重遊發叔花場

由於紫羅蘭實在太靚，我就好似仲左紫羅蘭毒咁，我同Phoebe決定再去花場參觀

Phoebe 本來想去其他花場參觀及購買，奈何其他花場是不准影相

最後我們決定了今天一起再到發叔花場，今次還邀請了Pinky 一起同遊

今日12:45左右出門口，因為身上無現金要去襟定錢，所以早了少少出門口，正因為咁所以決定搭小巴去紅磡，因為個的士站好遠懶得行過去，但係等了很久部部小巴都載滿客，正當我唸住行去的士站的時候，有一部吉的小巴駛過來，正! 又慳返的士錢來買花花...但去到紅磡火車站，見到下一班列車將會於13:24開出，我們約了兩點於粉嶺集合，心裏想會否遲到??好在最後我係準時2:00下車。
然後，我們轉乘的士到發叔花場，途中我提Phoebe要搽定驅蚊，因為上次一次車就見到一隻好大好大隻ge 蚊追住佢，佢話要上車先至搽喎，上了的士佢拎佢個茄紅素出嚟勁搽，個司機忍唔住問"係咪黑鬼油"我地答佢係茄紅素，佢叫我地下次要搽呢D 野唔好起部車上面搽，陣味好難散，期間個司機不斷用手掩住個鼻
而我就好勁啦，我咁惹蚊但係我乜都無搽，因為我出門口前已經祈禱，唔要比蚊咬，最後全日得主保護，全日都無比蚊咬過...

由於今次係第二次去發叔花場，所以我地一入到去第一件事係四圍行、四圍影相，一邊影相一邊挑選我想帶走的品種，但係我本身已經有5盤，所以今次決定只買兩盤，但係又花多眼亂，盤盤都好靚，盤盤都想種，本來上次想買個盤灰灰地色花我最後無買，因為實在太大盤，最後我選了以下的兩盤...

我本身有盤超市品種紫羅蘭，不知甚麼原因葉片生了啡色一點點，於是我比D 相發叔睇，向發叔請教出了甚麼問題，發叔話單憑相好難定斷，佢叫我下次再遇到同樣情況，應該帶盤花入去比佢睇睇...
今次去到發叔花場，向發叔請教為何紫羅蘭會因種植條件不同而花的顏色會有差異? 發叔解釋，原來係溫度及泥土的濕潤度的影響，溫度過高有可能令葉片長出啡斑點，而溫度過高加上泥土過份的濕潤會令長出來的花朵顏色有所偏差。如果根部長時間處於過濕的泥土生長會導致根部腐爛，植物枯萎

盤花上沒有no. 牌，好在Phoebe之前影相時影埋佢個no.，原來係S518+ (發叔話最尾個+即係代表盤花係十字花)

因屋企光線問題，第一張相先至係佢原來個色

這個係8號，但只有no. 未有名，十字花
買這個8號時，我地多口問分盤問題，發叔見我呢盤花可以再移植多兩盤，於是免費幫我地移植埋，仲送左兩盤泥比我地，發叔真係好人

發叔手起刀落，好快就起我個8號分割了這兩棵小苗出來

返到屋企見到這條葉不知甚麼原因，軟奶奶咁瞓底左，本來好想打比發叔問，但係太夜
最後經我多翻研究，係因為這塊葉係分割時都切了一刀，介付分離與連住之間，我見咁樣所以啪走埋佢

這片葉片係起S518+啪出嚟，因為上次發叔教完我地啪葉，我係完全做唔到，所以今次起發叔協助及指導下，我成功啪出這片葉片，因為唔好浪費，所以我唸住用佢插泥，但係袋泥放左起公司，唯有用水養住佢先...

其實這盤都好靚，我都好鐘意，但係我已經種了太多，所以我無帶佢走...