New Glasses @ agnes b frame

終於都拎左副眼鏡lu...

其實幾個月之前已經想配過副新眼鏡，因為我對眼好敏感，只係相差幾十度我已經睇得好唔清楚。

一向都係起OPTICAL 88 配眼鏡，幾個月前決定要配時，唸都無唸就去左OPTICAL 88，首先我驗左眼當時係confirm 左深左幾多度先，我左眼近視深左50度，驗完之後咪去揀鏡架，點知呀個sales 幾衰呀！我相信我點睇都唔似係搗亂唔買野ge 人，佢竟然對住我黑口黑面，我心唸駛唔駛呀，我最憎買野hard feeling，我自己其實遇了配眼鏡個budget 係$3,000，我唸呢個價錢都唔係細數啦，就係因為佢呢個服務態度，我即刻走左。之後又要應付考試都無時間再理佢。一拖又幾個月lu...

因為左眼睇野真係越來越朦，所以必須要正視這個問題，最後我決定了配隱型眼鏡，我成日唸住戴隱型眼鏡，化妝時可以畫大d對眼，其實我都唔知我戴唔戴到，因為我對眼好乾，試過要滴左眼藥水，等到副con 濕d 我先至可以除左去，其實都好擔心自戴唔到o家...

因為起OPTICAL 88有個好唔愉快的經驗，所以我決定去茂昌配隱型眼鏡及有框眼鏡，本來係隱型眼鏡配先，但係到我可以取隱型眼鏡個日，茂昌打比我通知我其中一隻度數缺貨，要等2-3星期，這亦都係其中一個推動我去配眼鏡的主因！

茂昌可以選擇的鏡架款式較少，而我比較喜歡的品牌miu miu 膠框，因為鼻托位好低，戴上面好唔舒服，因為揀無可揀，所以最後放棄左起茂昌配有框眼鏡，之後行左幾間眼鏡鋪，我個target 都係miu miu，最後被我發現原來眼鏡架係好海鮮價，同一個款同一個品牌價錢可以相差好遠，我睇中個個miu miu 款(只係鏡架)：茂昌 $2000 (配埋鏡片額外7折)；LensCrafters $2490 (配埋鏡片額外88折) ；OPTICAL 88無代理miu miu。

最後，我同煩人行行下街，佢係都要我入去OPTICAL 88睇，今次見個 sales 態度好好 (可能係女仔的關係)，最後我起OPTICAL 88配左agnes b 膠框，其實我揀了三款，因為我三款都鐘意，我自己又有選擇困難症，煩人話agnes b 係最襯我，但我又唔係咁鐘意呢個架，其實我係睇價錢，因為呢個架係咁多副入面最平，我唔係因為虛榮心而買名牌，而係覺得有牌子的產品不論design, quality各方面都無較好...所以我想揀個好少少ge...

最後都好感恩，sales 都係揀呢副佢好襯我，我返到屋企起度唸，其實sales 如果為左跑數可以話最貴個副最襯我，感謝主，sales 無因為要跑數而叫我買最貴個副。相反係佢同我分析返我個面型，鏡架的線條，戴出來的效果，最後我都係聽sales 的建議買了agnes b，就係咁又用少左幾百蚊...

每當我經歷到一些我無辦法解釋又唔明白的事情我都相信是主的奇妙作為，唯有祢才會知道我每天發生的一切事情，唯有祢必會為我預備！

「我的心哪,你要稱頌耶和華!不可忘記祂的一切恩惠 !」(詩103:2) 這段經文教導了我們應當常常讚美神,記念祂為我們所作的一切。

其實配呢副眼鏡都有少少插曲，話說我之前去過茂昌驗眼，我大概都知自己個度數係幾多，好奇怪OPTICAL 88驗出來的度數比起茂昌的度數少了少少，初時唸住少少應該影響不大，30/7/10去最眼鏡，戴上後發現睇到的事物有d 散，於事同個sales 講我個情況，個sales 幫我安排視光師再為我驗眼，視光師同我講話副眼鏡個度數本身係唔足，因為怕我戴左會暈，但如果我真係睇得唔清楚會同我配到足為止。就係咁我個散光度數由100度跳升至150度，而左眼的度數無得調整。

今次個視光師好專業，同我驗得好仔細，佢話我左眼個度數係33x 度，佢話驗眼每次可以加12度鏡片，但做眼鏡就唔可以，佢話鏡片生產時每次只可以加25度，佢話我都係差幾度應該無乜問題，同埋佢地的專業操守規定，鏡片的度數只可以少過驗出來的實際度數，但就唔可以多過，所以我接受了左眼鏡片325度，而右眼好健康無乜問題出現...(其實我起茂昌驗我左眼係深了75度，但OPTICAL 88只係深左6x度，完來驗眼又係間間驗出來的度數都唔同)

今日去拎時有見到上次個視光師，佢好好人咁同我講一星期內有問題可以拎返去再整。今次好滿意佢地的服務態度，而且比起我個budget用少了50% $！

返到屋企起度試眼鏡，媽媽話我成日對住部電腦所以近試咪越來越深，我咪答佢已經買左D植物得閒可以望下，點知媽媽話我個水蝴蝶唔夠綠，我即時話咁我再買多幾盤深綠色的植物，我同佢講到時唔好話我四圍罷位呀!!


我係OPTICAL 88 的VIP 所以配眼鏡有discount