軟模粉

以前起舊公司做成日都會可以做model 試下美容師的手勢，個陣時真係好成日都可以有免費facial 做，唔計個班見習美容師的手勢，淨係計佢用起我塊面的護膚品都已經抵晒啦！

倒軟模除了起美容院做過之外，我真係未試過自己起屋企做，因為怕整到屋企好污jo。早排有個同事介紹我去卓悅買乾模粉嚟倒模，佢話敷完之後會好保濕，個日去完街順免行入去卓悅買了兩包，$10/2包真係好平，我自己主都係想做保濕，所以揀左玫塊及骨膠原兩隻。

今日終於都試左倒軟模，其實都唔係咁易可以整污jo d 地方，個軟模開好之後都乾得好快唔會滴到四圍都係。

個袋教係用50-70ml 蒸餾水開個倒模粉，我早排買了一瓶玫瑰花水，所以唸住豪少少用花水開，因為玫瑰花水都係保濕，唸住兩樣補濕的產品放在一起實無死，點知又係如意算盤打唔響。

今日試左個玫瑰mask，倒了出嚟聞到好香的玫瑰味，而包軟模粉入面仲有好多玫瑰花瓣，看似好名貴咁....

我自己覺得敷完呢個軟模之後塊皮比起未敷之後仲要乾，可能係反吸的關係，今次真係嘥晒我d 玫瑰花水

紅色一片片就係玫瑰花瓣

注入少量的玫瑰花水入軟模粉內

開好的軟模粉

可以清晰見到有好多玫瑰花

敷完的軟模，大部份的玫瑰花已經變了黃色