冬瓜水

唔知點解大暑時要煲冬瓜水飲

上兩個星期已經想煲這個冬瓜水

記得細個時每逢大暑媽媽都會煲，所以每年只限大暑飲一次

咁係咪即係大暑當日先至可以飲呢？
我一向我行我素，我真係唔理你係咩節氣，想煲咪煲囉！

冬瓜水的的藥材可以於藥材鋪購買，多數都係已經預先包裝好叫"袪濕料"一包有晒所須的材料，再去街市買一塊冬瓜

這個湯水主要是袪濕，冬瓜性利尿 / 袪濕 / 排毒 / 清熱氣 / 解暑

有D 人會加塊肉落去煲，當湯飲

我記得媽媽煲個個只係藥材+冬瓜，所以唔加肉

天時暑熱三十幾度高溫下起個廚房煲野及洗這些材料，搞到個人大汗疊細汗
整好後成個人都濕晒...唔知咁搞一搞燃燒左幾多脂肪呢？
原來夏天是不宜下廚！！！

 

材料：
冬瓜去濕藥材：一般有燈心、土茯苓、蓮蓬、木棉花、赤小豆、炒扁豆、生熟薏米、川太片、澤瀉（有些會有荷葉）（指明煲冬瓜用的）

做法：
1) 冬瓜洗淨，切小件，連皮連瓤保留備用。
2) 袪濕料倒出沖洗灰塵，備用。(真係好多沙，記得用心洗乾淨D)
3) 燒一大鍋水，水滾下藥材先煲 30 分鐘，水滾後轉小火。
4) 再轉大火，下冬瓜，水再滾後再煲 30 分鐘即可。

媽媽話下次再煲，最好將個瓤 & 冬瓜皮切開去才放埋一齊煲 (方便食個冬瓜肉喎)

$15一包，所有藥材都有齊

由於趕住出街，一煲好就打開個煲蓋成煲湯影啦，張相仲有D 煙飄緊上嚟......