愛的引證

之前返學好忙，加上有些課堂是星期四或五，所以都有一段時間沒有返家聚，離開了主的一段時間，好似都OK但事實係咪呢？我覺得唔係囉，因為少了時間可以聽道、見證分享及查經。自己平時雖然都有靈修，但自己睇聖經時都會有些唔明白的地方...
 

由6月尾到7月中一直都係忙、忙、忙...好耐都無試過要OT 到十點幾之後先至放工，所以更加無唸過可以返到家聚，8/7/10組長打比我提我要返家聚，我告訴她我好忙，未必返到，她叫我如果好忙都返一返去叉電，我都係隨口答了儘量啦！
 

個日做到好攰，所以做到8點幾做離開公司，咁夜走我通常都係搭MTR再轉小巴返屋企，但係個日去到旺角我沒有下車，反而繼續的往炮台山方向，好快就到砲台山都係8:40左右，我食埋dinner 先至上去，入到去剛好敬拜及報告完畢，到見證分享這part。
 

主的安排我可以聽到一個好簡單的見證，或者起別人眼裏這個見證係好無聊，但藉著這個弟兄(家聚太大，還未能認識這個弟兄)的見證，主告訴我凡事都要向主呼求，主是知道的們的困乏...不要單靠自己的血氣去解決所有的問題，因為主的恩典是夠我們用的。
 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
一同分享弟兄的見證 ~ 開樽蓋
人物：弟兄 & 他太太
天氣炎熱家聚完了，弟兄回家前到便利店買了某某品牌的冰凍涼茶，唸住搭車時慢慢享用，點不知上車後，弟兄出盡九牛二虎之力都開唔到個樽蓋，弟兄當時想望住樽飲品有得睇無得飲覺得好慘。
當時他的太太見弟兄無法開到樽蓋於是為這件事方言祈禱，還叫弟兄一起祈禱，但弟兄依然是運用了地上人的血氣，又用衫之類的物品包住個樽蓋去拎，開了好耐用盡所有的氣力及方法都無法開到，最後弟兄將飲品遞給太太，太太好輕易一拎就可以將瓶飲品的樽蓋開了，還問弟兄係咪玩野一d都唔難開。
單憑這個簡單的見證，讓我& 弟兄都有深深的令受，我們作為一個基督徒，必須的依靠主。
「耶和華啊，我從深處向你求告。主啊，求你聽我的聲音；願你側耳聽我懇求的聲音。」(詩130：1-2)
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
我的見證分享 ~ 蚊咬
當我聽完弟兄的見證後，我即時想起自己經常比蚊咬，雖然係一件小事，但我亦可以為這件事向主求告。

我自己由細到大都好惹蚊，所以不斷去買一些可以驅蚊的產品搽，起我個袋一定會袋住驅蚊&止痕的產品，從來都無唸過可以靠祈禱可以解決到這件事。

其實咁多年我一直尋找不同的驅蚊方法，於兩年前我搵到一隻成份天然的然的驅蚊產品Natura House 柑橘果防蚊液，一直用佢都相安無事，但係由6月開始不知甚麼原因，這個驅蚊夜起不了作用，我經常被蚊咬，單是一雙腿已經可以數到有超過60個蚊印，情況可算是相當之嚴重，每日都可以起我的手手腳腳搵到幾個新的蚊咬痕跡，最慘係瞓瞓下覺到蚊咬到痕醒左又瞓唔返。試過有一日已經失眠，最後望鐘差不多6點，然後睡著了，之後被蚊咬痕醒時還是6:40，之後好痕又瞓唔到，起了身準備返工，最慘莫過於這個情況只係睡了40mins 真係好唔夠精神返工！
 

因為我由細到大都有蚊咬的困擾，所以每當被蚊咬完我都會自己安慰，如果無左我，我唸D 蚊會餓死，咁即係話單憑我個人，就可以養活到好多的蚊兒，雖然唸法好傻，但都可以叫做係苦中作樂罷！

我被蚊咬的嚴重情況，令我的家人每當見到茄紅素的廣告是都會不奇然的想起我，喂話緊你呀~~亦都因為咁我成日都起度唸其實我係咪蚊子的點心呢？
但當晚我聽完弟兄的分享，我向主求告，初時的禱告內容大概是求主保護我，每日都唔要比蚊咬，如果我真係蚊子點心，主呀求你讓蚊咬完我唔會痕，之後個一兩日都有蚊咬，但係就無痕。有一晚搭車回家時心裏感謝主，有蚊咬無痕已經很感恩，其間腦海中突然想起馬太福音的一節經文

「你們看那天上的飛鳥，也不種，也不收，也不積蓄在倉裡，你們的天父尚且養活它。你們不比飛鳥貴重得多嗎？」(太:6:26)

經文中提及人比飛鳥貴重，我相信主係會養活蚊子，哪我又何須成日都覺得自己活著只是要作為蚊子的點心呢！

於是我即時再求告主，我同主講：主呀，感謝你讓我明白比天上的飛鳥還要貴重，主呀，求你每天都保護我，免我被蚊子的傷害及咬我，主呀！求你拎走我錯誤的觀念，主你看我為寶貴，我並不是蚊兒的點心。主呀！我知道主必定會養活蚊兒，求主你每天都保護我，讓我活出開心的每一天。

自從我改變了我求告主的禱告，我真的沒有再被蚊咬，而且我很有信心，起我身上已經再沒有任何的驅蚊及止痕的產品，就連17/7/10再去發叔花場這個鄉郊地方都沒有搽及帶備驅蚊產品，其實出門口都有少少信心不足，因為第一次去時見到一隻好大好大的蚊子，出門口時腦海都有閃過不如帶定，但最後我的選擇的是祈禱，因為只有單單的依靠主，主必定會看顧我。願將一齊榮耀、頌讚都歸給我們的天父，amen!!