娥羅納英H軟膏

可憐！呢幾排天氣都唔算十分乾燥，但係我呢個乾性皮膚的缺水怪竟然......爆......爆......爆拆......

真係唔能夠接受，我又唔係住起D超乾燥的地方，真係不能接受我區住於香港，呢排濕度維持於50-70%，而我竟然爆拆囉！！！

因為我自己皮膚屬於極乾性，所以近呢兩個月我日日都敷保濕mask，我只係得星期五個晚偷左一次懶無敷mask 咁就出事啦...

夠竟係物極必反，定係我本身就已經係乾到咁呢

已經n咁多年未試過爆拆，所以屋企都無乜野可以急救我的爆拆皮膚！

今日去左買娥羅納英H軟膏，之前上網見好多人都話娥羅納英H軟膏依加有好多假貨，就連起藥房都買到假貨，所以我都唸左好耐去藥房買定係去萬寧買好！

我最後決定去藥房，因為藥房一定比起萬寧平好多，慳得一蚊得一蚊嘛

我記得細個時係用過牙膏裝，牙膏裝比較易拎出嚟用，但去到藥房佢無得賣，只有樽裝 (細$30/30g，大$60/100g)

因為藥房無我想買的牙膏裝，所以我走左去屈臣氏，牙膏裝$16.60/10g，反正附近仲有一間萬寧所以又行埋過去睇下，萬寧平少少$15.90，一次買兩支仲平d，不過我唔係成日用所以唔駛買咁多支...

至於大樽的價錢萬寧&屈臣氏對比起藥房貴成$10，但如果唔係去得可靠的藥房呢$10都係要比佢地賺囉！

雷射標簽, 有佢先至係正貨