上星期六去左發叔個花場，本來答應送一盤紫羅蘭給煩人，但係由出發到歸途已經完全忘記得一乾二淨，直至去到紅磡電話聽起，才驚覺大鑊完全唔得記左，而電話響起當然係問我攞花，由於我起發叔花場左挑右選先至選了兩盤，真係萬分的不願意割愛，但係答應了唯有忍痛分一盤給她。
本來約好了今天拎比佢，但昨天我亦送了一盤給朋友作為小小的禮物及鼓勵，再送埋最後一盤，咁我咪又只係剩下5盤，於是萬般不願意再送一盤出去，故決定放去花墟為她挑選一盤。由於我只知道得"花保"有這些特別品種紫羅蘭，我放工即刻去，但去到只剩下小部份花苗，開了花的亦只有幾盤，可以話係沒有甚麼可以選擇。正想離開之際，突然間醒起phoebe 之前提過花墟還有一間唔起眼的花店有這些特別品種的紫羅蘭，其實我唔知正確的location，所以亂咁行，但主真的保守，亂咁行都比我搵到囉
嘩！入到去又係勁開心，雖然品種不及發叔花場，但這間細細的花店售賣的品種真的算多，有些品種還做緊特價$100 ~ 4盤，其實第一眼已經睇中了A56 Lemon Drop，但我都好認真睇清楚其他的品種，最後，我決定了買A56 Lemon Drop，好再可以只買一盤$30。
我本來只係想啪A56 Lemon Drop兩塊葉，但係佢死都唔肯比我啪，仲話種到D 花枯左後會將盤花比返我，佢話佢要見證住盤花的成長，我咪話如果真係要見證盤花的成長，係應該由葉開始慢慢種，咁先可以見證著花的成長。
佢仲話我講嚟講去，平又唔比佢、貴又唔比佢！我話比，但係我要兩塊葉，點知佢話人地得個幾塊葉仲要啪佢兩葉，咁盤花咪光禿禿，仲寸我話喎，D 葉係佢D 手手腳腳，無理由啪左人地去喎！最後，佢話唔要比返我，仲叫我遲D比塊葉佢種仲要落埋盤，等佢見證住佢成長喎！咁我咪答好囉，我諗住phoebe有幾塊超市品種紫羅蘭已經有根，我咪同佢講我話我會比盤8蚊葉佢，即刻笑死佢，佢話仲以為我會比個幾百蚊品種葉佢，佢話頂8蚊仲種乜鬼葉呀，然後拎$8出嚟比我叫我去花墟買盤比佢好過，仲話我8蚊葉都敢講出口話比佢喎
快D 睇下A56 Lemon Drop個樣係咪好清，清得嚟又帶D 黃色咁...
這盤花的花好搞笑，個質地好膠，而花瓣亦好硬淨
沒有留言:
張貼留言