塌樹

森樹~第135天

今日淩晨3點幾溫緊書的時候突然見到塌樹！邊度塌樹咪就係我屋企盤森樹囉！真係三更半夜塌樹都唔知應該通知食環署定係樹木辦，起無人協助我底下心裏都有d傍惶，因為我唔知包泥放左起邊，我又擔心會令到森樹枯萎，話晒都對住森樹都有4個月，或多或少都有感情，加上自從我識得種植物後，我就視佢地為我的仔女咁，每日都會擔心佢地唔夠水，又擔心佢地唔夠光，各方面的悉心照顧，真係估佢唔到最後都塌下...

其實一直都知道森樹的泥土太鬆散，其實呢盤樹買返來的時候係有兩棵，其中一棵不幸枯萎，我只係就咁拔掉佢，之後無再加返d 泥土入去個盤度，因此這盤森樹的泥土比較鬆散，加上我唔識得點樣拎起盤森樹幫佢換過d 泥，所以我一直只係監察住佢的生長，今日佢終於都不支塌下，我只係求其幫佢固定返，等我明天返公司拎返發叔包泥回家，再慢慢嘗試如何弄走d 舊泥土先 (因為現在用個種泥土好奇怪，又唔吸水，同埋泥土乾左之後會實晒，有呢怕會影響小森樹的生長)...希望小森樹仲可以挨多兩日啦！