盆景

今日一放工即刻撲左去花墟，唸住去花墟買多1至2盤植物整盆景！

星期三買了一盤福祿桐回家，因為附送了小昆蟲，所以盤植物浸透了藥水，於是我放了起窗邊想吹乾少少d 泥，費是太多水浸爛佢d 根，點知星期四晚我放學返屋企，我老豆同我講，話我盤福祿桐跳左兩次樓，咁都無跌斷佢d 手手腳腳已經好好，仲起到度話我種乜鬼吖，搞到d 地方dirty 晒又要佢執手尾，佢拎左包泥比我叫我加返少少落去穩定返兩株樹，但我一打開包泥已經見到發晒霉，於是我只好用返原來起盤個d 泥等福祿桐可以企返起身，但係我掂過d 泥個種感覺好難頂，之後仲覺得對手好痕...

好耐之前已經想整這類型的盆景，其實都唔可以叫盆景，只係將不同的植物堆放在一起，但效果又真係幾特別！今次無得再拖住唔整，因為好有急切性，放工後去到花墟又走左去行繽紛，繽紛實在太多奇怪野賣，就連diy 手工材料包、香薰、燈籠、罷設等等...所以我行左好耐，行完出來好多花店都開始關門，由於無時間所以我最後只係買了一盤網紋回家整我的盆景！
原來自己動工都幾麻煩，所以錢其實應該係要比人地賺，我只係用水沖有d 泥都搞左好耐，仲要搞完之後對手勁痕，下次再玩應該戴返對手套。
整好後好開心，因為我自己覺得好靚，如果個盤再大少少可以放多2款植物落去，個效果會再靚d。

星星花盤比較特別

網紋$10，網紋有幾隻顏色，我今次選了的紋理為螢光紅