Exam result

今日朝早開始腸痛，痛到我行都行唔到，到十一點幾做情況好左少少，因為今晚有lecture，所以唔想請假。繼續留起公司做野，話就話係做野，其實係痛到起度發夢，因為公司無胃藥，平時放起公司個包藥又唔知去左邊，我最有效的醫治方法，當然係求告主，求祂醫治啦！

「又說、你若留意聽耶和華你　神的話、又行我眼中看為正的事、留心聽我的誡命、守我一切的律例、我就不將所加與埃及人的疾病加在你身上、因為我耶和華是醫治你的 。 」(出15:26)

「他誠然擔當我們的憂患、背負我們的痛苦．我們卻以為他受責罰、被　神擊打苦待了。那知他為我們的過犯受害、為我們的罪孽壓傷．因他受的刑罰我們得平安．因他受的鞭傷我們得醫治 。」(賽53:4-5)

到了lunch 實在係太痛，忍唔住搭正一點就瞓覺，瞓醒先後食了少少粥。

聖經中馬太福音第9章曾記載主耶穌醫治過癱子、血漏婦人、管會堂者的女兒、瞎子。我只係小小的病，我憑著信心禱告，雖然係經歷了幾個鐘的痛楚，但我的信心沒有動搖！但係痛左咁多個鐘咁都應該要睇醫生，我打左兩次電話要診所都無人聽電話，主安排好好o家，佢唔駛我打第3次電話，約三點我開始無咁痛，仲可以四圍走動，就係咁今晚又可以如常上堂...

可能無咁痛個人精靈返少少，於是聖靈提醒我出了6月份考公開試個result (如果聖靈唔提醒我我今日係唔會去開信箱，因為放學返到屋企好夜，同埋行樓梯由地下行去4樓我又病病地喎唔想行囉)，既然係聖靈提醒我我當然相信這個一個事實！於是即刻用去d forum 度睇下有無人討論呢件事，原來有些考生昨天已經收到result，這刻心裏有些緊張，返屋企開信箱好定係返學好，最後我選擇了返學，因為我知道早點兒知道個result 同放學返屋企睇個結果係唔會改變，更何況我確曾為我考試的成績祈禱，我相信主為我預備的一定係最好，我唔須要擔心，就算係我今次唔合格，將來主一定會為我預備一條更加平坦及易走的路給我！
「你們若常在我裡面、我的話也常在你們裡面、凡你們所願意的、祈求就給你們成就。」(約15:7)

因為考試係6月頭，月頭埋呢d 埋數日子咁多野做，我只係安排到請1日假去應付兩科的考試，加上又要準備SFM 份presentation時間實在太緊逼，我自己真係無信心會合格！我自己覺得準備唔足夠，就算係有信心都只係得一科。同埋考公開試有信心唔代表一定會合格，經過我咁多年考公開試的心得，當越有信心反而個結果係失望！

終於都放學返到屋企，打開個信箱見到封信，我無即時打開，到我返到屋企換完衫，再拆開個信封，我仲未有勇氣打開睇個result，到我慢慢打開封信個心跳得好快、心情好緊張，一望個result......嘩！嘩！嘩！嘩！嘩！嘩！合格、合格呀！！仲要係兩科都合格，心裏非常感恩。我即時同我老豆講出左個成績仲要兩科一齊合格，仲同佢講祈禱係有用，主係會為我地預備的！願一齊榮耀頌讚都歸予我們天上的父amen！！