Guinot Instant Radiance Moisturizing Mask

入冬後天氣變得乾燥，我的皮膚不能承受這乾燥的氣候，所以我四出咁搵好多保濕的面膜用，今次買呢個Guinot Instant Radiance Moisturizing Mask係我平時買開護膚品的店鋪買的，呢間護膚品店有得買美容院裝產品，如果個款產品有salon size，我一定會買salon size，因為咁會平好多。

我之前都用過Guinot的產品覺得佢都唔錯，所以今次聽個BA 講試埋佢個Guinot Instant Radiance Moisturizing Mask，佢話呢個mask 係非常之潤，從來無客人話佢唔夠潤，所以我就放心試下佢，呢個salon size 150ml-$480，呢個價錢可以買到咁大支面膜，真係超抵，但抵還抵好唔好用又係另外一回事，如果唔好用幾抵都無用！

呢個mask 吱出嚟見到佢的顏色好似d mud mask 咁，但只係顏色似，佢個質地好滑，好容易推開，一路推一路感覺到涼陣陣咁，佢有一陣好濃的香薰味，當敷晒成塊面之後，我成塊面都覺得好似敷緊一陣薄荷起塊面度，好冰涼，呢幾日又凍冰冰咁，所以敷住佢個感覺唔係幾好受，相信夏天敷佢個感覺會好正！

因為面膜的成份有香薰油所以都比較滋潤，敷完之後要用濕的紙巾將面膜抹走，抺走面膜後面上留有一層薄薄的油份，面上涼陣陣的感覺都維持到成個鐘，我自己都幾鐘意呢種涼陣陣的感覺，同埋個面膜好難先至可以洗得乾淨，面膜滋潤度高，只係很難洗得乾淨呢點就真係好點兒難搞，以價錢呢講真係好抵用，日日敷又唔會肉亦，都值得買嚟用，但一定要買salon size。