有專人上車賣氧氣及紅景天給我們，紅景天RMB180，氧氣RMB50，我之前已經去過西藏這個高海拔的地方，而我自己又無高原反應，所以我今次無買到氧氣。咁又慳返RMB50。其實個瓶所謂的氧氣都唔知係咪真係有用，因為我自己試過吸都唔覺得有乜特別。

觀嘗完雪山梁後我地就去食飯，今日好早就食飯啦大概係十一點幾，食完飯就去最後一個景點--黃龍。

今日用餐的地方位於黃龍的景區外，黃龍景區平均海拔3,000米以上，有一位團友未出發已經有高原反應，未能一同出發參觀黃龍。去黃龍可以選擇直接步行上山或者選擇坐纜車直接去到黃龍的後山。導遊Michelle 向我們解釋如果坐纜車上到山頂必須要行畢旅程，就算體力唔夠亦沒有其他的方法可以下山，而步行者可以沿途折返。Michelle建議我們步行會較好，但我們選擇了坐纜車上山，坐纜車費用係RMB80 (自費)。好在選擇了坐纜車，如果唔係無可能堅持下落去，因為有上無落，就算幾攰都要焗住行返落山。今日由12:30pm開始至5:45pm才可以步出黃龍景區，足足行了5個多小時，行到我腳軟，軟到落樓梯都無力！

今日一日之內可以經歷到四季不同的氣候，朝早天氣好好陽光普照，天氣好好，但行到一半天氣開始轉陰，過左無耐就再始落起雨來，再過多一會就落雹，初時只係細細點的冰雹，後來冰雹越來越大粒，又落雨又落雹，天氣越來越凍，行到無力再行的我，已經覺得自己無力再走下去，但係天越來越暗，景區來沒有燈，如果未能及時離開都唔知點算，當唸到天黑仲留起個山上面又無燈就好驚，所以就堅持一定要儘快離開。

於行山其間，見到有小部份人有高原反應而坐在一邊休息，當我地行行下見到有一個女仔呼吸困難，佢唸都無唸就即刻拎左我地樽氧氣出嚟比個個女仔吸，但係個女仔吸完都無乜好轉，同佢同行的友人比返樽氧氣我地之後就扶走左佢。但係我地個位又上無落，都唔知佢點先至可以走！

其實黃龍入面有好多個免費供氣的地方，但就要自費買一支吸管，支管要RMB1。其實於山上都有一些小賣亭及賣小食的地方，山上都有一樽樽的氧氣賣只係RMB20，平一大截，我地又比導遊帶左我地呢班豬仔團買貴左野啦！

真係不得不讚一下領隊Herman的體魄，佢本來同uncle 一齊行上山，行行山uncle自己選擇落山，而我地仲係起五彩池的時候herman 已經行到上嚟同我地會合。我地兩個係最係一組離開黃龍的，herman 仲好擔心我地係咁打電話比我地。

乘車返酒店途中，無意中望向車外的天空，真係好驚歎