Barrier Repair~三重補濕彈力面膜 (極潤) + 面膜精華導入液

今次要介紹一隻又平又抵用的mask 比大家，其實都係我朋友介紹比我用，而呢個bb 頭mask~Barrier Repair~三重補濕彈力面膜 (極潤) 近來都開始走紅，佢亦都起萬寧上架，之前只係可以起卓悅、莎莎、color mix先至買到，依加就方便好多！

我終於都試用左啦，我見個盒介紹話如果想加強保濕可以於敷面膜前用埋佢個面膜精華導入液，但係呢個精華導入液唔係四圍都可以買到，我都要四圍搵先至可以買到，最後我係起color mix 買到個面膜精華導入液$38/5支。

因為早幾日天為非常之乾燥，所以我用左面膜精華導入液打底，為了再加強效果，我用左部離子機導入個精華液，精華液係cream 狀，好易推開，因為每包份量有2.8g，份量都比較多，所以都搞好耐先至可以比皮膚吸收晒，待個精華液完全被皮膚吸收後先至再敷個面膜。

個面膜$69/5塊，每塊面膜有27ml 精華液，又無香料、無添加色素、無防腐劑。打開個包裝袋就可以見到塊面膜有好精華，拎左塊面膜出嚟個包裝袋仲有好多精華液，基於唔好浪費，所以我會拎埋餘下的精華液嚟搽頸。塊面膜本身無味，面膜好貼面仲包埋眼位，敷完之後面上即時感覺到賬卜卜，就連額頭呢d咁乾的地方都可以感覺到賬卜卜，真係物超所值，多敷又唔會肉赤，抵抵抵！極力推介比大家！