神的應許

今日又係返家聚的日子，成個星期都OT，返到屋企又要趕功課，真係攰到極點

今朝早起度掙扎左好耐，不如唔返家聚早D 返屋企瞓覺
 

過左一陣組長SMS 提我今晚聚會，由於太攰好爽快覆佢"唸下先，好攰"

完全無confirm 佢係會唔會出現，主又真係好好組長無打電話比我要我返喎
咁自己見咁攰所以無order lunch 唸住lunch time 瞓足一個鐘

點知lunch time 話咁快就瞓著左，仲瞓得好甜差d 唔知醒，但主安排又真係好奇妙，2:00正無遲又無早電話竟然響起，因為電話響嘈醒了熟睡中的我，就係咁我又開始勞碌的工作，經過少少的午睡個人已經無咁攰，所以決定都係返今晚教會聚會，但依然係無通知組長...為免變節多一事不如少一事嘛

時間過得好快，又係時候準備放工，點知money打比我問我仲返唔返教會，我答佢返呀，佢就即時話現在好大雨，咪鬼返啦--->佢正魔鬼，成日叫人地唔好返教會

佢仲話依家d雨大到好似打風個時落d雨咁，於是我好有信心咁答佢，駛乜驚祈禱咪得囉，然後無理佢收線後收拾桌面準備離開公司，過程中都去了toilet 打開隻窗望下有幾大雨，未打開窗都聽到雨點礔礰啪啦的聲，再打開隻窗，嘩! d 雨大到呀...如果行出去真係會濕晒囉! 但我好有信心，因為詩 121:7-8講" 耶和華要保護你，免受一切的災害；他要保護你的性命。你出你入，耶和華要保護你，從今時直到永遠。"心裏默默地用詩篇的經文求告主。信心爆棚咁離開公司...

奇妙的事情又再次出現，落到公司樓下雨已經細了很多很多 (咁細GE雨其實可以唔開遮)，到我行多一段好短的路，仲未到mtr station 雨已經停了，於是即刻打比魔鬼同佢講，雨停左啦，都話祈禱就ok，佢仲答我有無咁巴閉，我緊係答佢主就係咁勁!!! 感謝主!!!