神阻擋驕傲的人、賜恩給謙卑的人。(雅4:6): 單車生態遊~南生圍

2013年1月26日星期六

單車生態遊~南生圍

今日同左幾個同學參加了東華三院biciline 單車生態遊社會企業的單車生態遊，我地今次選擇了去南生圍，其實好多年都無踩過單車，所以可以去踩單車都好開心，如果我地自己識路踩去南生圍，咁我地就唔會報呢個單車生態團，因為唔駛限時限刻，想幾時踩就踩時踩，想食乜就食乜，呢個團其實話貴又唔係好貴，話平佢地又唔係平，每位$280，但係佢個網post 出嚟係每位$220，可能係物價飛賬所以加了價，團費包午膳、乘搭橫水渡及單車。

幫襯呢d 社會企業都有一個好處，就係可以協助一些弱勢社群的一群受惠於不同的培訓機會，投入就業市場，自力更生。今次的活動總算係就社會出了一點點的綿力。

我地大概十一點左右就去到biciline，之後就揀單車、試頭盔，再有一個powerpoint 講解整個旅程，揀好單車之後我地就去食飯。

個團包括的午膳於自家人餐廳享用，五餸一湯，都算係幾豐富，午餐食物質素都唔差。

食完飯之後約一點鐘，出發之前導賞員ken叫我地一齊做熱身過動，目的只是為了避免途中會抽筋...

呢個團包乘搭一次橫水渡，如果自己去踩就未必知道有呢個景點，亦都唔會浪費錢去搭，因為短短的一程就去$5，橫水渡係由人手划艇，每次大概可以坐8-10人，個呢個橫水渡的幾特別！

參加呢個團都幾遊閑，一D辛苦都無，多數都係踩一陣就會有休息的時間，或者停下來去一D特別的景點參觀！我地一點鐘開始向南生圍出發，四點半左右就完成了整個旅程！整個旅程最辛苦都係回程時有幾個地點有D 上斜位，其餘都係平路。起元朗踩單車，原來大部份都係踩街路，佢地無乜單車徑，所以有時都會覺得有少少危險！

今日去踩單車完全唔記得左去呢類郊區地方係要做防蟲準備，可能係冬天的關係成個人都包到實晒，斷估都唔會比蚊咬啦，點知....隻手係外露的，就係咁又中招啦！如果夏天去就係一定要帶防蚊及防晒產品。