只係懶左一日無敷一晚mask，我塊面就變成咁......
眼肚下面爆拆......爆拆的後果咪係損左囉，依加個個位"鞋十十"唔知想點，仲要深色左一撻，由眉下面開始全部乾到勁、勁甩皮，唉！
之前日日敷mask 個額頭又潤得濟生左好多暗瘡出嚟，但係額頭的缺水紋又繼續存在，其實都唔知個額頭仲係缺水定係潤得濟....
如果額頭潤得濟，水份mask 咪可以只敷起塊面，而唔敷額頭，但我現在已經唔知自己依加係咩狀況
今朝早化妝前為了要個妝貼D，所以化妝時用左Elemis~Cellular Recovery Skin Bliss Capsules打底
，如果無佢我甩出嚟的死皮實嚇親人
我甩皮甩到咁，用左佢打抵再搽埋佢個Pro-Collagen Collagen Marine Cream 今日全日個妝都好貼，到臨放工前鼻翅先至再次甩皮，都算係咁啦捱到成十個鐘
返到屋企甩皮情況係最嚴重，落埋妝仲嚇親自己添，本來我係影左成個樣的相，不過望住張相，我唔相信相入面個個係我囉
所以我都係放半邊爆拆面出嚟做個比較算啦！
唸左好耐入咩嚟急救下我塊咁GE缺水皮好呢
最後係用左上次用完成塊面都賬卜卜的Barrier Repair 面膜精華液打底，上次係用離子機做導入，今次唔洗用離子機，因為一搽上塊面都已經差唔多比皮膚吸收晒，之後再敷埋佢個三重補濕彈力面膜，個盒話敷5-10分鐘，我就敷足30分鐘
敷完之後面部的甩皮情況即時解決，但係爆拆個位唔知幾時至可以好返呢
好在戴左眼鏡岩岩遮住左，如果唔係深色左一撻，分分鐘比人地以為我比人打完添呀
做完呢個保濕mask，臉上餘下的精華液，都唔駛一陣又比皮膚吸收晒，見乾到咁都無野好講....上次同樣用Barrier Repair呢兩樣野，個精華碌完仲有好多剩起塊面度，今次一邊搽，即搽即吸，我從來都未試過咁囉！最後，我再on top 搽埋個娥羅納英膏，爆拆位厚敷....又係咁一陣間又吸晒
沒有留言:
張貼留言