靈修

搭入6月開始經歷主的愛

神的恩典真的奇妙，主真的眷顧著我，祂真的愛我，唯有祂 祂知道的的困乏，主籍著一本靈修書藉《主啊，我把這一天獻給祢》每天都同我講說話，主的安排讓我能每天都聽到主對我講一些好貼切的話及教導！

首先要由19/6/10開始講起，這天返SFM 最後一堂2:00課堂，上課地點：炮台山
當日落到屋企樓下已經13:10，剛剛望住部巴士離開加上非常塞車，平時13:10上車加埋塞車到達CWB 通常已經係13:40，因為上課地點遠了及巴士剛剛走了，不知就裏腦海閃過行去油麻地搭MTR，但當天腳痛持續，但心裏仍然堅持，一路行心裏想在這附近應該有一間售賣宗教書籍的書店，行左好耐都唔見，仲以為已經結業...
後來終於都見到這間書店，當時已經係13:25，我竟然衝左入去這間書店，其實當時我都唔知點解，我入左去不停望錶知道要離開，因為夠鐘上堂又唔想遲到。入到去書店都有打開過幾本書，但沒有想過要買，都係唸住轉個圈就離開，差不多轉完我想轉個個圈，我行到去一個售賣靈修書藉的書架，當時我停了下來望了一望，我隻手伸出去了取一本靈修的書《主啊，我把這一天獻給祢》我睇了兩眼然後放回原處，因為靈修書籍我都有幾本，唔想堆存太多類似的東西，然後我又拎第二本靈修書藉出來，心裏依然對《主啊，我把這一天獻給祢》有一種非買不可的感覺...唔知點解我就拎左去比錢，當時收銀處沒有職員，由於趕時間我主動叫個職員收錢 (平時的我係唔會主動咁做，因為怕羞嘛)，離開已經差不多13:40，於是急步行去油麻地站。最後我都係遲到幾分鐘，但每堂開頭都係講廢話，所以無乜所謂
好了放學回家，從袋裏拎了這本書出來，其實都無唸過睇佢，其實我每晚臨睡前都會閱讀靈修書藉在加一章或者數節聖經，我初時都係睇返自己平時睇開個本靈修書藉。聖經都已經睇埋想瞓之際突然見到《主啊，我把這一天獻給祢》放了起枱角，突然有感動要睇埋佢，唸住都係得一頁，心裏想我唔再翻查聖經，睇完個頁就瞓...

只係短短的一段經文給了我一個好重要啟示...神給我的真係超出我所想所見，神為我預備遠遠超出我的預期，我確信，神會為我預備一切...

把基督的道理豐豐富富的存在心裡 (歌羅西書三章16節) 了解上帝的話語，並讓它豐豐富富地存在我們的心中，是非常重要的，我們必須明白上帝的話語，以便可以分辨我們所接受的忠告，是否會導致我們走向不屬神的理性、或是不合聖經的行為。